Fréttablaðið - 01.06.2012, Page 38

HELGARMATURINN
„Hugmyndin vakti áhuga minn frá upphafi sérstak-
lega þar sem ég er einstaklega hrifin af krefjandi og
líflegum verkefnum sem þetta reynist svo sannar-
lega vera,“ segir stjörnukokkurinn Friðrika Hjördís
Geirsdóttir sem hefur unnið að því undanfarið að
hanna matseðilinn um borð í flugvélum Wow air.
„Varðandi matseðilinn sjálfan þá lagði ég upp með
að vera með einfalda rétti en einblína þeim mun
frekar á að hráefnið væri sem allra ferskast, mér
finnst það skipta höfuðmáli. Það er svolítill haus-
verkur að reyna að meta matarsmekk mörg þúsund
farþega en ég vona að það hafi tekist.“
Fyrir stuttu stofnaði Rikka, eins og hún er gjarn-
an kölluð, matvælafyrirtækið „GOTT“ sem framleið-
ir eftirrétti, ís og nú nýlega kaldar sósur. Ein teg-
und eftirréttanna verður seld um borð og sósurnar
verða notaðar í samlokurnar og með salatinu.
Spurð hvort hún sé vön að gæða sér á flugvéla-
mat á ferðalögum sínum svarar Rikka því játandi.
„Í mínum augum er flugferð dekurstund og oft á
tíðum kærkomin stund fyrir mig. Þá er til dæmis
ekki hægt að ná í mig í síma og lítið sem truflar.
Mér finnst því tilvalið að gera vel við mig í mat og
drykk.“
Hamborgari að hætti Simma
Hráefni
480 gr lambaprime
Íslenskir sveppir
8 hvítlauksgeirar
4 msk. smjör
4 Maribo ostsneiðar
Grænt kál (t.d. lambhagasalat)
8-12 rauðlaukshringir
8 tómatsneiðar
Bernaisesósa
Salt og pipar
4 hamborgarabrauð
Leiðbeiningar
Skerið 120-140 gr lambaprime-
steik í þrjár sneiðar eftir endi-
löngu þannig að hún verði um
3x40 gr sneiðar.
Hitið grillið í hámarkshita (eða
pönnuna í neyð).
Grillið lambaprime-sneiðarnar í
3-4 mínútur á hvorri hlið (mælt
er með meðalsteikingu).
Pönnusteikið sveppina í smjör-
inu og hvítlauknum. Slökkvið
undir pönnunni, leggið ost-
sneiðina ofan á sveppina og
setjið lokið á.
Penslið hamborgarabrauðið að
innan með smjöri eða ólífuolíu
og hitið snöggt á grilli (þar til
það er orðið röndótt).
Samsetning EÐAL-hamborg-
arans:
Setjið grænmetið í botnbrauð-
ið, bernaisesósu ofan á græn-
metið, leggið steikurnar yfir, þá
sveppina með brædda ostin-
um. Toppið með meiri bernaise
og lokið með brauðhattinum.
Sigmar Vilhjálmsson
fjölmiðlamaður og eigandi
Hamborgarafabrikkunnar
gefur Lífinu uppskrift að
eðalhamborgara.
RIKKA ELDAR Í HÁLOFTUNUM