Fréttablaðið - 03.05.2012, Blaðsíða 39
FIMMTUDAGUR 3. MAÍ 2012 7hjólað í vinnuna ● fréttablaðið ●
● GRÍÐARLEG FJÖLGUN KEPPENDA UNDANFARIN ÁR
Hjólakeppnin Bláalónsþraut á fjallahjóli fer fram í sextánda skipti þann tíunda
júní næstkomandi. Hákon Hrafn Sigurðsson hjá Hjólreiðafélagi Reykjavíkur
sem skipuleggur keppnina segir algjöra sprengingu hafa orðið í fjölda þeirra
sem hjóla reglulega undanfarin ár.
„Um 10 manns tóku þátt í fyrsta skiptið sem keppnin var haldin en í fyrra
voru um 400 manns sem kepptu. Fyrstu fimm árin voru færri en hundrað
manns með en frá því hundrað manna múrinn var rofinn hefur orðið gríðar-
leg fjölgun á hverju ári. Það hefur orðið mikil vakning meðal almennings og
fjöldi þeirra sem hjólar reglulega hefur aukist verulega,“ segir Hákon Hrafn.
Hann lagði áherslu á að keppnin væri haldin fyrir almenning og að lang-
flestir sem tækju þátt væru venjulegt fólk en ekki keppnismenn. „Það er
mikil stemning eftir keppnina og flestir skella sér í Bláa Lónið og skola af sér
eftir keppni.“ Nánari upplýsingar um Bláalónsþrautina má finna á heimasíðu
Hjólreiðafélags Reykjavíkur: http://hfr.is.
MYND/KRISTINN R. KRISTINSSON
● HJÓLAR Í VINNUNA ALLT ÁRIÐ Morten
Lange, tölvufræðingur hjá Símanum, hefur tekið
þátt í keppninni Hjólað í vinnuna frá upphafi. Áður
en verkefnið fór af stað var hringt í Morten og hann
spurður álits á því hvort hugmyndin væri góð, enda
þekktur hjólreiðamaður. Hann starfaði síðan að út-
færslunni með ÍSÍ á sínum tíma.
Morten segir að hann hafi alla tíð hjólað mikið. „Ég
hef alltaf hjólað í vinnuna og sömuleiðis í háskólann á
meðan ég var í námi. Ég á ekki bíl en þegar ég fer út
úr bænum, til dæmis á skíði, þá tek ég bíl á leigu. Það
er mun ódýrara en að reka bíl,“ segir hann.
Morten er félagi í Fjallahjólaklúbbnum og í stjórn
Landssambands hjólreiðamanna. Hann hefur verið
liðsstjóri Símans fyrir verkefnið Hjólað í vinnuna en
þar hafa um eitt hundrað manns tekið þátt. Morten
segist fagna þeirri breytingu á keppninni að nú séu
það liðin sem beri sigur úr býtum en ekki fyrirtækið
sem liðið starfar hjá. Hann segist auk þess fagna
því hversu mikil aukning þátttakenda hafi verið í
keppninni undanfarin ár.
„Mér sýnist að með þessari keppni hafi tekist að
auka til muna áhuga fólks á hjólreiðum hérlendis.
Margir halda áfram að hjóla þótt keppninni ljúki og
það er jákvætt,“ segir Morten sem er frá Noregi en
hefur dvalið hér á landi frá árinu 1995. „Hjólreiðar veita
frelsistilfinningu og gefa annars konar nánd við um-
hverfið og náttúruna.“ MYND/STEFÁN
Góður aðbúnaður fyrir
hjólandi fólk á vinnustöðum er
lykillinn að góðum árangri.
Hjónin Berglind Reynisdóttir og
Magnús E. Sigurðsson hafa tekið
þátt í átakinu Hjólað í vinnuna frá
upphafi. Þau störfuðu saman um
nokkurra ára skeið hjá hugbún-
aðarfyrirtækinu Flögu en mikill
heilsuáhugi ríkti þar að þeirra
sögn. Árið sem fyrsta átakið var
haldið tóku nokkrir starfsmenn
þátt og stóðu sig vel í keppninni.
„Þegar við stóðum okkur svona
vel sáu aðrir starfsmenn hvað
þetta var sniðugt. Næsta ár tóku
fleiri starfsmenn þátt og þriðja
árið tóku allir starfsmenn fyrir-
tækisins þátt í átakinu eða rúm-
lega 70 manns.“ Það árið var búið
að breyta reglum átaksins þannig
að starfsmenn gátu einnig labbað
í vinnuna eða nýtt sér almenn-
ingssamgöngur. Mikil og góð
stemning myndaðist á vinnu-
staðnum að sögn þeirra og bíla-
stæði fyrir tækisins stóðu auð.
