Fréttablaðið - 01.09.2012, Blaðsíða 89

LAUGARDAGUR 1. september 2012 61
HVAÐ? HVENÆR? HVAR?
Laugardagur 01. september 2012
➜ Opið Hús
13.00 Hið árlega opna hús verður
í Borgarleikhúsinu. Boðið verður
upp á atriði á öllum sviðum, innlit á
æfingar, skoðunarferðir, Gulleyjuratleik
og myndatökur með leikhetjum litla
fólksins. Allir velkomnir.
➜ Tónlist
11.30 Jazztríóið Hot Eskimos leikur á
árdegistónleikum á Jazzhátíð í Reykjavík
í Silfurbergi í Hörpu. Tríóið er skipað
þeim Karli Olgeirssyni, Kristni Snæ Agn-
arssyni og Jóni Rafnssyni. Aðgangseyrir
er kr. 2.500.
17.00 Norska lúðrasveitin Kirksæterö-
rens hornmusikk heldur tónleika ásamt
Lúðrasveitinni Svani í Ráðhúsi Reykja-
víkur. Tónleikarnir eru haldnir í tilefni
100 ára afmælis norsku sveitarinnar á
þessu ári. Aðgangur er ókeypis.
21.30 Þjóðlagasveitin Hrafnar heldur
tónleika í Gamla fjósinu undir Eyja-
fjöllum/The Old Cowhouse under the
Volcano eins og þeir kalla það. Tilefnið
er útgáfa 12 laga plötu með Hröfnunum
sem kallast Krunk.
22.00 Maggi Eiríks og KK verða með
tónleika og sögur úr stríðinu á Café
Rosenberg.
23.00 Kiriyama Family ásamt Mammút
spila á Græna Hattinum, Akureyri.
Aðgangur er ókeypis í boði Iceland
Airwaves.
23.00 Magnús Einarsson og félagar
skemmta á Ob-La-Dí-Ob-La-Da Frakka-
stíg 8. Aðgangseyrir er kr. 1.000.
23.00 Hljómsveitirnar Oyama, Boogie
Trouble og RetRoBot slá upp heljarinnar
veislu á Faktorý. Aðgangseyrir er kr. 500.
23.30 Rokksveit Jonna Ólafs spilar
á Kringlukránni. Sveitin sérhæfir sig í
gullaldartónlist, innlendri sem erlendri.
23.45 Gói, Halli og Leikhúsbandið
verða með tónleika í Hofi, Akureyri.
Aðgangur er ókeypis.
➜ Umræður
10.30 Vigdís Hauksdóttir alþingis-
maður verður gestur á laugardagsspjalli
Framsóknar að Hverfisgötu 33. Vigdís
ræðir um helstu áhersluatriði flokksins í
komandi kosningum. Allir velkomnir.
➜ Markaðir
12.00 Barnavörumarkaður verður
haldinn í Lifandi markaði í Borgartúni.
Opið til klukkan 16.00.
➜ Hátíðir
10.00 Hamraborginni í Kópavogi verð-
ur breytt í göngugötu og Hamraborgarhá-
tíðin haldin í þriðja sinn. Kópavogsbúar
og aðrir gestir geta gert sér glaðan dag á
útimarkaði og ýmis konar hátíðarhöldum.
➜ Upplestur
16.00 Þrjú ungskáld frá Akureyri,
Gunnar Már Gunnarsson, Gréta Kristín
Ómarsdóttir og Vilhjálmur B. Bragason,
lesa upp ljóð í Flóru, Hafnarstræti 90 á
Akureyri. Atburðurinn er hluti af afmælis-
hátíð Akureyrar. Aðgangur er ókeypis og
allir velkomnir.
➜ Sýningar
15.00 Þrjár einkasýningar verða opn-
aðar í Gerðubergi. Helgi Gíslason mynd-
höggvari sýnir þrívíð verk og teikningar,
Sigrún Ó. Einarsdóttir og Søren S. Larsen
glerlistaverk og Torfi Jónsson leturskrift
og vatnslitamyndir. Aðgangseyrir er kr.
500.
HVAÐ? HVENÆR? HVAR?
Sunnudagur 02. september 2012
➜ Málþing
14.00 Aðstandendur rannsóknar-
verkefnis til að safna, skrá og greina
íslensk skrif um myndlist frá síðustu
áratugum fjalla um verkefnið á mál-
þingi í Hafnarhúsi. Um er að ræða
samstarfsverkefni Listaháskóla Íslands,
Háskóla Íslands, Listasafns Reykjavíkur,
Listasafns Íslands, Nýlistasafnið og List-
fræðifélagið.
➜ Tónlist
16.00 Hljómsveitin Árstíðir mun heim-
sækja Merkigil á Eyrarbakka, heimili
söngvaskáldana Uni og Jóns Tryggva.
Aðgangur er ókeypis en frjáls framlög
eru vel þegin.
16.00 Andrea Jónsdóttir leikur lög
af hljómplötum á Ob-La-Dí-Ob-La-Da
Frakkastíg 8. Aðgangur er ókeypis.
