Fréttablaðið - 21.02.2012, Blaðsíða 10

21. febrúar 2012 ÞRIÐJUDAGUR10
STJÓRNSÝSLA Skúli Magnússon,
dósent við lagadeild HÍ og ritari
EFTA-dómstólsins, segir stjórn-
arskrárfrumvarp stjórnlagaráðs
of fjölþætt til að hægt sé að bera
það í einu lagi undir þjóðina til
samþykkis eða synjunar. Þarna
séu einfaldlega of mörg flókin og
stefnumótandi atriði tekin saman
á einn stað til að hægt sé að ætl-
ast til þess með sanngirni að þeim
verði svarað af eða á.
Skúli átti sæti í stjórnlaganefnd
sem skipuð var 2010 til að undir-
búa og standa að þjóðfundi um
stjórnarskrármálefni og setja
fram hugmyndir um nýja stjórn-
arskrá, en það var upphafið að því
ferli sem skilaði stjórnarskrár-
drögunum. Hann og Ágúst Þór
Árnason, deildarformaður laga-
deildar Háskólans á Akureyri,
unnu umsögn um frumvarpið þar
sem þessari skoðun er komið á
framfæri.
„Þegar þjóðin hefur staðið
frammi fyrir tillögum um nýja
stjórnarskrá áður, hefur málið
verið heldur einsleitt og spurning-
arnar afgerandi. Svo er ekki að
þessu sinni. Núna er alls ekki sjálf-
gefið í hvaða átt þróa á og breyta
stjórnarskránni,“ segir Skúli.
Formaður stjórnskipunar- og
eftirlitsnefndar Alþingis lagði til
á fundi nefndarinnar á þriðjudag
að frumvarpið í heild sinni yrði
borið undir þjóðaratkvæði í sumar,
ásamt með nokkrum afgerandi
spurningum.
Skúli segir óhjákvæmilegt að
skilgreina þau atriði sem nokkuð
almenn samstaða er um að þurfi
eða megi breyta. Þannig megi taka
létta yfirferð á stjórnarskránni
og stilla upp í eina breytingartil-
lögu sem hægt er með sanngirni
að ætlast til að þjóðin segi já eða
nei við,“ segir Skúli. „Auðvitað er
þó matskennt hversu langt er hægt
að ganga á þessum grundvelli.“ „Á
hinn bóginn eru atriði sem þjóðin
verður einfaldlega að fá að taka
skýrari afstöðu til“ segir Skúli
og nefnir eðli forsetaembættisins
sem dæmi þar um. „Önnur atriði,
t.d. gerbreytt kjördæma- og kosn-
ingaskipan eða grunnbreytingar
á reglum um störf ríkisstjórnar
hafa aldrei verið rædd eða skoðuð
sérstaklega. Það væri hvorki lýð-
ræðislegt né skynsamlegt að ýta
þessum breytingum í gegn með
þessum hætti.“ kolbeinn@frettabladid.is
Telur frumvarpið of flókið
til að setja í þjóðaratkvæði
Nefndarmaður úr stjórnarskrárnefnd segir frumvarp að stjórnarskrá of flókið til að leggja í þjóðar-
atkvæðagreiðslu. Vill kjósa um grunnþætti. Ólýðræðislegt og óskynsamlegt sé að kjósa um órædd atriði.
STJÓRNLAGAÞING KOSIÐ Þjóðin kaus fulltrúa á stjórnlagaþing í nóvember 2010. Hæstiréttur úrskurðaði kosninguna ólöglega og
Alþingi skipaði stjórnlagaráð, skipað þeim fulltrúum sem kosningu hlutu. Frumvarp þess á að leggja fyrir þjóðaratkvæði í sumar.
FRÉTTABLAÐIÐ/PJETUR
1. Hver er formaður efnahags- og
viðskiptanefndar Alþingis?
2. Hvar sat maður fastur í snjó í bíl
sínum matarlaus í tvo mánuði?
3. Konudagurinn markar upphaf
nýs mánaðar í norræna tímatalinu,
hvað heitir hann?
