Fréttablaðið - 03.05.2012, Blaðsíða 34

3. MAÍ 2012 FIMMTUDAGUR2 ● fréttablaðið ● hjólað í vinnuna
● HVERSU LANGT MÁ
KOMAST Á KORTERI?
„Ráðlagður dagskammtur
hreyfingar fyrir fullorðið fólk er
30 mínútur samkvæmt Alþjóða
heilbrigðisstofnun. Mig langaði
að sjá hvernig væri hægt að
uppfylla það með samgöngun-
um til og frá vinnu. Hvað kemst
maður langt á korteri á hjóli?“
segir Pálmi Freyr Randversson,
verkefnastjóri hjá Umhverfis-
og samgöngusviði Reykjavíkur-
borgar, en hann er höfundur Korterskortsins svo kallaða.
„Ég komst um það bil fimm kílómetra á korteri með því að hjóla á venjulegum hraða og án þess að
svitna,“ útskýrir Pálmi. Við vinnslu kortsins valdi Pálmi miðju Reykjavíkurborgar út frá þéttleika búsetu. Þaðan
hjólaði hann svo í allar áttir eftir hjólastígum í fimmtán mínútur. „Þetta voru raunverulegar mælingar og ekkert
slump. Ég komst yfir mjög svipaðar vegalengdir á þessum tíma en stígarnir eru svipað hlykkjóttir. Það var mjög
gaman að sjá hvernig stígakerfið virkar og hvað það virkar í raun vel í allar áttir. Það þarf ekki meira en korter til að
dekka meira og minna alla borgina,“ segir Pálmi.
„Með þessu langaði mig að sýna fólki fram á hvað vegalengdir eru í raun stuttar í Reykjavík og vinna gegn
þeim mýtum sem fólk setur gjarnan fyrir sig svo sem lélegt stígakerfi og langar vegalengdir. Þá er tilvalið að nota
ferðirnar til og frá vinnu til að ná lágmarkshreyfingu á dag og geta þá sleppt því að fara í ræktina eftir vinnu.“
Kortið má nálgast inni á heimasíðunni www.hjoladivinnuna.is.
Fjögurra manna fjölskylda í
Hlíðunum losaði sig við bílinn í
haust og fer allra sinna ferða á
hjóli eða með Strætó.
„Ég var mjög treg til fyrst. Var
svartsýn á að þetta væri yfirleitt
hægt með tvö börn í veðurfarinu á
Íslandi en Frikki var bjartsýnni,“
segir Eva Engilráð Thoroddsen en
hún og Friðrik Hjörleifsson seldu
fjölskyldubílinn síðasta haust
þegar Eva hóf nám við HÍ.
„Það munar mikið um rekstur
á einum bíl þegar annar aðilinn
er í námi. Við búum í Hlíðunum
og þaðan er mjög þægilegt að taka
strætó um borgina og við gerum
það stundum,“ segir Eva og viður-
kennir að hún hafi þurft að komast
upp á lagið með breyttan lífsstíl.
„Fyrst fannst mér þetta erfitt,
fannst ég þurfa að reikna út
tímann og skipuleggja allan daginn
fyrir fram og miklaði fyrir mér
vegalengdirnar. Núna finnst mér
þetta ekkert mál og velti því ekki
einu sinni fyrir mér ef ég þarf að
skjótast eitthvert, ég hjóla bara.“
Börn Evu og Friðriks eru Sunna,
sjö ára og Reginn, fimm ára. Sunna
hjólar allt sjálf en Reginn situr á
tengihjóli sem fest er aftan í hjól
pabba hans. Í innkaupa ferðum nota
þau tengivagn aftan í hjól Evu. „Við
erum oft ansi skrautleg þegar við
leggjum af stað öll hersingin,“
segir Eva hlæjandi og bætir við
að krakkarnir kunni vel við hjóla-
ferðirnar.
„Þeim finnst þetta æðislegt
og vilja helst ekkert vera í bíl.
Sunna æfir frjálsar tvisvar í viku
í Laugar dalnum og við hjólum
þangað eða tökum strætó. Við
klæðum okkur eftir veðri og erum
með hliðartöskur á hjólunum
fyrir hlífðarfötin,“ segir Eva.
Hún reiknar með að sumarið
verði undir lagt af útivist og hjóla-
ferðum sem ekki var raunin áður.
„Ég hef aldrei gengið á fjöll, þoli
ekki að tjalda og við vorum ekki
mikið útivistarfólk. Ég átti svo
sem alltaf hjól en bara einhverja
garma. Frikki er meiri hjóla-
garpur og hjólaði upp í sumarbú-
stað á Þingvöllum í fyrra. Hann
ætlar að draga mig með í sumar.
Sumarið mun einkennast af litlum
ævintýraferðum um bæinn með
krakkana, nesti í Elliðaárdalnum
eða Nauthólsvík og sund ferðum.
Það finnst þeim æðislegt.“ En
hvað segir fjölskyldan um aðgengi
fyrir hjólafólk í Reykjavík?
„Því er víða ábótavant. Öku-
menn taka ekki tillit til hjólandi
vegfarenda og statíf til að læsa
hjólum vantar víða,“ segir Eva.
