Fréttablaðið - 03.05.2012, Síða 16

3. maí 2012 FIMMTUDAGUR16
Umsjón: nánar á visir.is
Tekjur Ríkisútvarpsins ohf. (RÚV) af auglýs-
ingum og kostun hafa aukist um tæp 60 prósent
frá fyrri hluta rekstrarársins 2009. Alls nemur
aukningin um 400 milljónum króna. Þetta
kemur fram í árshlutareikningi RÚV fyrir
tímabilið 1. september til 29. febrúar 2012 sem
var gerður opinber á mánudag. Á sama tíma
hafa auglýsingatekjur samkeppnisaðila RÚV
dregist mikið saman, samkvæmt nýjustu tölum
frá mennta- og menningarmálaráðuneytinu.
Uppgjörstímabil RÚV er frá byrjun sept-
ember til loka ágústmánaðar. Í árshluta-
uppgjöri RÚV fyrir fyrstu sex mánuði yfir-
standandi uppgjörsárs kemur fram að tekjur
félagsins af auglýsingum og kostun sé 1.073
milljónir króna. Tekjur félagsins vegna aug-
lýsinga og kostunar á sama tímabili árið
2009 voru 676,6 milljónir króna. Þær hafa
því aukist um 396,4 milljónir króna, eða um
58,9 prósent. Auglýsinga- og kostunartekjur
hafa einnig aukist umtalsvert sem hlutfall
af heildar rekstrar tekjum RÚV. Á fyrri hluta
rekstrarársins 2009 voru þær 28,2 prósent af
rekstrartekjum en höfðu vaxið í 39,3 prósent á
fyrri hluta rekstrarársins 2012.
Samkvæmt tölum sem Fréttablaðið fékk frá
mennta- og menningarmálaráðuneytinu fyrr
á þessu ári drógust auglýsingatekjur annarra
fjölmiðlafyrirtækja en RÚV saman um tæplega
2,1 milljarð króna á tímabilinu 2008-2010. Ekki
eru til nýrri samanburðartölur þar sem fjöl-
miðlafyrirtæki í einkaeigu hafa ekki birt árs-
reikninga fyrir árið 2011.
Katrín Jakobsdóttir, mennta- og menningar-
málaráðherra, lagði fram nýtt frumvarp að
lögum um starfsemi RÚV 31. mars síðast-
liðinn. Málið var tekið til umræðu á Alþingi í
síðustu viku og í kjölfarið vísað til allsherjar-
og menntamálanefndar.
Frumvarpinu var meðal annars ætlað að
takmarka þátttöku RÚV á auglýsingamarkaði.
Samkvæmt því má hlutfall auglýsinga í dag-
skrá RÚV ekki fara yfir átta mínútur á klukku-
tíma, vöruinnsetning verður óheimil í efni sem
RÚV framleiðir sjálft eða er sérstaklega fram-
leitt fyrir það, félaginu er gert að setja og birta
gjaldskrá, afsláttakjör fyrir kostunaraðila og
auglýsendur skulu vera gagnsæ og mega ekki
mismuna viðskiptamönnum auk þess sem
banni við auglýsingasölu á vefnum verður við-
haldið. Í umsögn með frumvarpinu kemur fram
að mennta- og menningarmálaráðuneytið telji
að þessar takmarkanir muni „hafa í för með
sér allt að 245 m.kr. árlega tekjurýrnun, sem
svarar til um 5% af heildartekjum félagsins.“
Samkeppnisaðilar RÚV hafa gagnrýnt frum-
varpið og segja það ekki ganga nógu langt. Í
tölum sem teknar voru saman fyrir Frétta-
blaðið kom meðal annars fram að meðallengd
sjónvarpsauglýsinga RÚV á kjörtíma, klukkan
18 til 23, var 3,7 mínútur á klukkutíma sem er
langt undir þeim átta mínútna takmörkunum
sem frumvarpið segir til um.
thordur@frettabladid.is
Auglýsingatekjur RÚV hafa
aukist um 60 prósent frá 2009
Tekjur RÚV vegna auglýsinga og kostunar hafa aukist um 400 milljónir frá fyrri hluta rekstrarársins 2009.