SVÖR
1. Helgi Hjörvar. 2. Nærri Umeå í Norð-
austur-Svíþjóð. 3. Góa.
Þjóðin hefur beðið nógu lengi
„Ég tel að þjóðin hafi beðið eftir þjóðfundi í 150 ár og nýrri
stjórnarskrá í 70 ár og það sé nógu löng bið,“ segir Gísli
Tryggvason lögfræðingur, sem sat í stjórnlagaráði. Hann
gefur lítið fyrir þá gagnrýni að ræða þurfi frumvarpið frekar
áður en um það verður kosið.
„Sumir hafa gagnrýnt það að eitthvað sé ekki nógu
mikið rætt og annað illa rökstutt. Það er þá um að gera
að nota tímann vel fram að þjóðaratkvæðagreiðslu og
ræða frumvarpið. Ég minni á að það var þjóðkjör að baki
stjórnlagaráðsins og allar umræður þar er að finna á netinu, bæði upptökur
og uppskrifaðar. Það er því hægt að kynna sér allt sem þar fór fram. Við
komumst að vel ígrundaðri niðurstöðu og samþykktum 25-0 að þetta væri
góð stjórnarskrá, allavega betri en sú gamla.“
í miðbænum
til sölu
Hótelrekstur
Viðskiptatækifæri á www.kontakt.is
50 herbergja gamalgróið hótel á góðum stað í miðbæ
Reykjavíkur, sem hefur verið í góðum og vaxandi rekstri.
Um er að ræða kaup á rekstri en ekki fasteign
og möguleikar á stækkun.
Skemmtilegt fyrirtæki með mikla framtíðarmöguleika.
Nánari upplýsingar hjá Guðna Halldórssyni
í síma 414 1200, gudni@kontakt.is
H
a
u
ku
r
1
0
.1
1
HÚSNÆÐISMÁL Neytendasamtökin
krefjast þess að þeir sem vilja
breyta verðtryggðum lánum
í óverðtryggð fái að gera það
með lágum tilkostnaði. Sam-
tökin leggja til að það verði gert
með því að uppgreiðslugjald
á neytendalánum verði bann-
að og að lántökugjald sé inn-
heimt eingöngu í formi fastrar
krónutölu til að mæta raunveru-
legum kostnaði vegna umsýslu
lánsins en ekki sem hlutfall af
lánsupphæð.
Jafnframt er lagt til að stimp-
ilgjald verði ekki lagt á breytt
lán jafnvel þótt breytingar verði
á lánsupphæðum og komi laga-
breyting til ef nauðsyn er.
- ibs
Krafa Neytendasamtakanna:
Uppgreiðslu-
gjald bannað
RÚSSLAND, AP Vladimír Pútín, for-
sætisráðherra Rússlands, lofar því
að kaupa ógrynnin öll af nýjum
vopnum fyrir rússneska herinn
verði hann kosinn forseti landsins
á ný.
Tæplega hálfur mánuður er til
forsetakosninga í Rússlandi. Sam-
kvæmt skoðanakönnunum getur
Pútín átt von á um það bil 50 pró-
senta fylgi, en aðrir frambjóðendur
fá varla meira en tíu prósent hver.
Pútín segir, í dagblaðsgrein
sem birtist um helgina, að örygg-
is náttúruauðlinda Rússlands sé
ekki gætt nógu vel. Þess vegna
ætlar hann að verja 230.000 millj-
örðum rúblna, eða nærri 95.000
milljörðum króna, næstu tíu árin
til kaupa á meira en 400 langdræg-
um flugskeytum, meira en 600
orrustuþotum, tugum kafbáta og
þúsundum skriðdreka.
„Við megum ekki leiða neinn
í freistni með veikleika okkar,“
skrifar Pútín í dagblaðið
Rossískaja Gazeta.
