Fréttablaðið - 03.05.2012, Blaðsíða 17
FIMMTUDAGUR 3. maí 2012 17
RANNSÓKNIR Matís og fyrirtækin
Iceprotein á Sauðárkróki og Grímur
kokkur í Vestmannaeyjum eru að
ljúka verkefninu Auðgaðir sjávar-
réttir, en þróaðar voru nokkrar
frumgerðir af vörum úr íslensku
sjávarfangi þar sem bætt hefur
verið við lífefnum eins og þörunga-
þykkni og lýsi.
Niðurstöðurnar sýna að vel er
hægt að auka magn ómega-3 fitu-
sýra í fiskibollum án þess að það
komi niður á bragðgæðum. Sama
má segja um íblöndun þörungadufts
og einnig tókst vel að auka prótein-
magn í fiskibollunum.
Neytendakönnun á netinu, sem
yfir 500 manns tóku þátt í, sýndi
að fólk er almennt jákvæðara gagn-
vart auðgun matar ef um er að ræða
þekkt hollustuefni á borð við ómega-
3 fitusýrur. Auðgun með þara
virðist einnig vera raunhæfur kost-
ur og svipað átti við um fiskiprótein.
Þessar vörur höfða almennt
frekar til fólks sem leggur áherslu á
hollustu matvæla. Almennt ályktar
hópurinn að auðgun sjávarrétta sé
raunhæfur möguleiki en huga þarf
að merkingum og upplýsingagjöf til
neytenda.
Mikilvægur afrakstur þessa
verkefnis er styrkur frá norræna
sjóðnum Nordic Innovation til að
halda áfram stærra verkefni á þessu
sviði og stuðla þannig að auknum
verðmætum sjávarfangs og lífefna
úr hafinu. - shá
Hægt er að auka næringargildi matar án þess að það komi niður á bragðgæðum:
Raunhæft að auðga sjávarrétti og halda gæðum
SÆLGÆTI ÚR SJÓ Þörungaþykkni og lýsi auka næringagildið en bollurnar eru jafn
ljúffengar. FRÉTTABLAÐIÐ/ANTON
LANDHELGISGÆSLAN Maður var hætt
kominn þegar smábátur hans
lagðist á hliðina og sökk svo rétt
undan Látrabjargi skömmu fyrir
klukkan níu á þriðjudagskvöld.
Skipstjóri á fiskibátnum Lóu
varð vitni af atvikinu og til-
kynnti til Landhelgisgæslu.
Manninum var svo í framhaldinu
bjargað um borð í Lóu, köldum og
þrekuðum.
Þegar það var ljóst var hætt við
að kalla út þyrlu Gæslunnar, en
Vörður, björgunarskip Landsbjarg-
ar á Patreksfirði fór á vettvang.
Smábátur sökk við Látrabjarg:
Bátsverja var
bjargað úr sjó
IÐNAÐUR Liðlega 450 manns
sóttu um sumarstörf hjá Alcoa
Fjarðaáli og hafa rúmlega eitt
hundrað verið ráðnir úr þeim
hópi, að því er fram kemur
í tilkynningu fyrirtækisins.
Fjöldinn er sagður svipaður og
undanfarin ár.
Haft er eftir Guðnýju Björgu
Hauksdóttur, framkvæmda-
stjóri mannauðsmála hjá
Fjarðaáli, að um 40 prósent
þeirra sem ráðin voru hafi áður
starfað í sumarafleysingum
hjá fyrirtækinu. Um 60 prósent
umsækjenda séu að austan eða
eigi þar nákomna ættingja.
- óká
450 sóttu um vinnu í sumar:
Hundrað fá
sumarvinnu
REYÐARFJÖRÐUR Álíka margir voru
ráðnir til álvers Alcoa-Fjarðaáls í sumar
og síðustu ár. FRÉTTABLAÐIÐ/PJETUR
UMHVERFISMÁL Tveir Íslendingar
eru á meðal þeirra ellefu sem til-
nefndir eru til umhverfisverðlauna
Norðurlanda-
ráðs, en verð-
launin verða
afhent 22. maí
á alþjóðlegum
degi Sameinuðu
þjóðanna um líf-
fræðilegan fjöl-
breytileika.
Pétur M.
Jónasson er til-
nefndur fyrir
rannsóknir sínar á vistkerfi vatna
og Eymundur Magnússon, bóndi í
Vallanesi og eigandi fyrir tækisins
Móður jarðar, fyrir lífrænan bú-
skap. Þema verðlaunanna í ár er
líffræðilegur fjölbreytileiki. - kóp
Tveir Íslendingar tilnefndir:
Hugað að fjöl-
breytni lífríkis
DANMÖRK Stjórnvöld í Danmörku
hyggjast urða fimm þúsund rúm-
metra af geislavirkum úrgangi í
landinu fyrir árið 2018.
Svæði í fimm sveitarfélögum
koma til greina fyrir urðunina,
en bæjarstjórar þeirra allra
eru mjög ósáttir við fyrirætlan
stjórnvalda. Þeir hafa fundað
með heilbrigðisráðherra vegna
málsins, en það hefur ekki breytt
ákvörðun stjórnvalda.
Meðal úrgangsins eru efni
sem hafa komist í tæri við mikla
geislun. Verið er að reyna að
minnka umfang hans. - þeb
Ósætti í Danmörku:
Geislavirk efni
grafin í jörðu
EYMUNDUR
MAGNÚSSON