Eru nú orðnar um 40 prósent af tekjum félagsins. Nýtt frumvarp á að takmarka RÚV á auglýsingamarkaði.
Stærsti hluti tekna RÚV er tilkominn vegna þjónustutekna sem félagið fær frá íslenska ríkinu. Til að
standa undir þeim framlögum er innheimt útvarpsgjald. Í forsendum fjárlaga fyrir árið 2012 kemur fram
að reiknað sé með að 3,8 milljarðar króna muni innheimtast í útvarpsgjöld í ár. Þar af er áætlað að RÚV
fái 3,1 milljarð króna en afgangurinn rennur til ríkissjóðs og er notaður í önnur verkefni. Frá árinu 2014
munu allar innheimtar tekjur hins vegar renna til RÚV og miðað við forsendur ársins í ár munu tekjur
félagsins þá árlega aukast um 690 milljónir króna, eða 22 prósent.
Fær allt útvarpsgjaldið frá árinu 2014
Dagskrá
1. Skýrsla rannsóknarnefndar lífeyrissjóða
yfirferð Intellecta.
2. Skýrsla stjórnar.
3. Gerð grein fyrir ársreikningi.
4. Tryggingafræðileg úttekt.
5. Samþykktir sjóðsins.
6. Fjárfestingarstefna sjóðsins kynnt.
7. Önnur mál.
Ársfundur 2012
Allir sjó›félagar, jafnt grei›andi sem lífeyrisflegar,
eiga rétt til fundarsetu á ársfundinum.
Sjó›félagar eru hvattir til a› mæta á fundinn.
Stjórn Söfnunarsjó›s l ífeyrisréttinda
Ársfundur Söfnunarsjóðs lífeyrisréttinda
þriðjudaginn 15. maí 2012 kl. 16:30,
að Grand Hótel Reykjavík, Sigtúni 38.
Reykjavík 23. 04. 2012
Reykjanesbær, Orkuveita Reykja-
víkur og fjögur smærri sveitar-
félög hafa falið Íslandsbanka að
selja 34,38 prósenta hlut í HS
Veitum, sem dreifir rafmagni,
heitu og köldu vatni á suður- og
suðvesturhluta landsins. Í til-
kynningu vegna þessa kemur
fram að söluferlið sé opið öllum
fagfjárfestum og þeim sem „búa
yfir fullnægjandi þekkingu og
reynslu og geta sýnt fram á eigin-
fjárstöðu umfram 300 milljónir
kr.“. Reykjanesbær hyggst selja
16,65 prósenta hlut í HS Veitum og
Orkuveita Reykjavíkur 16,58 pró-
senta hlut. Auk þess ætla Grinda-
víkurbær, Garður og Vogar að
selja alla hluti sína í fyrirtækinu
og Sandgerðisbær stærstan hlut
sinn. Samtals eiga þessi fjögur
sveitarfélög tæplega 1,3 prósent
hlut í HS Veitum.
Samkvæmt lögum þarf meiri-
hluti í veitufyrirtæki að vera í
eigu opinberra aðila. Það ákvæði
er uppfyllt þrátt fyrir söluna, því
gangi hún eftir mun Reykjanes-
bær enn halda á 50,1 prósents hlut
í HS Veitum. Auk þess á Hafnar-
fjörður 15,4 prósenta hlut í fyrir-
tækinu sem bæjarráð hans telur
ekki tímabært að selja.
Samkvæmt ársreikningi
Reykja nes bæjar er bókfært virði
66,75 prósenta hlutar hans í HS
Veitum 6,5 milljarðar króna.
Miðað við það verð er heildarvirði
HS Veitna rúmlega 9,7 milljarðar
króna og því ættu að fást um 3,4
milljarðar króna fyrir hlutinn
sem boðinn hefur verið til sölu.
HS Veitur högnuðust um 270
milljónir króna á síðasta ári
og 321 milljón króna árið 2010.
