Fréttablaðið - 01.09.2012, Page 2

1. september 2012 LAUGARDAGUR2
BORGARMÁL „Enginn listamaður er
sáttur við að verk hans séu sýnd
í öðru en sínu rétta formi enda
kveða lög á um að sé listaverk haft
til sýnis í skemmdu eða biluðu
ástandi, sé það brot á sæmdarrétti,“
segir myndlistarkonan Rúrí. Ekk-
ert vatn hefur leikið um vatnslista-
verk hennar Fyssu í Grasagarðinum
í Laugardal eftir að dælubúnaður
þess bilaði í byrjun sumars. Vatns-
gangurinn gegnir lykilhlutverki í
verkinu og án hans er ásýnd þess
gjörbreytt.
Verkið er í eigu Reykjavíkur-
borgar en í umsjá Orkuveitu
Reykjavíkur. Eiríkur Hjálmars-
son, upplýsingarfulltrúi OR, segir
að dæla í tækjarými hafi bilað og
vatn lekið í tölvustýringar og aðrar
dælur. Tjónið sé verulegt en hafi
ekki verið metið til fjár. Ekki sé
gert ráð fyrir viðgerð á verkinu í
áætlunum OR.
„Orkuveitan einbeitir sér nú að
grunnþjónustu við íbúa. Það er
verið að spara.“
Knútur Bruun, lögmaður Sam-
taka íslenskra myndlistarmanna,
tekur undir með Rúrí og bendir á
að samkvæmt 4. grein höfundar-
laga sé óheimilt „að breyta verki
höfundar eða birta það með þeim
hætti eða í því samhengi, að skert
geti höfundarheiður hans eða höf-
undarsérkenni.“
„Sú grein á tvímælalaust við í
þessu tilfelli því án vatnsgangsins
er verkið allt annað,“ segir hann.
Knútur telur engan vafa leika á
því að borgaryfirvöldum sé skylt
að lagfæra verkið, fyrir því séu
dómafordæmi.
„Sé verk sett upp á opinberum
stað af opinberum aðila ber honum
skylda til að sjá um viðhald á
verkinu og að sjálfsögðu lagfæra
skemmdir eða bilanir.“
Eiríkur segir skiljanlegt að Rúrí
sé ósátt við ástand verksins en á
hinn bóginn sé Fyssa ávallt vatns-
laus á veturna. Hann kveðst hins
vegar ekki hafa heyrt það sjónar-
mið áður að sparnaður í rekstri
OR geti falið í sér brot á höfundar-
lögum og vísar á Reykjavíkurborg.
„Rekstur verksins hefur verið
í umræðu milli OR og Reykja-
víkurborgar, eiganda verksins.
Ef rök listakonunnar fá staðist
kann að vakna sú spurning hvort
rétt sé að hylja Fyssu meðan hún
er vatnslaus. Eigandi verksins
hlýtur þá að þurfa að koma að
slíkri ákvörðun.“
bergsteinn@frettabladid.is
Gjöf til borgarinnar
Vatnsveitan færði Reykjavíkurborg
listaverkið Fyssu að gjöf árið 1995 að
undangenginni hugmyndasamkeppni
þar sem tillaga Rúríar var hlutskörpust.
Verkið samanstendur af sjö metra háum
steindröngum sem rísa upp úr þriggja
metra djúpri gjá en um þá leikur sífellt og
síbreytilegt vatnsrennsli sem stjórnað er
með flóknum dælu- og tölvubúnaði.
Sigrún, ætlið þið að
framleiða sætan ilm
velgengninnar?
„Já, í orðins fyllstu
merkingu því það vill
þannig til að ilmurinn
sem nú kemur á
markað verður
sætur.“
Sigrún Lilja
Guðjónsdóttir
er meðhöf-
undur sjálfs-
hjálparbókar-
innar The Success
Secret (Leyndarmál
velgengninnar) sem
fór beint í annað
sæti á metsölulista
Amazon.com.
SPURNING DAGSINS
Biluð dæla brýtur á
höfundarrétti Rúríar
Vatnslistaverkið Fyssa eftir Rúrí í Grasagarðinum er vatnslaust eftir að dælu-
búnaður þess bilaði í sumarbyrjun. Verkið er í eigu Reykjavíkurborgar en í
umsjá Orkuveitunnar sem segir viðgerð of dýra. Brot á höfundarrétti segir Rúrí.
LISTAKONAN RÚRÍ
MEÐAN VATN LÉK Í LYNDI Vatns-
gangurinn leikur lykilhlutverk í verkinu
en rennslið á að vera síbreytilegt eins
og í náttúrunni.
