Fréttablaðið - 03.05.2012, Qupperneq 2

3. maí 2012 FIMMTUDAGUR2
Andri, er þetta risastökk fyrir
tónlistarheiminn?
„Klárlega. Móðurskipið er lent.“
Andri Ólafsson og félagar hans í hljóm-
sveitinni Moses Hightower gáfu nýlega út
lagið „Stutt skref“.
BRUNI Sumarbústaður í Efsta-
dalsskógi í Laugardal í Bláskóga-
byggð stórskemmdist í bruna síð-
degis í gær. Allt tiltækt slökkvilið
frá Reykholti og Laugarvatni var
kallað á staðinn, eftir því sem
fram kemur á fréttavefnum dfs.
is. Að auki var sjúkra- og lög-
reglulið sent frá Selfossi.
Bústaðurinn var mannlaus
þegar eldurinn kom upp en
nágrannar gerðu viðvart.
Allir innanstokksmunir brunnu
til kaldra kola.
Bruni í Bláskógabyggð:
Sumarbústaður
eyðilagðist í eldi
SPURNING DAGSINS
DÓMSMÁL Ríkissaksóknari hefur ákært Guðna
Guillermo Gorozpe, 33 ára, fyrir að hafa við annan
mann ráðist á mann vopnaður járnröri og barið hann
í fætur og höfuð. Þolandinn hlaut þrjá skurði á höfði,
tognaði á hné og hlaut ofreynsluáverka. Guðni er
einn ákærður þar sem rannsókn leiddi aldrei í ljós
hver samverkamaður hans var.
Árásin var framin í fjölbýlishúsi í Hafnarfirði
í júlí 2009. Hún er talin varða við lagaákvæði um
sérstaklega hættulega líkamsárás, þar sem vopni
var beitt við atlöguna. Þolandinn krefst tæpra 1,8
milljóna króna í bætur frá Guðna, sem tók sér frest
til að taka afstöðu til ákærunnar.
Guðni er tengdur vélhjólasamtökunum Outlaws
og hefur áður komið við sögu lögreglu. Hann hlaut
síðast tveggja ára óskilorðsbundinn fangelsisdóm
í lok febrúar fyrir hrottafengna árás á grískan
ferðamann í miðbæ Reykjavíkur í maí 2010. Ferða-
maðurinn svipti sig síðar lífi og heldur móðir hans nú
á lofti skaðabótakröfu fyrir Héraðsdómi Reykjavíkur
á hendur Guðna og hinum árásarmönnunum tveimur.
Árið 2007 var Guðni dæmdur í tveggja ára
fangelsi fyrir alvarlega líkamsárás, og auk þess að
leggja á ráðin um skotárás á heimili í Hafnarfirði og
að reyna seinna að kveikja í húsinu með eldsprengju.
Hann hefur jafnframt fengið dóma fyrir vægari
líkams árásir og brot gegn valdstjórninni. - sh
Nýdæmdur Outlaws-maður dreginn fyrir dóm vegna líkamsárásar:
Ákærður fyrir árás með járnröri
ÞJÓÐMINJAR Skáksamband Íslands
harmar í yfirlýsingu að munir
tengdir heimsmeistaraeinvígi
Borís Spasskís og Bobby Fischers
í skák árið 1972, eða einvígi ald-
arinnar, séu seldir úr landi. Vísar
SÍ til þess að til stendur að selja
einvígisborð í einkaeign úr landi.
Stjórn SÍ hefur ákveðið að
skipa nefnd sem rannsakar hvað
varð um muni tengda einvígi Fis-
hers og Spasskís, og hvernig sölu
og varðveislu þeirra var háttað í
kjölfar einvígisins. Reynt verður
að kortleggja hvar munirnir eru
niður komnir í eitt skipti fyrir öll.
SÍ hvetur jafnframt þá sem
hafa verðmæta muni tengda ein-
víginu að hafa samband við skrif-
stofu sambandsins. - shá
Einvígi Fishers og Spasskí:
Meðferð muna
rannsökuð af SÍ
FARIÐ ÚR LANDI Borðið sem var notað
í þriðju skákinni 1972 var selt úr landi
í fyrra.
