Fréttablaðið - 17.03.2012, Síða 16

16 17. mars 2012 LAUGARDAGUR
greinar@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
Ég held að það sé stórt vafa-mál hvort í víðum heimi sé samankomið meira vit, mannvit, á jafnstórum
bletti sem Reykjavík. En það skrýti-
lega um leið er það, að þar er meiri
óláns-bjánaskapur, slysinn aula-
skapur, en á nokkrum öðrum stað í
veröld hér.“
Þessar tvær setningar eru úr
bréfi til Stefáns G. árið 1913.
Kristján Albertsson lýsir bréf-
ritara, Rögnvaldi Péturssyni, sem
einum merkasta Vestur-Íslendingi
á sinni tíð og tryggðarvini ætt jarðar
sinnar. Níutíu og níu árum síðar
vekur orðræða vikunnar um Lands-
dóm, gjaldeyrishöft og peninga-
málastefnu þessa spurningu: Hefur
eitthvað breyst?
Steingrímur
J. Sigfússon
hafði forystu
um þá sögu-
legu pólitísku
ákvörðun að
ákæra Geir H.
Haarde fyrir
Landsdómi. Frá
þeirri kröfu
féll hann ekki
á Alþingi þó að
Samfylkingin, sem bar ábyrgð á
bankamálum og Íbúðalánasjóði
á því eina ári sem ákærurnar ná
til, kæmi sínum mönnum í var.
Á dögunum lagði hann síðan líf
ríkis stjórnarinnar að veði til að
koma í veg fyrir að ákæran yrði
afturkölluð.
Þegar fréttamenn báðu Stein-
grím J. Sigfússon að segja
þjóðinni frá því sem hann hefði
haft við dóminn að segja sem
forvígis maður ákæruvaldsins
vafðist honum tunga um tönn.
Hann sagði að öll hefðu þessi mál
verið erfið og flókin og ekki væri
unnt að staðhæfa að einhverjar til-
teknar aðgerðir hefðu bjargað ein-
hverju þegar þar var komið sögu.
Með öðrum orðum: Aðal-
ákærandinn gat ekki fært fram
lítilvægustu rök fyrir ákærunni.
Orð hans var ekki unnt að skilja
á annan veg en hann vildi engar
staðhæfingar hafa uppi um sök.
Það eina sem máli skipti væri að
hann hefði sjálfur séð þetta allt
fyrir.
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Atli Fannar Bjarkason (dægurmál) atlifannar@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
Ólafur Þ.
Stephensen
olafur@frettabladid.is
SKOÐUN
SPOTTIÐ
ÞORSTEINN
PÁLSSON
AF KÖGUNARHÓLI ÞORSTEINS PÁLSSONAR
Níutíu og níu árum síðar
Engin efni standa til að andmæla ráð herranum um þessi atriði. En furðu sætir hins vegar að
engum úr stórum skara frétta-
manna skyldi hugkvæmast að
spyrja forvígismann ákæru-
valdsins á Alþingi hvernig það
mætti vera að hann gæti ekki í
skýrslu sinni sýnt fram á orsaka-
samhengi milli einstakra ákæru-
liða og hruns krónunnar og falls
bankanna. Það er þó það eina sem
málareksturinn snýst um.
Enginn spurði hvort ekki væri
tilefni til að kalla ákæruna til
baka fyrst ákærandinn hefði engin
rök þegar á hólminn væri komið.
Enginn spurði saksóknara meiri-
hluta Alþingis hvernig unnt væri
að halda áfram málarekstri þegar
aðalákærandinn gæti ekki fyrir
dóminum sjálfum haldið fram sekt
þess ákærða.
Fréttaflutningur af landsdóms-
yfirheyrslunum hefur að því leyti
verið ágætur að enginn fjölmiðill
hefur reynt að draga taum annars
málsaðila á kostnað hins. Póli-
tískar og sálfræðilegar greiningar
hafa sumar verið ágætar og segja
sína sögu um eðli málsins. Á hinn
bóginn hafa fjölmiðlarnir brugðist
í því að fá löglærða sérfræðinga til
að skýra vitnisburði og skýrslur
aðila og hvað það er í þeim sem
hefur þýðingu fyrir sakarefnið og
hvað ekki. Það hefði verið miklu
meira virði en bein útsending.