FRÉTTABLAÐIÐ/STEFÁN
FYSSA Dæla í tækjarými bilaði með
þeim afleiðingum að vatn komst í
tölvustýringarkerfi. Ekkert vatn hefur
því leikið um verkið í sumar.
FRÉTTABLAÐIÐ/STEFÁN
Skráðu þig núna
í síma 560 1010 eða á
mottaka@heilsuborg.is
Vertu með í
kvennaleikfimi!
Gamla góða leikfimin fyrir allar konur sem
vilja auka styrk og vellíðan
• Þri og fim kl. 10:00
• Hefst 11. september - 4 vikur
• Verð kr. 12.900 kr. eða 9.900 í áskrift
• Þjálfari er Árndís Hulda, íþróttafræðingur
SJÁVARÚTVEGUR Eftirlits- og sjó-
mælingabáturinn Baldur hefur
í sumar verið notaður við sam-
eiginlegt fiskveiðieftirlit Land-
helgisgæslunnar og Fiskistofu.
Eftirlitinu er þannig háttað að
eftirlitsmenn Fiskistofu fara um
borð í bátana, fara yfir veiðar-
færi, afla, lögskráningu, sam-
setningu afla og afladagbækur.
Hjá grásleppubátum er einnig
kannaður netafjöldi, sem má
vera 100 net á hvern lögskráðan
skipverja um borð.
Landhelgisgæslan hefur
umsjón með Baldri, leggur til
mannskap og búnað vegna hans.
- shá
Samstarf LHG og Fiskistofu:
Sjómælingabát-
ur við eftirlit
ÖRYGGISMÁL Flugsveit portúgalska
flughersins hefur nú í tvær vikur
annast loftrýmisgæslu Atlants-
hafsbandalagsins við Ísland. Um
helgina verður skipt um áhöfn
Portúgala hér á landi en verkefnið
er í samræmi við loftrýmisgæslu-
áætlun NATO fyrir Ísland.
Alls munu á milli sextíu og sjö-
tíu liðsmenn portúgalska flug-
hersins taka þátt í verkefninu og á
meðan eru þeir með sex F-16 orr-
ustuþotur.
Ráðgert er að verkefnið verði
unnið með sama fyrirkomulagi
og áður og í samræmi við samn-
inga sem í gildi eru, því ljúki um
miðjan september. - shá
Loftrýmisgæsla Portúgala:
Skipt um áhöfn
á sex herþotum
F-16 HERÞOTUR Verkefni portúgalska
flughersins lýkur um miðjan mánuðinn.
FRÉTTABLAÐIÐ/GVA
EFNAHAGSMÁL Íslandsbanki, Arion
banki og Landsbankinn skiluðu
samtals 34,7 milljarða króna
hagnaði fyrstu sex mánuði ársins.
Hagnaður Arion banka nemur
11,2 milljörðum króna, milljarði
meira en á sama tíma í fyrra.
Arðsemi eigin fjár var 18,8%
samanborið við 20,3% á sama
tímabili árið 2011, að því er fram
kom í uppgjöri bankans sem birt
var í gær. Íslandsbanki skilaði
11,6 milljarða króna hagnaði og
Landsbankinn skilaði 11,9 millj-
örðum. - sv
Hagnaður Landsbanka minni:
Högnuðust um
35 milljarða
STJÓRNSÝSLA Fái bæjarstjórn Vest-
mannaeyja ekki forkaupsrétt á
skipum sem selja á úr sveitar-
félaginu verður farið með málið
fyrir dómstóla. Þetta kemur fram
í tilkynningu bæjarins. Vísað er í
lög um stjórn fiskveiða.
Bæjarstjórnin fundaði í hádeg-
inu í gær þar sem fjallað var um
sölu Bergs/Hugins, eins stærsta
útgerðarfélagsins í Eyjum. Elliði
Vignisson bæjarstjóri segir að
sölu útgerðarinnar fylgi þungt
högg á atvinnulífið í bænum.
Á fundinum var bæjarstjór-
anum falið að óska eftir forkaups-
réttartilboðum í skipin. Berist þau
ekki fer málið fyrir dómstóla. - bþh
Sala útgerðarfélags frá Eyjum:
Sveitarfélagið
fái forkaupsrétt
FÓLK Matthias Vogt, þyrlueigandi
og flugmaður, ætlar að selja fis-
þyrlu sína hérlendis. Hann flaug
henni ásamt Markusi Nescher,
félaga sínum, hingað til lands í lok
júlí og hafa þeir ferðast um landið
síðan.