Eigin fjárhlutfall fyrirtækisins
var 53 prósent um síðustu ára-
mót. Hagnaður fyrir afskriftir,
fjármagnsliði og skatta var 1,4
milljarðar króna í fyrra. Stjórn
félagsins lagði til að greiddur
yrði út 300 milljóna króna arður
á árinu 2012 vegna rekstrar-
frammistöðu ársins á undan. -þsj
Bókfært virði HS Veitna tæpir tíu milljarðar króna í ársreikningi Reykjanesbæjar:
Þriðjungur í HS Veitum til sölu
ARÐBÆRT Stjórn HS Veitna lagði til að greiddur yrði út 300 milljóna króna arður í ár.
Vörður Tryggingar hf. hagn-
aðist um 330 milljónir króna
fyrir skatta á
síðasta ári og
arðsemi eigin-
fjár þess var
17,5 prósent.
Það er aukn-
ing um rúmar
120 milljónir
króna frá
árinu á undan.
Heildartekjur
félagsins á
árinu 2011
jukust um 700 milljónir króna og
voru 4,8 milljarðar króna. Eigin-
fjárhlutfall Varðar var 24,4 pró-
sent um síðustu áramót. Þetta
kemur fram í tilkynningu sem
Vörður sendi frá sér í gær.
Vörður er í eigu Bank Nordik,
sem áður hét Færeyjabanki.
Hann keypti upphaflega 51% hlut
í félaginu seint á árinu 2009 og í
mars síðastliðnum var tilkynnt
um að bankinn myndi kaupa
Vörð að fullu. - þsj
Vörður Tryggingar hf:
330 milljóna
ágóði fyrir skatta
GUÐMUNDUR J.
JÓNSSON
forstjóri Varðar.
EFNAHAGSMÁL Íbúðaverð á land-
inu öllu hækkaði um 1,5% í
apríl. Stærstan hluta hækkunar-
innar má rekja til landsbyggðar-
innar þar sem íbúðaverð hækk-
aði um 5,4% í mánuðinum.
Fram kemur í Morgunkorni
greiningar Íslandsbanka frá því
í gær að miklar sveiflur hafi
verið í mælingum Hagstofunn-
ar á íbúðaverði það sem af er
þessu ári. Þannig lækkaði íbúða-
verð á landsbyggðinni um 2,8%
í janúar og 2,6% í febrúar en
þessar lækkanir hafa nú gengið
til baka.
Frá áramótum hefur íbúða-
verð á landinu hækkað um 1,6%
en undanfarna tólf mánuði
nemur hækkunin 8,4% að nafn-
virði og 1,1% að raunvirði. - mþl
Nýjar tölur frá Hagstofunni:
Húsnæðisverð
hækkaði í apríl
MILLJÓNIR KRÓNA var heildarvelta með bréf í Kauphöll
Íslands í apríl. Jafngildir það 216 milljónum á dag en til saman-
burðar voru meðalviðskipti 766 milljónir á dag í mars.
3.675
2009 2010 2011 2012
Þjónustutekjur 66,70% 66,60% 61% 57,40%
Auglýsingar 28,2%* 28% 31,80% 35,60%
Kostun - 2,10% 3,10% 3,70%
Aðrar rekstrartekjur 5,20% 3,30% 4,10% 3,30%
* Í ársreikningi árshlutareikningi Ríkisútvarpsins fyrir tímabilið
1. september 2008 til 28. febrúar 2009 eru auglýsingar og
kostun saman í tekjulið.
Hlutfallsleg skipting tekna RÚV
fyrri hluta rekstraráranna 2009-2012
BREYTINGAR Nýtt frumvarp á
að takmarka þátttöku RÚV á
auglýsingamarkaði. Samkvæmt
mati mennta- og menningarmála-
ráðuneytisins munu tekjur þess
skerðast um 245 milljónir króna,
sem svarar til um fimm prósent
tekna félagsins. FRÉTTABLAÐIÐ/GVA