Fréttablaðið - 03.05.2012, Blaðsíða 38

3. MAÍ 2012 FIMMTUDAGUR6 ● fréttablaðið ● hjólað í vinnuna
● HJÓLAÐ AF ÖRYGGI OG HAMINGJU „Hjól eru ökutæki og
eiga alltaf heima í umferðinni og á umferðargötum. Á gangstéttum og
blönduðum stígum er hjólreiðafólk gestir og kurteisir gestir þakka alltaf
fyrir sig þegar gangandi víkja, gera vart við sig og hægja á sér í stað þess
að koma óvænt og þjótandi fram hjá þannig að gangandi fólki standi
ógn af,“ segir Sesselja Traustadóttir framkvæmdastjóri Hjólafærni á Ís-
landi, sem er með fyrirlestra og námskeið um hjólafærni og umferðar-
öryggi hjólandi fólks.
„Hjólafærni er áætlun um eflt öryggi hjólreiðafólks í umferðinni og
miðar sérstaklega að hjólandi fólki með ökuréttindi og sem þekkir vel
umferðina. Reykjavík er æðisleg hjólaborg þar sem er fljótlegt og frábært
að hjóla allra sinna ferða, en á meðan við höfum ekki boðlega hjólastíga
er mikilvægt að efla öryggi og færni hjólreiðafólks með því að kenna því
að nota göturnar fyrir hjól sín,“ útskýrir Sesselja.
„Í umferðinni eigum við að gera okkur sýnileg á götunni, taka okkar
réttmæta pláss og öryggissvæði en ekki vera úti í kanti þar sem skapast
hætta á að bílar fari utan í okkur. Á götunum er nóg pláss fyrir bíla
jafnt sem reiðhjól og enginn sem á að þurfa að hjóla um óttasleginn.
Reglurnar eru enda ekki flóknar og snúast um hægri rétt, kurteisi, að
horfa í augun og láta vita hvað maður ætlar að gera. Sé eftir þeim farið
geta allir hjólað hamingjusamir í öruggri umferð.“
Sjá nánar um námskeið og fyrirlestra á www.hjolafaerni.is.
Sesselja segir afar vinsælt á vorin að fá Doktor B.Æ.K til að ástandsskoða hjól í
skólum og fyrirtækjum. MYND/STEFÁN
„Hjólað í vinnuna er dæmi
um almenningsverkefni sem
hefur slegið í gegn. Það hefur
haft mikil áhrif sem sýna
sig í þátttökunni. Það hefur
örugglega líka haft þau áhrif
að einstaklingar sem hafa
tekið þátt hafa í kjöl farið
ákveðið að breyta um lífs-
stíl og farið að hjóla reglu-
lega,“ segir Kristján Þór
Magnússon, verkefnisstjóri
hreyfingar hjá embætti Land-
læknis og aðjúnkt við Háskóla
Íslands.
Fjöldi rannsókna sýnir
fram á jákvæð áhrif hreyf-
ingar og segja má með nokk-
urri vissu að hreyfing lengi
lífið. „Við aukum líkurnar
á að lifa lengur sjálfstæðu lífi utan heilbrigðisstofnana ef við
hreyfum okkur. Það skiptir meira máli að við höfum gott þrek og
þol heldur en við séum endalaust að berjast við vigtina og þrekið
fáum við meðal annars með því að hjóla reglulega,“ segir Kristján.
Landlæknisembættið er samstarfsaðili ÍSÍ og er virkur þátt-
takandi í verkefninu. „Það verður góður hópur hér innanhúss sem
tekur þátt í Hjólað í vinnuna og það verður tekið verulega á því,“
segir Kristján sem sjálfur notar reglulega virkan samgöngumáta
og hjólar í vinnuna. „Það er mikilvægt að vinnu staðir og ríki hafi
sína þætti í lagi og geri fólki kleift að koma hjólandi í vinnuna.