Áform Bandaríkjamanna um
að koma upp eldflaugavarnakerfi
í Evrópu gera það að verkum, að
mati Pútíns, að öflug vígvæðing
Rússlands verði enn brýnni. - gb
Pútín býr sig undir forsetakosningar með loforðum um að verja náttúruauðlindir:
Boðar stórfellda vígvæðingu
ATVINNUMÁL Árið 2011 voru að
meðaltali 12.700 manns án vinnu
og í atvinnuleit. Það jafngildir
7,1 prósenti vinnuaflsins og er
nokkur lækkun frá árinu 2010,
þegar 7,6 prósent voru atvinnu-
laus. Þetta kemur fram í tölum
Hagstofu Íslands.
Atvinnlausum fækkaði á milli
ára um 1.000.
Alls voru 180.000 á vinnumark-
aði árið 2011 og jafngildir það
80,4 prósenta atvinnuþátttöku.
Fjöldi starfandi var 167.300, eða
74,7 prósent af vinnuaflinu. - kóp
80,4% atvinnuþátttaka:
Minna atvinnu-
leysi árið 2011
SAMFÉLAGSMÁL Framhaldsskóla-
nemar sem eiga foreldra frá öðru
landi en Íslandi eru líklegri til að
telja menningu sína og uppruna
mikilvæga en börn sem eiga bara
íslenska foreldra.
Þetta er meðal fyrstu niður-
staðna viðamikillar rannsóknar
á lífsviðhorfum og lífsgildi ung-
menna í fjölmenningarsamfélagi.
Rannsóknin var kynnt á málstofu
um framhaldsskólarannsóknir í
síðustu viku.
Um var að ræða fyrstu niður-
stöður rannsóknarinnar, sem er
ekki enn lokið. Rannsóknin hefur
verið lögð fyrir nemendur í fjór-
um framhaldsskólum en þrír til
viðbótar taka þátt í henni.
81 prósent ungmenna sagðist
vera þeirrar skoðunar að menn-
ing og uppruni skipti þau miklu
máli. Hlutfallið var 89 prósent
hjá nemendum sem bjuggu hjá
foreldrum í blandaðri sambúð,
þar sem annað foreldri kemur frá
öðru landi, en 79 prósent hjá þeim
ungmennum sem bjuggu hjá for-
eldrum af íslenskum uppruna.
Gunnar J. Gunnarsson, Gunnar
E. Finnbogason, Hanna Ragnars-
dóttir og Halla Jónsdóttir hafa
unnið að rannsókninni. Hún
hófst haustið 2010 og er skipu-
lögð til þriggja ára. Byggt er á
þverfaglegri nálgun mismunandi
fræða og margar rannsóknarað-
ferðir verða notaðar til að fá sem
fjölbreyttastar niðurstöður. - þeb
Hærra hlutfall hjá ungmennum sem alast upp hjá erlendum foreldrum en öðrum:
Telja uppruna frekar skipta máli
UNGLINGAR Rannsóknin hófst haustið 2010 og er til þriggja ára. Niðurstöðurnar nú
eru aðeins lítið brot af þeim upplýsingum sem óskað er eftir. NORDICPHOTOS/GETTY
SAMGÖNGUR Tvöfalt fleiri far-
miðar og strætókort voru seld á
netinu í janúar en á sama tíma
í fyrra.
Þá hefur heimsóknum á vef
Strætó fjölgað um 45 prósent
eftir að nýtt rauntímakort var
þar tekið í notkun. Á rauntíma-
kortinu er staðsetning vagna
uppfærð á tíu sekúndna fresti
fyrir tilstilli GPS-búnaðar í
vögnunum.
Unnið er að nýrri útgáfu af
leiðarvísi og viðbótum fyrir
flestar gerðir snjallsíma. Þann-
ig munu viðskiptavinir Strætó
geta fylgst með ferðum vagna
og séð nákvæmlega hvenær
vagn er væntanlegur.
- þeb
Mikil fjölgun hjá Strætó:
Tvöfalt fleiri
kaupa á netinu
PÚTÍN er spáð um það bil 50% fylgi í
forsetakosningum eftir hálfan mánuð.
NORDICPHOTOS/AFP
VEISTU SVARIÐ?