Fréttablaðið - 03.05.2012, Qupperneq 66

3. maí 2012 FIMMTUDAGUR50
golfogveidi@frettabladid.is
Stöðugleiki fæst með
því að spila sem mest
Héraðsbúinn Hrafn Guðlaugsson var valinn nýliði ársins í sinni deild í banda-
ríska háskólagolfinu. Lenti tvisvar í sjöunda sæti á mótum í vor. Segist hlakka
til að koma heim í sumar og keppa við þá bestu á Eimskipsmótaröðinni.
Hrafn Guðlaugsson, ungur og efni-
legur kylfingur frá Egilsstöðum,
varð þess heiðurs aðnjótandi fyrir
skemmstu að vera útnefndur nýliði
ársins í Southern States Athletic
deildinni í bandaríska háskóla-
golfinu.
Hrafn, sem er 22ja ára, leikur
með Faulkner-háskólanum í Ala-
bama og er fyrsti nemandi skólans
sem fær þessa viðurkenningu.
Hann átti góðu gengi að fagna í
vor þar sem hann lenti tvisvar í
sjöunda sæti í mótum, einu sinni í
þrettánda og einu sinni í fjórtánda.
„Þetta hefur gengið ágætlega
hjá mér,“ sagði Hrafn í samtali við
Fréttablaðið í gær, nýkominn úr
strembnu prófi, en skólinn snýst
nú ekki bara um golf. „Ég spilaði
mjög mikið í byrjun árs og það kom
mér í gott leikform. Ég spilaði á
hverjum einasta degi og afrakst-
urinn var mjög góður. Það skilar
sér í stöðugleika í spilinu og hefur
komið í veg fyrir að ég eigi mjög
slæma hringi. Það er oft ansi van-
metinn hluti af undirbúningnum
að spila golf, fram yfir það að æfa
og æfa.“
Þetta var annar veturinn í röð
sem Hrafn ver í golf utan land-
steinanna.
Ég fór út til Sturlu Höskulds-
sonar þar sem ég var hjá honum
fyrst á Spáni og svo í Svíþjóð og
hann hefur verið mér góður félagi
og frábær kennari.“
Hrafn segir mikinn mun að geta
helgað sig íþróttinni allt árið. Hann
verður á Íslandi í sumar þar sem
hann tekur þátt í Eimskipsmóta-
röðinni og telur að hann ætti að
geta komið ferskur inn í golfvorið.
„Þetta verður í fyrsta skipti í
þrjú ár og það verður gaman að
koma heim og taka á því með þeim
bestu hér heima.“
Aðspurður um væntingar til
sumarsins segist hann hafa ágætis
trú á eigin getu.
„Þetta kemur allt í ljós, en ég er
allavegana betri golfari í dag en ég
var fyrir ári síðan.“
Hrafn meiddist þó í baki á móti í
síðustu viku, en segist vera á bata-
vegi og hann verði búinn að ná sér
innan skamms.
Varðandi framhaldið næsta
vetur segir Hrafn að hann sé að
skoða næstu skref.
„Ég er að skoða málin. Ég stefni
að því að klára viðskiptafræði-
námið hérna úti, spurning hvort
það verði í Faulkner eða annars
staðar.“ thorgils@frettabladid.is
Mannaskipti á toppi heimslistans í golfi:
Luke Donald hrekur
Rory úr toppsætinu
Englendingurinn Luke
Donald tyllti sér aftur á
topp heimslistans í golfi
með því að lenda í þriðja
sæti á Zürich Open á
PGA-mótaröðinni um
síðustu helgi.
Donald hrakti Rory
MacIlroy þaðan, en
hann og Norður-Írinn
ungi hafa skipst á að
vera á toppnum síðustu
vikur og mánuði.
Lee Westwood er í þriðja
sæti, Masters-sigurvegarinn
Bubba Watson er í fjórða og
Hunter Mahan í því fimmta.
Tiger Woods er í sjöunda
sæti listans, en hann
verður meðal þátt-
takenda á Wells
Fargo mótinu um
helgina, fyrsta
mótinu sem hann
keppir á síðan
á Masters um
páskana.
Bandaríkja-
maðurinn Jason
Dufner komst upp í
20. sæti með sigri
sínum á Zürich
Classic.
LUKE DONALD
BESTI NÝLIÐINN Hrafn var fyrir
skemmstu valinn besti nýliðinn í sinni
deild í bandaríska háskólagolfinu.
Þjálfarar liðanna völdu sigurvegarann,
en Hrafn er sá fyrsti frá Faulkner-háskól-
anum sem hlýtur þessa viðurkenningu.
Í SVEIFLUNNI Hrafn hefur leikið víða um Bandaríkin á sínu fyrsta ári í háskólagolfinu
og segir ómetanlegt að geta stundað íþróttina allan ársins hring.
KYLFINGAR léku í hinu árlega 1. maí-móti Golfklúbbs Hellu sem fram fór á
Strandarvelli. Nökkvi Gunnarsson, Nesklúbbnum, sigraði á mótinu á 68 höggum.230