Ríki og sveitarfélög þurfa að sjá um að samgöngu þátturinn sé
í lagi og vinnustaðir þurfa að bjóða upp á sturtuaðstöðu. Maður
getur þá farið í sturtu eftir að maður kemur í vinnuna og svo
hjólar maður bara „danskur“ heim, en það þýðir að hjóla í vinnu-
fötunum. Svo má líka alltaf kippa hjólinu með sér í strætó ef
þannig ber við.“
Samgöngukannanir sýna að fjöldi þeirra sem notar reiðhjól sem
samgöngumáta hefur aukist verulega undanfarin tíu ár. „Það er
mun betra að komast um borgina á hjóli í dag en fyrir 10 árum. Ég
held að það sé gott fyrir fólk að taka eina helgi í það að prófa að
hjóla á vinnustaðinn sinn og þá sér það að þetta er minna mál en
maður heldur. Hjólað í vinnuna er gott verkefni til að hvetja fólk
af stað,“ segir Kristján.
Kristján Þór notar hjólið mikið, bæði til
að komast í og úr vinnu og til að njóta
hollrar útivistar með fjölskyldunni.
Hjólar „danskur“
úr vinnunni
Hjá Valitor er undirbúningur
í fullum gangi fyrir átakið
Hjólað í vinnuna og þar á bæ
mætir starfsfólk mikilli velvild
vinnuveitenda síns.
„Ég klæðist regnkápu og hæla-
skóm og hjóla svo mína stuttu og
þægilegu 1,5 kílómetra í vinnuna,“
segir Ingibjörg K. Halldórsdóttir
viðskiptastjóri hjá Valitor um af-
slappandi hjólatúr sinn til og frá
vinnu í miðbænum. „Mér finnst
hrein slökun í því að hjóla til
vinnu, maður hressist við súr-
efnið og mætir ferskur og til búinn
til starfa.“
Starfsfólk Valitors hefur undan-
farin ár tekið virkan þátt í átakinu
Hjólað í vinnuna og sífellt bætist
við fjölda þátttakenda.
„Í fyrra varð sprenging í hjól-
reiðum starfsmanna og þá setti
fyrirtækið upp baðaðstöðu fyrir
starfsfólkið. Það var kærkomið
enda myndaðist stundum biðröð
eftir steypibaðinu á eftir,“ segir
Stefán Ari Stefánsson starfs-
mannastjóri Valitors.
Hann hefur sjálfur hjólað til og
frá vinnu síðan snjóa leysti í vor
og segist helst ekki mega til þess
hugsa að fara með öðrum hætti í
vinnuna.
„Ánægjan er svo mikil og
hreyfingin góð, en það tekur mig
um 50 mínútur að hjóla fram og
til baka úr Grafarvognum. Þegar
ég breiði svo út fagnaðarerindið
bendi ég einmitt á að sú hreyfing
dugar fyrir daginn,“ segir Stefán.
Í gærmorgun bauð Valitor
starfsfólki sínu upp á ókeypis
ástandsskoðun og stillingu á
hjólum sínum frá starfsmönnum
Kría hjóla og á meðan á keppninni
stendur verða dregnir út veglegir
vinningar.
„Allir sem hjóla til og frá vinnu
verða í potti sem dregið verður úr
annan hvern dag, hvort sem þeir
fara um langan veg eða stuttan,“
útskýrir Ingibjörg.
Nú þegar vika er til stefnu hafa
38 starfsmenn skráð sig til þátt-
töku en í fyrra tók yfir þriðjungur
160 starfsmanna þátt í átakinu.
„Íþróttanefnd Valitors hefur
verið iðin að kveikja í mann-
skapnum að draga hjólin sín fram
og þá hefur sturtan fækkað af-
sökunum fyrir því að koma ekki
hjólandi til vinnu. Því á enn eftir
að bætast í hópinn og vonandi
sláum við eigið met aftur í ár,“
segja þau Ingibjörg og Stefán.
Hjólað á háum hælum
Ingibjörg og Stefán Ari fyrir miðju með hópi starfsmanna Valitors sem þegar hafa
skráð sig til þátttöku í Hjólað í vinnuna. Eftir átakið í fyrra keypti Valitor fjögur
„starfsmannahjól” til að skutlast á til funda og erinda í nágrenninu. MYND/VALLI
Tri ehf.
Suðurlandsbraut 32
104 Reykjavík www.tri.is
Verslunin er opin:
Alla virka daga kl. 09:00-18:00
Laugardaga kl. 10:00-16:00
16“ 16“
Allt fyrir
„Hjólað í vinnuna“