Trúlega hefur sjaldan verið
saman komið jafn mikið vit á jafn
litlum bletti eins og þessa stund
sem efnahagsráðherrann staldraði
við á Þjóðmenningarreitnum eftir
skýrslugjöfina. En hitt að enginn
skyldi spyrja hvernig það færi
saman að vera aðalá kærandi
og geta ekki fært rök fyrir sak-
fellingu minnir óþyrmilega á
það sem í gömlu bréfi kallaðist:
„Óláns-bjánaskapur.“
„Óláns bjánaskapur“
Þegar tölur voru birtar í síðustu viku um aukinn hagvöxt kom efnahags-ráðherrann í fjölmiðla og
staðhæfði að þær bæru árangurs-
ríkri efnahagsstjórn fagurt vitni.
Hagvöxturinn fyrir hrun reyndist
vera froða að stórum hluta til.
Spurningin er hvort tölurnar nú
séu meira virði en í aðdraganda
hrunsins?
Í þessari viku þótti nefnilega
bera brýna nauðsyn til að lögfesta
hertar gjaldeyrishafta reglur.
Ástæðan var sú að verðmæta-
sköpun útflutningsgreinanna
dugði ekki fyrir gjaldeyrisút-
streymi sem áður var löglegt.
Enginn spyr efnahagsráðherrann
hvernig það rími við boðskapinn
um óbreytta stefnu í peninga-
málum þegar herða þarf höft þrátt
fyrir tölur um aukinn hagvöxt.
Öfugt við efnahagsráðherrann
segir fjármálaráðherrann í til-
efni hertra hafta að eina lausnin
sé að taka upp evru. Hann hefur
hins vegar frestað áformum
um jöfnuð í ríkisfjármálum og
fréttir herma að nú ætli hann að
heimila veðsetningu á framtíðar-
skuld bindingum ríkissjóðs eins
og bankastjóri fyrir hrun. Hvort
tveggja er leiðin í hina áttina, frá
evrunni. Enginn spyr um þennan
tvískinnung. Enginn spyr forystu-
menn stjórnarandstöðuflokkanna
sem andmæla hertum höftum
hvaða ráð þeir eigi uppi í erminni.
Ástandið skýrist l íklega
helst með því sem í gömlu bréfi
kallaðist: „Slysinn aulaskapur.“
„Slysinn aulaskapur“
Sigrún Stella
Einarsdóttir
lögg. fasteignasali
GSM 824 0610
Glæsilegt 173 fm verslunarhúsnæði á götuhæð
við Hamraborg í hjarta Kópavogs.
Húsnæðið var innréttað mjög nýlega á afar smekk-
legan hátt. Það skiptist í tvo bjarta sali, lagerpláss
og góða eldhúsaðstöðu. Allt er fyrir hendi s.s. tvö
salerni fyrir viðskiptavini og góð aðstaða fyrir starfs-
fólk. Gólfefni eru keramikflísar og plankaplastparket
með extra sterkri 33 punkta húð , dúkflísar á
eldhús-, lager- og starfsmannaaðstöðu. Húsnæðið
hentar fyrir margskonar starfsemi, verslun, þjónustu
og skrifstofurekstur.
Í plássinu eru nú fyrir hendi skápar, hillur og afgreiðsluborð úr eik, afgreiðsluskenkur, glerhillur á vegg,
borð og stólar svo og tæki og tól sem henta til kaffihúsa- og veitingareksturs. Um er að ræða nýlega muni
sem hægt er að leigja með húsnæðinu.