FORÐAST SVIÐSLJÓSIÐ Guðni faldi sig á bak við staðfestingu
frá Europol á andláti gríska ferðamannsins í héraðsdómi fyrr á
árinu. FRÉTTABLAÐIÐ/GVA
SKOÐANAKÖNNUN Stuðningur við
ríkisstjórnina hefur aukist um
þrjú prósentustig frá fyrri mán-
uði og mælist nú 31 prósent, að
því er kom fram í frétt RÚV í
gærkvöldi. Þetta er niðurstaða
nýs þjóðarpúls Gallups.
Stjórnarflokkarnir hafa báðir
aukið fylgi sitt lítillega. Sam-
fylkingin mælist með 18,7 pró-
sent og Vinstri græn með 11,5
prósent.
Í frétt RÚV kom fram að
Framsóknarflokkurinn og Sjálf-
stæðisflokkurinn tapa báðir
fylgi frá síðustu könnun. Sjálf-
stæðisflokkurinn er með 37
prósenta fylgi en 12,5 prósent
styðja Framsóknarflokkinn. 5,6
prósent styðja Bjarta framtíð,
5,4 prósent styðja Dögun og 6,9
prósent styðja Samstöðu.
5.400 voru í úrtaki Gallup,
svarhlutfallið var tæp 62 pró-
sent. - shá
Stjórnarandstaðan tapar fylgi:
Ríkisstjórnin
mælist með 31%
AFGANISTAN, AP Sjö manns fórust
í sprengjutilræði í Kabúl í fyrra-
dag, stuttu eftir að Barack Obama
Bandaríkjaforseti hafði flutt sjón-
varpsávarp frá bandarískri her-
stöð í Afganistan þar sem hann
lofaði því að „ljúka þessu stríði af
ábyrgð.“
Obama kom til Afganistans í
fyrrinótt, án þess að tilkynnt væri
um það fyrir fram, í þeim tilgangi
að undirrita samkomulag við þar-
lend stjórnvöld. Þetta samkomulag
á að gilda til ársins 2024 og felur í
sér að Bandaríkjamenn lofa aðstoð
við efnahagsþróun og uppbyggingu
stjórnsýslu landsins eftir að nærri
níutíu þúsund manna herlið þeirra
fer þaðan.
Sjónvarpsávarp Bandaríkja-
forseta í Afganistan var tímasett
þannig, að bein útsending yrði á
besta áhorfstíma í Bandaríkjunum.
Obama mun á næstu dögum hefja
form kosningabaráttu sína gegn
Mitt Romney. Enda beindi Obama
orðum sínum beint að bandarískum
kjósendum: „Nú þegar við losnum
undan áratug stríðsátaka erlendis
og efnahagskreppu heima fyrir,
þá er kominn tími til að endurnýja
Bandaríkin.“ - gb
Obama kom óvænt til Afganistans í fyrrinótt til að undirrita samstarfssamning:
Lofar aðstoð við uppbyggingu
BANDARÍKJAFORSETI Í AFGANISTAN
Barack Obama flutti sjónvarpsávarp
sitt til Bandaríkjanna frá Bagram-her-
stöðinni í Afganistan. NORDICPHOTOS/AFP
FERÐAÞJÓNUSTA Íslandsstofa
kannar um þessar mundir áhuga
fyrirtækja, sem annast þjónustu
við fuglaskoðara, á þátttöku í
sýningunni Birdfair í ágúst.
Markmiðið með þátttöku Íslands
er að kynna landið sem áfanga-
stað til fuglaskoðunar fyrir
erlendum fuglaáhugamönnum.
Rúmlega 20 þúsund manns
sækja sýninguna heim á ári
hverju og sýnendur, um 300 tals-
ins, koma víða að úr heiminum.
Þetta er í fjórða sinn sem
Íslandsstofa skipuleggur þátttöku
í sýningunni. - shá
Íslandsstofa kannar ný mið:
Fuglaskoðun til
tals á ráðstefnu
EFNAHAGSMÁL Íslendingar hafa
minni þekkingu á fjármálum nú
en árið 2008, samkvæmt nýrri
rannsókn Stofnunar um fjár-
málalæsi.
