Fréttablaðið - 03.05.2012, Síða 6

3. maí 2012 FIMMTUDAGUR6
BÚRMA, AP Aung San Suu Kyi, leiðtogi stjórnarand-
stöðunnar í Búrma, tók í gær sæti á þjóðþingi
landsins og sór eið að stjórnarskránni ásamt
félögum sínum, sem unnu sigur í aukakosningum í
byrjun síðasta mánaðar.
„Við þurfum að starfa innan þings núna og utan
líka alveg eins og við höfum alltaf gert,“ segir Suu
Kyi og heitir því að halda ótrauð áfram baráttu sinni
fyrir lýðræðisumbótum.
Hún hóf baráttu sína gegn herforingjastjórn
landsins strax árið 1988 og hefur fyrir vikið setið
í fangelsi eða stofufangelsi í samtals fimmtán ár á
tímabilinu frá 1989 til 2010.
Herforingjastjórnin hefur breytt um stefnu og
sýnir stjórnarandstæðingum ekki lengur þá hörku
sem áður tíðkaðist. Fjölmörgum samviskuföngum
hefur verið sleppt úr haldi og fjölmiðlar hafa fengið
meira frelsi en áður.
Fyrir vikið hafa flest helstu ríki heims fallið frá
refsiaðgerðum og boðað samstarf við herforingja-
stjórnina í Búrma, í von um að styðja við lýðræðis-
þróun í landinu.
Óvíst er þó hvort herforingjarnir hafi í reynd
áhuga á að gefa eftir völd sín. Sumir stjórnmála-
skýrendur telja stjórnvöld fyrst og fremst vilja
losna við refsiaðgerðir og vonist til þess að stjórnar-
andstaðan muni leggja blessun sína yfir núverandi
stjórnfyrirkomulag. - gb
Aung San Suu Kyi sest á þing í Búrma eftir áratugabaráttu við stjórnvöld:
Berst fyrir breytingum áfram
SVER EMBÆTTISEIÐINN Suu Kyi heitir því að verja stjórnar-
skrána ásamt öðrum þingmönnum. NORDICPHOTOS/AFP
KÍNA, AP „Ég er frjáls. Ég hef
fengið örugga fullvissu,“ sagði
kínverski andófsmaðurinn Chen
Guangcheng að sögn lögfræðings
síns þegar hann fór út úr sendi-
ráði Bandaríkjanna í Peking.
Í viðtali við AP-fréttastofuna
sagðist hann þó vera hræddur
um líf fjölskyldu sinnar. Úr slitum
hefði ráðið þegar starfsmenn
bandaríska sendiráðsins sögðu
honum að eiginkona hans, móðir
og börn yrðu flutt aftur til heima-
bæjar þeirra, Shandong, þar sem
líf þeirra kynnu að vera í hættu.
„Þeir sögðu að ef ég færi ekki
yrðu börn mín og fjölskylda flutt
aftur til Shandong,“ sagði hann
á sjúkrahúsinu sem hann var
fluttur á eftir að hann yfirgaf
sendiráðið.
Það var Gary Locke, sendiherra
Bandaríkjanna í Kína, sem fylgdi
Chen á sjúkrahúsið, þar sem gera
átti að meiðslum sem Chen hlaut
þegar hann flúði úr stofufangelsi
í Shandong í síðustu viku.
Á sjúkrahúsinu hitti hann aftur
fjölskyldu sina.
Bandarískir embættismenn
fullyrða að kínversk stjórnvöld
hafi samþykkt að leyfa Chen
og fjölskyldu hans að flytja á
öruggan stað í Kína, þar sem hann
gæti lagt stund á háskólanám.
Hillary Clinton, utanríkisráð-
herra Bandaríkjanna, sem er í
opinberri heimsókn í Kína, segir
að grannt verði fylgst með því
hvort kínversk stjórnvöld standi
við þessi loforð.
Hún segir hins vegar að Chen
hafi sjálfur kosið að vera áfram í
Kína, úr því hann hafi fengið full-
vissu fyrir því að öryggi hans og
fjölskyldu hans verði tryggt.
„Þetta er í samræmi við hans
val og gildismat okkar,“ sagði
Clinton í yfirlýsingu í gær.
Á hinn bóginn hafa kínversk
stjórnvöld krafið Bandaríkja-
menn um afsökunarbeiðni og
rannsókn á því hvernig Chen
hafi komist inn í sendiráð Banda-
ríkjanna. Þeir sem þar eigi hlut
að máli verði dregnir til ábyrgðar.
„Það sem Bandaríkjamenn hafa
gert er íhlutun í innanríkismál-
efnum Kína, og Kínverjar munu
aldrei fallast á það,“ segir í yfir-
lýsingu frá Liu Weimin, talsmanni
kínverska utanríkisráðuneytisins.
Chen sat fjögur ár í fangelsi
fyrir sakir sem stuðningsmenn
hans segja upplognar. Hann
hafði vakið athygli á mannrétt-
indabrotum í tengslum við þá
stefnu stjórnvalda að enginn megi
eignast fleiri en eitt barn.
Eftir að hafa afplánað dóminn
var hann hafður í stofufangelsi
ásamt eiginkonu sinni, móður
og dóttur og segir þau öll hafa
sætt harðræði og áreitni af hálfu
stjórnvalda. gudsteinn@frettabladid.is
Segist óttast um líf
fjölskyldu sinnar
Kínverski andófsmaðurinn Chen Guangcheng yfirgaf bandaríska sendiráðið í
Peking eftir að honum bárust hótanir frá kínverskum embættismönnum um að
fjölskylda hans væri annars í lífshættu. Hann var fluttur á sjúkrahús í Peking.
KOMINN Á SJÚKRAHÚS Chen segir að sér hafi verið sagt að kínverskir embættis-
menn myndu drepa eiginkonu hans ef hann yfirgæfi ekki bandaríska sendiráðið.
NORDICPHOTOS/AFP
PI
PA
R\
TB
W
A