Mikil umferð og atvinnustarfsemi er í hjarta Kópavogsbæjar
Allar nánari upplýsingar fást hjá Fasteignamiðlun Grafarvogs í síma 575-8585 og 824-0610
TIL LEIGU
S
tarfsemi skipulagðra glæpahópa á Íslandi hefur verið í
brennidepli í vikunni. Lögreglan handtók hóp manna, sem
talinn er tengjast skipulagðri glæpastarfsemi, grófum
líkamsárásum, hótunum, innbrotum og þjófnuðum. Annar
hópur, tengdur glæpasamtökunum Hells Angels, hefur verið
ákærður fyrir yfirgengilega hrottalega árás á konu, með tilheyrandi
hótunum í garð fórnarlambsins og fjölskyldu hennar.
Starfsemi skipulagðra glæpagengja, sem sum hver tengjast alþjóð-
legum glæpahringjum eins og Hells Angels og Outlaws er staðreynd
á Íslandi. Lögreglan telur að fleiri
slíkar glæpaklíkur reyni nú að ná
hér fótfestu og nefnir sérstaklega
Bandidos og Mongols, sem eru
klúbbar glæpamanna á mótor-
hjólum, líkt og þær fyrrnefndu.
Full ástæða er til að hafa
áhyggjur af þessari þróun.
Reynslan frá nágrannalöndunum
sýnir að ofangreindum vélhjólagengjum fylgir fíkniefnasala, mansal
og vændi, morð og aðrir ofbeldisglæpir, hótanir og kúgunar aðgerðir.
Starfskonur Stígamóta hafa sett fram þá tilgátu að fjölgun hóp-
nauðgana hér á landi sé til komin vegna vaxandi gengjamyndunar
og -menningar í íslenzkum undirheimum.
Lögreglan þarf að vera í stakk búin að taka fast á ræflunum í leður-
jökkunum. Það er traustvekjandi að sjá að lögreglan sópar þeim upp
eins og gert var í vikunni. Og áfram á að nýta heimildir Schengen-
samningsins til að meina þekktum meðlimum glæpagengja inngöngu
í landið. En stjórnmálamennirnir þurfa að standa sig betur.
Þeir þurfa í fyrsta lagi að tryggja að lögreglan hafi næga fjármuni
og mannskap til að fylgjast með þessari vaxandi ógn við öryggi borgar-
anna. Að tryggja það er fyrsta skylda ríkisvaldsins, sem kemur á undan
flestum öðrum verkefnum þess. Það er ekki hægt að beita endalaust
flötum niðurskurði á löggæzluna þótt spara þurfi í ríkisrekstrinum.
Í öðru lagi þarf lögreglan að hafa sömu heimildir og lögreglulið í
öðrum Evrópulöndum til að fylgjast með skipulagðri brotastarfsemi.
Nýtt frumvarp Ögmundar Jónassonar innanríkisráðherra um for-
virkar rannsóknarheimildir lögreglu gengur of skammt. Ráðherrann
segir beinlínis að hann vilji ekki láta lögreglunni í té sömu heimildir
og til dæmis lögregla í hinum norrænu ríkjunum hefur. Hvers vegna
ekki? Hver eru rökin fyrir því? Getur verið að vaxandi áhugi glæpa-
gengjanna á Íslandi sé einmitt tilkominn vegna þess að lögreglan
hefur ekki sömu tækin til að taka á þeim og í nágrannalöndunum?
Í þriðja lagi þarf að taka aftur upp áform Rögnu Árnadóttur, fyrr-
verandi dómsmálaráðherra, um að banna glæpagengin og meina
þannig meðlimum þeirra til dæmis að ganga um í fatnaði merktum
þeim. Einhverra hluta vegna hefur það mál verið lagt til hliðar.
Stjórnarskráin heimilar að félög með ólögmætan tilgang séu leyst
upp og sjálfsagt er að nýta þá heimild.
Það á að beita öllum tiltækum ráðum, innan ramma laga og
réttar, til að uppræta þennan ófögnuð og ekki sýna neina linkind eða
umburðarlyndi. Stjórnmálamenn þurfa að sýna að þeir standi fast við
bakið á lögreglunni í þeirri baráttu.
Ekki á að sýna glæpagengjum neina linkind:
Stjórnmálamenn
standi sig betur