Fréttablaðið - 03.05.2012, Qupperneq 18

18 3. maí 2012 FIMMTUDAGUR
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Atli Fannar Bjarkason (dægurmál) atlifannar@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is FÓLK OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
greinar@frettabladid.is
FRÁ DEGI TIL DAGS
HALLDÓR
Um sextíu innflytjendur mættu á sam-komuna „Tölum saman“ sem var haldin
af Mannréttindaskrifstofu Reykjavíkur-
borgar og Fjölmenningarráði 28. apríl síð-
astliðinn.
Þetta var eins konar undirbúningssam-
koma fyrir Fjölmenningarþing í haust, sem
verður mikið stærri samkoma innflytjenda
á höfuðborgarsvæðinu. Mikið var rætt á
þessari samkomu um hvers konar mál inn-
flytjendur og borgin skyldu tala saman um.
Skipulagningu kosninga til að kjósa fulltrúa
innflytjenda, atvinnumál, dvalarleyfi, for-
dóma… ýmiss konar mál voru nefnd, þótt
það væri ekki hægt að kafa djúpt í málefnin.
Það sem vakti athygli mína var hins
vegar hversu mjög þátttakendur voru líf-
legir í umræðum og hve mikið þeir höfðu
að segja. Þeir voru virkilega að njóta þess
að taka þátt í umræðu með öðrum.
Við innflytjendur viljum ekki einungis
tala um úrræði vandamála sem við mætum
hérlendis, eða leita svara við spurningum.
Að hitta aðra og tala saman er eftirsóknar-
vert í sjálfu sér og það hjálpar okkur mikið.
En það gleymist oft hjá þeim sem veita inn-
flytjendum þjónustu.
Ég hef sjálfur slæma minningu um slíkt.
Fyrir tíu árum talaði ég sem prestur við
nýskilda konu frá Afríku. Hjónaskilnaður
var (og er) oft orsök áhyggja hjá innflytj-
endum um hvort þeir geti dvalið hér áfram
eða ekki. Því spurði ég konuna um nokkur
atriði um þau mál. Konan reyndist vera í
góðu lagi og ég hélt að málinu væri lokið.
En það var rangt hjá mér. Konan var fyrst
og fremst döpur vegna skilnaðarins og vildi
þess vegna tala.
Ég fagna því að borgin reyni að skapa
fleiri tækifæri fyrir samtöl við okkur inn-
flytjendur. Ég vona að fleiri sveitarfélög,
fyrirtæki og félagasamtök geri hið sama á
næstunni.
Tölum saman!
Samfélags-
mál
Toshiki Toma
prestur
innflytjenda
Við innflytjendur viljum
ekki einungis tala um
úrræði vandamála sem við
mætum hérlendis, eða leita
svara við spurningum. Að hitta
aðra og tala saman er eftir-
sóknarvert í sjálfu sér.
Með vísun til laga nr. 134/2001 um leigubifreiðar,
gengst Vegagerðin fyrir rekstrarleyfisnámskeiði fyrir
leigubílstjóra í Ökuskólanum í Mjódd
dagana 7. til 11. maí n.k.
Þátttaka tilkynnist fyrir 4. maí
til Ökuskólans í Mjódd í síma 567-0300
Upplýsingar og innritun í síma 567 0300 / 894 2737
Leyfishafanámskeið
leigubílstjóra
Margir aðrir fjölmiðlar
Óðinn Jónsson, fréttastjóri
Ríkisútvarpsins, sendi undir-
mönnum sínum skeyti um komandi
forsetakosningar í gær og birti það
jafnframt á Facebook-síðu sinni. Í því
hvetur hann starfsmenn RÚV til að
fjalla áfram hlutlægt og faglega um
frambjóðendur til forsetaembættis-
ins. „Margir aðrir fjölmiðlar
eru á vafasamri braut,
hampa stórlega einum
frambjóðandanum – á
kostnað annarra,“ skrifar
Óðinn líka og nefnir
húrrahróp einstakra
fjölmiðlamanna. Það
er gott hjá Óðni
að brýna sitt fólk
til dáða. En það væri ekki síður gott
– og fróðlegt – ef hann styddi full-
yrðingu sína um hlutdrægni annarra
fjölmiðla með dæmum.
Lýðskrumið
Guðmundur Gunnarsson, fyrrverandi
formaður Rafiðnaðarsambandsins,
talaði tæpitungulaust á baráttudegi
verkalýðsins á Selfossi. „Í opinberri
umræðu er það orðið daglegt brauð
að borið er á fólk að það sé land-
ráðamenn, fasistar, nasistar eða
kommúnistar,“ sagði Guðmundur,
greinilega langþreyttur á íslenskri
umræðuhefð þar sem „lýð-
skrumið ræður öllu“. Eflaust
geta margir tekið undir þessi
orð Guðmundar.