Hún segir þó ólíklegt að þau fái
sér aftur bíl. „Við ætluðum bara
að prófa þetta til að byrja með
og sáum fyrir okkur að kaupa
bíl aftur ef þetta gengi illa. Þetta
hefur bara gengið það vel að
okkur dettur það ekki í hug núna.“
Leist ekkert á þetta
Eva Engilráð Thoroddsen, Friðrik Hjörleifsson, Sunna og Reginn í hjólaferð um Hlíðarnar en þannig fara þau allra sinna ferða.
MYND/VALLI
Ragnar Þór Ingólfsson sölustjóri hjólreiðaverslunarinnar Arnarins
segir gríðarlega aukningu hafa orðið í sölu hjóla. Ragnar hrósar
Íþrótta- og Ólympíusambandinu að hluta til fyrir þennan aukna
hjólreiðaáhuga og segir að það sé aðdáunarvert að sjá hvernig ÍSÍ
hefur staðið að átakinu Hjólað í vinnuna sem hefur haft gríðarlega
mikil áhrif í því að gera hjólreiðar að daglegum samgöngumáta.
„Svo hefur auðvitað ótrúlega margt batnað á undanförnum árum;
fatnaður er orðinn fisléttur og vatnsheldur og töskur og annar
búnaður meðfærilegri ásamt fleiru. Einnig mætti nefna áhrifaþætti
eins og hækkandi bensínverð, aukna heilsuvitund, lélegt almenn-
ings samgöngukerfi og verri efnahag fólks. Allt eru þetta þættir
sem hafa hvetjandi áhrif á fólk til þess að nota hjólreiðar sem sam-
göngumáta.“
Ragnar segir áhugaaukninguna ekki bara hjá einstaklingum
heldur líka fyrirtækjum og þakkar það átakinu. „Fyrirtæki leita
til okkar í auknum mæli og fá ráðgjöf og þjónustu fyrir starfs-
menn. Þeir koma þá með hjólin í vinnuna og við yfirförum þau og
lið sinnum eftir bestu getu. Þannig eru fyrirtæki farin að hvetja
starfsmenn til að nota reiðhjól sem samgöngutæki.“
Örninn rekur einnig reiðhjólaverkstæði innan verslunarinnar
og segir Ragnar að í eina tíð hafi það verið lokað frá október til
mars en í dag séu tveir starfsmenn þar yfir veturinn sem undir-
striki aukna notkun. „Hjólaeign hefur ávallt verið mikil hér á landi
en hjólin stóðu mörg hver ónotuð í geymslum og skúrum stóran
hluta árs en í dag er fólk farið að nota hjólin. Við sjáum það á stór-
aukinni sölu tannhjóla, keðja, dekkja, slangna, fatnaðar og búnaðar
og þjónustu sem tengist meiri notkun.“
Mikil aukning
í sölu hjóla
MYND/STEFÁN
Ragnar Þór Ingólfsson sölustjóri Arnarins. Mynd/Vilhelm
● VINNA AÐ HAGSMUNUM HJÓLREIÐAMANNA Í
VÍÐUM SKILNINGI „Landssamtök hjólreiðamanna, LHM, vinna
að hagsmunum hjólreiðamanna í víðum skilningi. Samtökin eru í sam-
skiptum við ríki og sveitarfélög meðal annars um lagningu stíga með-
fram stofnbrautum til að greiða fyrir umferð hjólandi manna. Þau
vinna einnig að fjölgun hjólreiðamanna og að ýmiss konar fræðslu- og
kennsluefni,“ segir Árni Davíðsson formaður LHM. Auk þess hafa sam-
tökin staðið að ráðstefnum og fengið erlenda fyrirlesara til landsins. Þau
halda einnig úti öflugri heimasíðu.
Aðildarfélög LHM eru Fjallahjólaklúbburinn, Hjólreiðafélag Reykjavíkur
og Hjólamenn. Hjólreiðafélag Reykjavíkur og Hjólamenn eru bæði skráð
sem íþróttafélög innan ÍSÍ en Fjallahjólaklúbburinn er meira fyrir fólk sem
notar hjólið sem samgöngutæki.
„Samtökin voru stofnuð árið 1995 af aðildarfélögunum til að taka
hagsmunabaráttuna út úr starfi félaganna sjálfra. Nú sér LHM alfarið
um þau mál og vinnur hjólreiðum brautargengi á allan hátt,“ segir Árni.
„Fjölgun hjólreiðamanna á undanförnum árum hefur gert okkar starf
mun auðveldara og við finnum fyrir meiri vilja til að hlusta á okkar til-
lögur varðandi samgöngumál.“
Nánari upplýsingar um LHM og aðildarfélög þess má finna á eftir-
töldum slóðum: http://fjallahjolaklubburinn.is, http://hfr.is, http://hjola-
menn.is, http://www.lhm.is.
Útgefandi: Íþrótta- og Ólympíusamband íslands
Umsjónarmaður auglýsinga: Benedikt Freyr Jónsson. benedikt@365.is. S. 512 5411
Ábyrgðarmaður: Jóna Hildur Bjarnadóttir