„Það myndaðist rosalega skemmti-
leg stemning í fyrirtækinu og
mikil keppni milli deilda. Því þótt
fyrirtækið tæki þátt sem ein heild
var líka hörð keppni milli deilda um
besta árangurinn og auðvitað vildu
allir vinna.“
METNAÐUR MEÐAL STARFSMANNA
Þegar Flaga var seld úr landi
árið 2006 hófu hjónin störf hvort
á sínum vinnustað. Berglind hóf
störf hjá stóru og fjölmennu fyrir-
tæki þar sem stemningin fyrir
átakinu var lítil. Hún gafst þó
ekki upp og skráði sig og deildina
sína til leiks. Hún sendi tölvupóst
á aðra starfsmenn og hvatti þá
til að taka þátt. „Starfs mönnum
fannst þetta erfitt til að byrja
með og setti alls konar hindranir
fyrir sig. Eftir smá tíma skráðu
sig þó fleiri til leiks þannig að
þetta fór betur en á horfðist.“
Stemningin var þó aldrei í líkingu
við árin hjá Flögu. Magnús hóf
störf hjá Calidris en fyrir tækið
hafði tekið þátt í átakinu áður,
þó með dræmri þátttöku starfs-
manna. Magnús hefur náð að
rífa samstarfsmenn sína með sér
og nú er svo komið að Calidris
er ávallt í fremstu röð í sínum
flokki og hefur fengið verðlaun
oftar en einu sinni síðustu fimm
ár. Magnús segir metnaðinn vera
mikinn hjá starfsmönnum. Þeir
hittast meðal annars í morgun-
kaffi á leið til vinnu hjá starfs-
mönnum sem eiga heima lengst
frá vinnustaðnum, bæði til að
virkja fólk til þátttöku og til að
safna sem flestum kílómetrum.
Berglind starfar í dag hjá hug-
búnaðarfyrirtækinu Betware.
Starfsmenn fyrirtækisins hafa
áður tekið þátt í átakinu og hún er
strax búin að skrá sig og deildina
til leiks.
MIKIL HUGAFARSBREYTING
Magnús og Berglind segjast bæði
hafa orðið vör við mikla hugarfars-
breytingu hjá fólki þegar kemur
að hjólreiðum til og frá vinnu. Al-
mennt sé fólk að átta sig á því að
það sé ekki eins erfitt og það hélt
og eru þau sannfærð um að það
sé meðal annars átakinu Hjólað í
vinnuna að þakka. „Margir settu
veðurfarið fyrir sig en okkur
finnst almennt eins og fólk sé að
átta sig á því að þetta er lítið mál.
Svo þarf auðvitað ekki að hjóla á
hverjum degi. Það er í lagi að hjóla
nokkra daga í viku eða bara einn
og einn dag.“ Til marks um aukna
vitund almennings segjast þau
sjá mikinn mun á umferð hjólandi
fólks í dag og fyrir tíu árum.
Allt gert til að vinna
Hjónin Berglind og Magnús sjá mikinn mun á umferð hjólandi fólks í dag og fyrir tíu
árum. MYND/PJETUR
Um þriðjungur starfsmanna verk-
fræðistofunnar Mannvits nýtir sam-
göngustyrk til að komast í vinnuna.
Mannvit hefur sérstaka sam-
göngustefnu þar sem meðal annars
er reynt að uppfylla ferðaþörf
starfsmanna á hagkvæman og vist-
vænan hátt. Fyrirtækið greiðir
andvirði mánaðarkorts í strætó til
þeirra sem að jafnaði koma til vinnu
gangandi, hjólandi, með strætó eða
með öðrum bíl. Grétar Þór Ævars-
son, samgönguverkfræðingur hjá
Mannviti, segir þessi mál hafa verið
í umræðunni í nokkurn tíma innan
fyrirtækisins enda margir starfs-
menn menntaðir í Seattle í Banda-
ríkjunum þar sem algengt sé að
fólk hjóli til og frá vinnu og fyrir-
tæki veiti slíka styrki. „Samgöngu-
stefnan fór formlega af stað í upp-
hafi árs 2008. Starfsmenn geta nýtt
sér styrkinn allt árið eða hluta árs,
jafnvel bara einn mánuð í einu.“
Þegar byrjað var að byggja bíla-
stæðakjallara í fyrirhuguðum
höfuð stöðvum fyrirtækisins fyrir
nokkrum árum fóru mörg bílastæði
undir framkvæmdasvæðið. Bíla-
stæðaskorturinn var síðasti hvatinn
til að hrinda samgöngustefnunni í
framkvæmd þar sem ekki var pláss
á lóðinni fyrir bílastæði handa
öllum á byggingartíma. Í fram-
haldinu fóru menn að velta fyrir
sér hversu mörg bílastæði þyrfti
að byggja við nýjar höfuð stöðvar,
hvort ekki væri hægt að leysa málin
á ódýrari, vistvænni og heilsusam-
legri hátt, enda var áætlað að eitt
stæði í slíkum kjallara gæti kostað
um fjórar til fimm milljónir á þeim
tíma að sögn Grétars.
STOLTIR YFIR ÁRANGRINUM
Hjá Mannviti vinna um 370 manns
og nýtir um þriðjungur þeirra sér
samgöngustyrkinn á einhverjum
tímapunkti ársins. Grétar segir
suma nýta hann allt árið en aðra
nýta hann yfir sumarið eða einn
og einn mánuð í senn. „Það er til
dæmis algengt að starfsmenn hjóli
yfir sumarið og taki strætó yfir
veturinn. Eða þá að þeir nýti sér
einkabílinn yfir háveturinn.“
Fyrirtækjabragur Mannvits ein-
kennist eðlilega af samgöngustefnu
fyrirtækisins. Grétar segir starfs-
menn stolta yfir árangrinum og að
önnur fyrirtæki horfi til þeirra sem
fyrirmyndar. Starfsmenn Mann-
vits taka nú þátt í átakinu Hjólað í
vinnuna fjórða árið í röð. „Það er
mikill metnaður hjá starfsmönnum
okkar. Við höfum unnið nokkur ár
í röð í okkar flokki og stefnum að
sjálfsögðu á að halda því áfram.“
Vistvænn
ferðamáti
Grétar Þór Ævarsson í hjólreiðatúr með dóttur sinni. MYND/VILHELM