18.00 Tónverk Guðlaugs Kristins Ótt-
arssonar verður flutt í Laugardælakirkju
við Selfoss. Tónleikarnir eru í tilefni
af því að 40 ár séu liðin frá einvígis-
lokum einvígis aldarinnar, þess milli
þeirra Boris Spasskíj og Bobby Fishers.
Aðgangur er ókeypis.
20.00 Peter Bortfeldt frá Þýskalandi
leikur nokkrar sónötur og fleiri verk
undir yfirskriftinni Frá landi Beethovens.
Tónleikarnir eru hluti af tónleikaröðinni
Síðsumartónleikar í Þjóðmenningar-
húsinu. Miðaverð er kr. 2.000 eða kr.
1.000 fyrir eldri borgara og nemendur.
➜ Uppákomur
15.00 Ungmennum 13 ára og eldri
boðið að þrykkja og kynnast grafík-
tækninni af eigin raun í raunverulegu
umhverfi grafíklistamanna í Hafnar-
húsinu. Frítt fyrir ungmenni undir 18
ára aldri og fyrir handhafa Menningar-
kortsins.
➜ Dansleikir
20.00 Dansleikur Félags eldri borgara
fer fram í félagsheimili þeirra að
Stangarhyl 4. Danshljómsveitin Klassík
leikur fyrir dansi.
➜ Leiðsögn
14.00 Helga Einarsdóttir safnkennari
leiðir gesti um sýninguna TÍZKA - kjólar
og korselett í Bogasal Þjóðminjasafns-
ins. Er leiðsögnin í tilefni af því að þetta
er síðasti sýningardagur sýningarinnar
og er hún áhugasömum að kostnaðar-
lausu.
Upplýsingar um viðburði sendist á
hvar@frettabladid.is
2012
Nú slekkur þú
á símanum fyrir
spurningakeppnina
á ættarmótinu
– bannað að gúggla!
Meira Ísland! Villi leggur land undir fót með
snjallsíma og spjaldtölvu og heimsækir spennandi
staði á 3G netinu.
Þegar Villi kemur á Bolafjall er ekkert skyggni til
Grænlands. Örstutt myndskeið er tekið á síma
og sett á netið til að segja frá óförunum. Þetta
er eitt af vinsælustu myndskeiðunum hans Villa.
Týpískt!
Öppin eru ómissandi í daglegu lífi. Þau
fara með út að hlaupa, í golf og á tónleika.
Íslenska gítarstilliappið Tunerific er nú í
meira en milljón símum í 202 löndum.
Í dag eru um
300 3G sendar
um allt land.
Notendur
Angry Birds orðnir
einn milljarður.
Fjórir milljarðar áhorfa á
YouTube myndskeið daglega.
Útbreiðsla 3G netsins heldur áfram
– stærsta 3G net landsins!
151.129
á 3G neti – nú fleiri
en á 2G netinu!
íslenskir notendur
Leikritið Englar alheimsins verður
sett upp í Þjóðleikhúsinu á þessu
leikári. Þorleifur Örn Arnarson
leikstýrir verkinu og skrifar leik-
gerðina ásamt Símoni Birgissyni.
Með aðalhlutverk fara Atli Rafn
Sigurðarson, Ólafur Egill Egils-
son, Jóhannes Haukur Jóhannes-
son og Snorri Engilbertsson.
„Við Símon höfum verið að fást
við þetta verkefni í töluverðan
tíma, en svona stór verk tekur
langan tíma að melta,“ segir Þor-
leifur um verkið.
Hann segir mörg vandkvæði
fylgja því að færa verk á milli
listforma og hafa þeir félagar
lagst í mikla rannsóknarvinnu
til að finna rödd í bókinni sem
gæti orðið rödd sviðsins. „Þetta
hefur verið mjög strembið ferða-
lag sem við erum núna að sjá fyrir
endanum á.“
Þorleifur býr og starfar í Berlín
þar sem hann vinnur að uppsetn-
ingu Gleðileiksins guðdómlega
eftir Dante. Englar alheimsins
verður fyrsta leikverkið sem Þor-
leifur vinnur fyrir leikhús frá því
hann lauk námi í leikstjórn í Berlín
og segist hann hlakka til þess að
bera verkið undir íslenska leikhús-
gesti í vor.
„Ég hef sett upp eigin verk í
Borgarleikhúsinu í þrígang, en
þetta er í fyrsta sinn sem ég er
ráðinn inn í verkefni. Þó ég tali
þýsku er ég alltaf útlendingur hér,
á Íslandi eru ræturnar og maður
talar öðruvísi við sína eigin þjóð.
Ég hlakka til að bera mitt leikhús
undir íslenska leikhúsgesti og sjá
hvernig sá hittingur verður,“ segir
hann að lokum.
- sm
Englar alheimsins settir á svið
SPENNANDI VERKEFNI Þorleifur Örn Arnarson setur upp Engla alheimsins í Þjóð-
leikhúsinu á þessu leikári. Meðal leikara eru Ólafur Egill Egilsson, Jóhannes Haukur
Jóhannesson, Atli Rafn Sigurðarson og Snorri Engilbertsson. FRÉTTABLAÐIÐ/VALLI