Fréttablaðið - 21.02.2012, Blaðsíða 38

21. febrúar 2012 ÞRIÐJUDAGUR26
folk@frettabladid.is
Breski söngvarinn og laga-
höfundurinn Jamie Cullum bar
sigur úr býtum í undankeppni
Eurovision-söngvakeppninnar í
Þýskalandi um helgina.
Söngvarinn vinsæli steig þó
ekki á svið sjálfur, heldur samdi
hann sigurlagið, Standing Still,
ásamt tveimur ástsælustu laga-
höfundum Bretlands, Steve
Robson og Wayne Hector.
Það var 22 ára þýskt sjarma-
tröll, Roman Lob, sem flutti
lagið sem sigraði æsispenn-
andi úrslitakeppnina og verð-
ur því framlag Þýskalands í
lokakeppninni í Bakú í maí.
Þýskaland hefur tvisvar sinnum
sigrað í Eurovision. Nicole
Hohloch var 17 ára gömul árið
1982, þegar hún sigraði með lag-
inu Ein bißchen Frieden, og hin 19
ára Lena Meyer-Landrut sigraði
árið 2010 með laginu Satellite.
- trs
Jamie Cullum
í Eurovision
CULLUM SEMUR LAG Söngvarinn hæfi-
leikaríki er einn þriggja höfunda þýska
lagsins í Eurovision í ár.
Fimm hundraðasti sjónvarpsþátturinn um Simpsons-fjölskylduna
var sýndur í Bandaríkjunum á sunnudag. Í honum þurfti Homer
og fjölskylda hans að yfirgefa heimkynni sín og búa á stað þar sem
útlagar bjuggu, þar á meðal stofnandi Wikileaks, Julian Assange.
Samkvæmt sjónvarpsstöðinni Fox tók Assange upp sínar línur
fyrir þáttinn í Bretlandi. Þar reynir hann að komast hjá því að
verða framseldur til Svíþjóðar vegna ásakana um kynferðisofbeldi.
25. þáttaröðin af Simpsons er í gangi núna og þegar henni lýkur
verða þættirnir orðnir 559 talsins.
Simpsons orðnir 500
47 ÁRA er fyrrum ofurfyrirsætan Cindy Crawford en tíu ára dóttir hennar, Kaia, er einnig komin í fyrirsætubransann
og auglýsir barnafatnað Versace.
Rokksveitin Brain Police er ósátt við enska
rapparann Skepta sem virðist hafa stolið
lagi hennar. Lögfræðingur er kominn í
málið.
Útgáfufyrirtæki Brain Police í Bandaríkjunum, Small
Stone, ætlar að athuga hvort enski rapparinn Skepta
hafi gerst sekur um brot á höfundarrétti með því að
nota hluta úr lagi rokksveitarinnar í nýjasta smáskífu-
laginu sínu Hold On án hennar samþykkis. Um er að
ræða lagið Jacuzzy Suzy sem kom út á plötunni Brain
Police árið 2003.
„Það síðasta sem við heyrðum var að hann [útgef-
andinn] ætlaði að setja lögfræðinginn sinn í málið,“
segir Jenni söngvari, sem finnst lag Skepta hreint út
sagt ógeðslegt. „Þetta er klárlega stolið hjá honum, það
heyrist langar leiðir. Hann er ekki bara að taka riffið
heldur nokkurn veginn bítið úr laginu líka. Það verður
mjög gaman að fylgjast með hvað gerist
næst.“
Jenni og félagar höfðu reynt að
ná sambandi við Skepta í gegnum
Facebook en hann svaraði ekki skila-
boðum þeirra. Þá hvöttu þeir aðdáendur
sína til að herja á Facebook-vegginn
hans til að knýja á um svör. „Við
settum PR-vélina í gang og
dúndruðum aðeins á hann.“
Skepta varð að vonum
skelkaður yfir atlögunni
og svaraði um hæl eftir að
hafa heyrt íslenska lagið.
Þar baðst hann afsök-
unar á að hafa notað
það og en sagðist ekki
hafa borið ábyrgð á því
sjálfur. „Það var leiðinlegt að frétta það að Brain Police
vissi ekki af því að lagið hennar hefði verið notað,“
skrifaði Skepta. „Ég vil taka það fram að ég stjórnaði
ekki upptökunum á hljóðfærakaflanum og ég stal ekki
frá neinum, ég bara rappaði textann. Ég er algjörlega
á móti því að stela tónlist og ég vil þakka Brain Police
fyrir framlag hennar.“
Jenni segist ekki viss um að Skepta fari með rétt
mál. „Við fórum á Wikipediu og gátum ekki annað séð
en að hann sé skráður fyrir öllum lögum á þessari plötu
sem er að koma út með honum í mars,“ segir hann.
Lagið Hold On hefur verið mikið spilað í Bretlandi
og komist inn á þrjá vinsældalista. „Miðað við spilun
og annað ættu að vera peningar í spilinu. Við ætlum
ekkert að láta stóra manninn níðast á litla manninum,
það er ekki sjens.“ freyr@frettabladid.is
Enski rapparinn Skepta og
Brain Police í hár saman
BROTIÐ Á BRAIN POLICE Rokkararnir eru ekki sáttir við enska
rapparann Skepta, sem tók lag sveitarinnar ófrjálsri hendi.
FRÉTTABLAÐIÐ/STEFÁN
Verzlingar segja þér allt sem þú vilt vita um
skólann á verslo.is.
Kíktu Sjáðu
Verzlunarskóli Íslands | Ofanleiti 1 | 103 Reykjavík Kynningarmyndbönd á verslo.is
Opið hús 23. febrúar 2012, kl. 17:00 - 19:00.
Starfsfólk og nemendur sýna þér skólann
og svara spurningum.
KL.17:00 - 19:0023. febrúar 2012OPIÐ HÚS