Vísir.is fjallaði um það á
fimmtudag að ævintýra mennirnir
frá Liechtenstein hefðu tekið elds-
neyti á bensínstöð Atlantsolíu í
Hveragerði. Það hafa þeir raunar
gert um allt land í sumar enda er
þyrlan svo létt að hægt er að ýta
henni upp að dælunni. Íslenskir
þyrlueigendur hafa margir hverjir
rekið upp stór augu þegar Vogt
hefur flogið yfir, enda slíkar
þyrlur sjaldséðar á Íslandi.
„Svona grip rekur ekki á fjörur
landsmanna á hverjum degi,“
segir Hugi Hreiðarsson en hann
er í forsvari fyrir Vogt hér á landi.
Þyrlan er af gerðinni Robinson
44 sem er mjög vinsæl meðal lög-
reglu og fjölmiðla um allan heim.
Hún kostar rúmar tuttugu millj-
ónir króna en Vogt flaug henni frá
Liechtenstein yfir Ermarsundið og
til Hjaltlandseyja og Íslands með
viðkomu í Færeyjum. „Þeir eru
staddir núna hjá Hala í Suður-
sveit og eru í raun veðurtepptir,“
segir Hugi. Seljist þyrlan ekki hér
verður hún flutt með Norrænu til
baka á meginland Evrópu.
- bþh
Ferðuðust um Ísland á léttri þyrlu eftir ferðalag frá meginlandi Evrópu:
Hyggjast selja þyrluna hérlendis
YFIR JÖKLINUM Matthias Vogt og Markus Nescher hafa ferðast um allt land á
þyrlunni. Fólk hefur því víða rekið upp stór augu. MYND/MARKUS NESCHER
DÓMSMÁL Ákærðu í Vafningsmál-
inu, Lárus Welding, fyrrverandi
forstjóri Glitnis, og Guð mundur
Hjaltason, fyrrverandi fram-
kvæmdastjóri fyrirtækjasviðs
bankans, kröfðust þess fyrir dómi
í gær að málinu yrði vísað frá.
Í máli Óttars Pálssonar, verj-
anda Lárusar, kom fram að rann-
sóknin í aðdraganda ákæru væri
haldin slíkum annmörkum að ekki
væri hægt að reka málið áfram.
Lárus og Guðmundur eru ákærð-
ir fyrir umboðssvik. Báðir sátu í
áhættunefnd Glitnis þegar bank-
inn veitti Milestone tíu milljarða
lán. Með því eru þeir sagðir hafa
stefnt bankanum í stórfellda hættu
rúmu hálfu ári áður en hann féll.
Óttar sagði tvo lögreglumenn,
sem unnu að rannsókn málsins
fyrir hönd embættis sérstaks sak-
sóknara, hafa haft fjárhagslegra
hagsmuna að gæta. Þeir hefðu
báðir komið að upphafi rannsókn-
arinnar en látið af störfum hjá
hinu opinbera og átt frumkvæði
að vinnu fyrir þrotabú Milestone.
Afstaða dómara til frávísunar-
kröfunnar verður birt á næstu
dögum. Frávísun málsins veltur á
því hvort lögreglumennirnir hafi
stýrt rannsókn málsins í ákveðinn
farveg og hvort þeir hafi verið
vanhæfir til að rannsaka málið.
- bþh
Segja mikla annmarka á rannsókn Vafningsmálsins og rannsakendur vanhæfa:
Krefjast frávísunar frá dómi
Magnús Bjarnfreðsson, fyrr-
verandi fréttamaður Ríkis-
sjónvarps-
ins, lést á
fimmtudag.
Hann var 78
ára, fædd-
ur þann 9.
febrúar árið
1934. Eftir-
lifandi eigin-
kona hans
er Guðrún
Árnadóttir og áttu þau saman
fjögur börn.
Magnús var annar tveggja
fyrstu fréttamanna Ríkis-
sjónvarpsins sem hófu störf
árið 1965. Áður starfaði hann
sem blaðamaður á Fálkanum,
Frjálsri þjóð og Tímanum.
Eftir störf sín hjá sjónvarpinu
varð hann bæjarfulltrúi fyrir
Framsóknarflokkinn í Kópa-
vogi.
Magnús greindist með
krabbamein fyrir fjórum
árum. Hann var fluttur á
líknar deild fyrir tveimur
vikum, þar sem hann lést.
Magnús Bjarn-
freðsson látinn
LÁRUS
WELDING
GUÐMUNDUR
HJALTASON