•
S
ÍA

•
1
2
1
3
8
8
Lyf & heilsa
Kringlunni
www.lyfogheilsa.is
20%
Kynn
inga
r-
afslá
ttur Nýtt
Kynning á nýju Neutral
andlitslínunni í Lyfjum & heilsu
Kringlunni 3.–5.maí
af surgi gildir frá 3.maí -31.maí
SJÁVARÚTVEGUR Íslenski flotinn hafði í gær veitt rúm-
lega 35 þúsund tonn af kolmunna af rúmlega 60 þús-
und tonna kvóta, samkvæmt aflastöðulista Fiskistofu.
Alls hafa fimmtán skip aflaheimildir sem gefa tilefni
til veiða, eða frá tveimur til sex þúsunda tonna.
Í frétt á heimasíðu HB Granda kemur fram að skip
fyrirtækisins séu í síðustu veiðiferðum ársins. Faxi
RE landaði 1.500 tonnum á Vopnafirði um helgina en
fyrir veiðiferðina voru eftirstöðvar kolmunnakvóta
skipa HB Granda um 2.500 tonn en heildar aflinn á
vertíðinni stóð þá í rúmum 10 þúsund tonnum. Að
sögn skipstjórans á Faxa hefur veiðisvæðið færst
norðar síðustu dagana en frá þeim stað sem Faxi lauk
veiðum er um 35 til 38 tíma sigling til Vopnafjarðar
þar sem skipið landar.
Nokkur fjöldi skipa er á kolmunnaveiðum suður
af Færeyjum. Mest er um rússnesk skip en þar eru
einnig færeysk skip og nokkur íslensk skip, og þá
aðallega skip þar sem aflinn er unninn um borð. - shá
Íslensk, rússnesk og færeysk skip á kolmunnaveiðum suður af Færeyjum:
Helmingur kolmunnans á land
FAXI RE Það gengur hratt á 60 þúsund tonna kolmunnakvóta
Íslendinga. MYND/HB GRANDI
KJÖRKASSINN
Ert þú búin(n) að vígja grillið
þetta sumarið?
JÁ 56,4%
NEI 43,6%
SPURNING DAGSINS Í DAG:
Telur þú að strandveiðarnar
eigi rétt á sér?
Segðu skoðun þína á visir.is
UTANRÍKISMÁL Fyrirhugaðar við-
skiptaþvinganir ESB í deilu um
makrílveiðar brjóta í bága við
alþjóðalög, þar á meðal EES-
samninginn. Svo hljóðar yfir-
lýsing sem fulltrúar íslenskra
stjórnvalda lögðu fram á fundi
Sameiginlegu EES- nefndarinnar
í gær. Sjávarútvegsnefnd Evr-
ópuþingsins hefur lagt til að
bann verði lagt við löndun á
fiski frá ríkjum sem stunduðu
ósjálf bærar fiskveiðar að þess
mati, en það segja íslensk stjórn-
völd að stríði gegn reglum. - þj
Stjórnvöld á EES-fundi:
Segja aðgerðir
brjóta reglur
Þeir sögðu að ef ég
færi ekki yrðu börn
mín og fjölskylda flutt aftur til
Shandong.”
CHEN GUANGCHEN
ANDÓFSMAÐUR