Nokkrar sekúndur
Til marks um þennan vanda hljómuðu
slík fasismabrigsl einmitt úr púlti á
sjálfan verkalýðsdaginn. „Það minnir
mann á hvernig fasistahreyfingar
millistríðs áranna beittu lýðskrumi,
hræðsluáróðri og óvinavæðingu í til-
raunum sínum til að komast til valda,“
sagði ræðuhöldurinn, og vísaði til
fréttaflutnings af gífuryrðum.
Guðmundur hlýtur að hafa
ímugust á þessu ósmekk-
lega líkingamáli, sem
hraut reyndar af vörum
hans sjálfs, örfáum
sekúndum eftir að
hann hneykslaðist á
lýðskruminu.
stigur@frettabladid.is
O
kkur miðar ekki nægilega fram á við í að ná fram
launajafnréttinu,“ segir Jóhanna Sigurðardóttir
í frétt hér í blaðinu í dag. Forsætisráðherrann er
þarna að bregðast við tíðindum um að launamunur
kynja hafi aukist síðustu tvö ár en rúman áratug á
undan hafði þróunin verið í þá átt að saman dró með kynjunum
í launum. Þetta kemur fram í skýrslu Þjóðmálastofnunar um
umfang kreppunnar og afkomu tekjuhópa.
Það er óhætt að taka undir með forsætisráðherranum því aftur
á bak er svo sannarlega ekki fram á við.
Kynbundinn launamunur þró-
aðist frá því að vera árið 1998
metinn 30 til 35 prósent í að
mælast á bilinu 13 til 20 prósent
árið 2010. Þetta er út af fyrir sig
ágætur árangur á tólf árum. En
sé horft til þess að um áratuga
skeið hafa verið lög í landinu
sem eiga að koma í veg fyrir
kynbundinn launamun þá verður að viðurkennast að staðan er
langt í frá viðunandi, svo ekki sé talað um þegar þróunin hefur
aftur snúist við, launajafnrétti í óhag.
Efnahagskreppan setur enn frekar mark sitt á laun á
almennum vinnumarkaði en á þeim opinbera. Launamunur
minnkaði enda þar eftir hrun ekki síst vegna þess að þeim
fækkaði sem voru á mjög háum launum en meirihluti þeirra
voru karlar. En erfitt efnahags- og atvinnuástand gerir einnig
að verkum að samningsstaða launafólks er síðri en þegar eftir-
spurn efir vinnuafli er meiri og hætt er við að sú staða komi
verr niður á konum en körlum.
Hjá SFR – stéttarfélagi í almannaþjónustu er þróun launa-
munar kynjanna sláandi en þar fór hann úr 9,9 prósentum árið
2010 í 13,2 prósent árið 2011. Það er því ekki að undra að for-
maður BSRB skuli nú kalla á að fundarhöldum um málið verði
hætt og þess í stað verði verkin látin tala.
Margir töldu að með aukinni menntun kvenna myndu laun
kynjanna jafnast svo að segja af sjálfu sér. Og víst er að aukin
menntun hefur vissulega skilað fjölmörgum konum góðum og
vel launuðum störfum, bæði á almenna vinnumarkaðinum og
í opinbera geiranum. Aukin menntun hefur þó að sönnu ekki
reynst konum sú beina og greiða leið að hærri tekjum sem
margir áttu von á.
Frá árinu 2008 hefur verið unnið að svokölluðum jafnlauna-
stuðli en samkomulag um þá vinnu var liður í kjarasamningum
Alþýðusambands Íslands og Samtaka atvinnulífsins það ár.
Stefnt hefur verið að því að sú vinna klárist í ár.
Með jafnlaunastuðli eiga fyrirtæki að vinna eftir skýrum leið-
beiningum um jafnlaunastefnu og markmiðið er að þau fyrir-
tæki sem ná tilskildum árangri fái vottun upp á það á svipaðan
hátt og tíðkast um gæðastaðla eins og til dæmis ISO. Slíkur
stuðull getur áreiðanlega komið að gagni.
Róðurinn er þungur og verður það áfram. Því hlýtur öllum
aðferðum og leiðum sem stuðlað geta að auknu launajafnrétti
kynja að vera fagnað.
Kynbundinn launamunur eykst á ný:
Ólíðandi öfugþróun
Steinnunn
Stefánsdóttir
steinunn@frettabladid.is
SKOÐUN