Fréttablaðið - 01.09.2012, Blaðsíða 10
1. september 2012 LAUGARDAGUR
BRETLAND „Mér þykir fyrir því að
segja það en niðurstaða greiningar
minnar á trúverðugleika herra
Berezovskíjs er að hann myndi
segja nánast hvað sem er til að
styðja mál sitt,“ sagði Elizabeth
Gloster, dómari í London, þegar
hún kvað upp dóm í deilumáli
tveggja rússneskra auðkýfinga.
Borís Berezovskíj fór á síðasta
ári í mál við Roman Abramovich,
eiganda breska knattspyrnu-
liðsins Chelsea, fyrir að hafa með
hótunum og fjárkúgun þröngvað
sér til að selja hlut sinn í rússneska
olíufyrirtækinu Sibneft langt undir
raunvirði. Hann vildi fá 4,7 millj-
arða punda í skaðabætur, jafnvirði
rúmlega 911 milljarða króna.
Dómarinn sagðist ekki sjá að
neitt væri hæft í ásökunum Bere-
zovskíjs, og sagði hann „tilkomu-
lítið og í eðli sínu óáreiðanlegt
vitni, sem lítur á sannleikann sem
hverfult og sveigjanlegt hugtak,
sem hægt er að steypa í það mót
sem hentar tilgangi hans núna“.
Berezovskíj hristi höfuðið hvað
eftir annað meðan Gloster dómari
las upp dómsúrskurðinn.
„Ég er algerlega furðu lostinn
yfir því sem hefur gerst hér í
dag,“ sagði hann við blaðamenn.
„ Stundum finnst mér eins og Pútín
sjálfur hafi skrifað þennan dóm.“
Berezovskíj flúði frá Rússlandi
árið 2000, eftir að Vladimír Pútín
hafði tekið við forsetaembættinu
af Borís Jeltsín, og hefur síðan
verið í sjálfskipaðri útlegð í Bret-
landi.
Berezovskíj hafði gert það gott
á Jeltsín-árunum, var í innsta
hring stuðningsmanna Jeltsíns og
græddi á tá og fingri. Hann gerðist
hins vegar fljótt andsnúinn Pútín
og hefur ítrekað sakað Pútín um
hafa bruggað sér launráð.
Hann naut á sínum tíma stuðn-
ings og vináttu rússneska njósnar-
ans Alexanders Litvinenkó. Sá hélt
því fram að yfirmenn í rússnesku
leyniþjónustunni hefðu skipað sér
að myrða Berezovskíj árið 1998.
Litvinenkó lést úr póloneitrun
í London árið 2006 og hafa Bere-
zovskíj og fleiri haldið því fram
að Pútín hafi staðið á bak við það
morð. Faðir Litvinenkós, sem býr á
Ítalíu, telur hins vegar að það hafi
verið Berezovskíj sem lét myrða
Litvinenkó.
Berezovskíj og Abramovich
voru einnig góðir vinir í Rússlandi
meðan viðskipti þeirra blómstruðu
á Jeltsíntímanum. Þeir búa báðir í
London. gudsteinn@frettabladid.is
Ekkert mark tekið á
Berezovskíj í London
Dómari í London segir ekkert hæft í ásökunum Borís Berezovskíjs á hendur
öðrum rússneskum auðkýfingi, Roman Abramovich. Berezovskíj hristi hausinn
ítrekað og sagði engu líkara en að Pútín Rússlandsforseti hefði skrifað dóminn.
BORÍS BEREZOVSKÍJ Vildi fá skaðabætur frá Roman Abramovich fyrir að hafa haft af
sér stórfé með hótunum. NORDICPHOTOS/AFP
AÐEINS Í DAG!
CUBE VEGGLJÓS
VERÐ ÁÐUR 12.900,- NÚ 7.800,-
lýsir upp og niður
40%
kíktu inn á www.pfaff.is
Pfaff // Grensásvegi 13 // Sími 414 0400
Opið í dag, laugardag kl. 11-16.
40-70%
Rýmingarsala
Korputorgi
Ég er algerlega furðu
lostinn yfir því sem
hefur gerst hér í dag.
BORÍS BEREZOVSKÍJ
AUÐKÝFINGUR