Rannsóknin var gerð á síðasta
ári. Þátttakendur voru spurðir
nítján spurninga sem reyndu á
almenna þekkingu á fjármál-
um. Þegar þær spurningar sem
voru samanburðarhæfar á milli
áranna 2011 og 2008 eru skoð-
aðar sést að nú svaraði fólk að
meðaltali 47 prósentum spurn-
inganna rétt, samanborið við 53
prósent árið 2008.
Meðal annarra niðurstaðna
rannsóknarinnar er að mun
færri halda nú heimilisbókhald
en 2008. Hlutfallið er nú 24,1
prósent, samanborið við 37,3
prósent þá. - sh
Færri halda heimilisbókhald:
Fjármálalæsi á
Íslandi hrakar
LÖGREGLUMÁL Rúmlega fertugur
karlmaður af Suðurnesjum hefur
setið í gæsluvarðhaldi í um sex
vikur grunaður um að hafa beitt
stjúpdóttur sína grófu kynferðis-
ofbeldi með reglulegu millibili um
margra ára skeið.
Jafnframt hafa verið til rann-
sóknar möguleg brot mannsins
gegn dóttur sinni og jafnvel
þriðju stúlkunni til viðbótar, sem
einnig tengdist honum fjölskyldu-
böndum.
Maðurinn var handtekinn rúmri
viku fyrir páska eftir að lög-
reglunni á Suðurnesjum barst
kæra á hendur honum fyrir gróft
ofbeldi gegn stjúpdótturinni og
vægari brot gegn dóttur hans, sam-
kvæmt heimildum Fréttablaðsins.
Stjúpdóttirin, sem nú er rúm-
lega tvítug, hafði greint móður
sinni frá ofbeldinu og kvað það
hafa staðið með hléum í um ára-
tug.
Í kjölfarið sagði dóttir þeirra,
sem er á unglingastigi í grunn-
skóla, frá því að maðurinn hefði
leitað á hana. Sögunum fylgdi að
hann hefði hótað þeim lífláti segðu
þær móður sinni eða öðrum frá
brotunum.
Samkvæmt heimildum blaðsins
áttu brotin sér flest stað þegar
móðirin var fjarstödd vegna
næturvinnu. Síðustu brotin
gegn stjúpdótturinni munu hafa
verið framin einni viku áður en
maðurinn var handtekinn.
Þá hefur, sem áður segir,
kviknað grunur um vægari brot
gegn þriðju stúlkunni, sem um
skeið var tengd inn í fjölskylduna.
Maðurinn var fyrst úr-
skurðaður í gæsluvarðhald til
einnar viku. Það hefur síðan í
þrígang verið framlengt. Maður-
inn var síðast leiddur fyrir Hér-
aðsdóm Reykjaness í gær og þar
kvað dómari upp þann úrskurð að
maðurinn skyldi sæta varðhaldi til
loka maí mánaðar vegna almanna-
hagsmuna.
Dóttir mannsins og stjúp dóttir
hafa þegið aðstoð frá fagfólki
vegna málsins, meðal annars hjá
Stígamótum.
Lögreglan á Suðurnesjum verst
fregna af málinu. Þar fékkst lítið
sem ekkert gefið upp um það annað
en staðfesting á því að maður sæti í
gæsluvarðhaldi grunaður um kyn-
ferðisbrot. stigur@frettabladid.is
Í varðhaldi grunaður
um grófa misnotkun
Rúmlega fertugur maður hefur setið í gæsluvarðhaldi í sex vikur grunaður um
alvarleg kynferðisbrot gegn stjúpdóttur sinni. Brotin eiga að hafa staðið í um
áratug. Vægari brot gegn dóttur mannsins og þriðju stúlkunni til rannsóknar.
LÖGREGLUSTÖÐIN Á SUÐURNESJUM Málið hefur verið til rannsóknar hjá lögreglunni
á Suðurnesjum í hálfan annað mánuð. FRÉTTABLAÐIÐ/GVA