Fréttablaðið - 07.09.2012, Blaðsíða 16

16 7. september 2012 FÖSTUDAGUR
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is og Trausti Hafliðason trausti@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is DÆGURMÁL: Kjartan Guðmundsson kjartan@frettabladid.is FÓLK OG SÉRBLÖÐ: Elín Albertsdóttir elin@365.is og Vera Einarsdóttir vera@365.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
greinar@frettabladid.is
FRÁ DEGI TIL DAGS
HALLDÓR
Mér er misboðið“ var yfirskrift tölvupósts sem hjúkrunarfræð-
ingur sendi Félagi íslenskra hjúkr-
unarfræðinga þegar greint var frá því
í fréttum að velferðarráðherra hefði
ákveðið að hækka laun forstjóra Land-
spítala (LSH) um 450 þúsund krónur.
Ákvörðunina tók ráðherra án vitund-
ar formanns kjararáðs sem þó á sam-
kvæmt lögum að ákvarða laun forstjór-
ans. Hjúkrunarfræðingum misbýður
að hægt sé að hækka laun forstjórans
um rúm 20% á sama tíma og skorið
er gegndarlaust niður í þjónustunni
við sjúklinga. Útköll vegna veik-
inda starfsmanna eru fátíð, yfirvinna
bönnuð þó hún sé sannarlega oft nauð-
synleg til að tryggja örugga og góða
þjónustu, vinnustundum hjúkrunar-
fræðinga hefur fækkað um 6% frá 2007
á sama tíma og 4% fjölgun hefur orðið
á komum á LSH. Færri hjúkrunarfræð-
ingar eiga því að sinna fleiri sjúkling-
um, án hærri launa.
Til að setja þessa hækkun í sam-
hengi við þær breytingar sem orðið
hafa í þjónustu á LSH má benda á að
í byrjun sumars var göngudeild fyrir
kransæðasjúklinga lokað til að spara
sem nam rúmlega einu stöðugildi
hjúkrunar fræðings. Sú launahækkun
sem ráðherra ákvarðaði forstjóra LSH
nú, er ekki fjarri þeirri fjárhæð sem
sparaðist við lokun göngudeildarinnar!
Ráðherra réttlætti ákvörðunina með
því að forstjórinn væri ómissandi í
þeim verkefnum sem nú væri unnið að
á LSH. Forstjóranum hafði verið boðið
betur launað starf erlendis. Rétt er að
benda ráðherra á að svo mikil eftir-
spurn er eftir hjúkrunarfræðingum
í Noregi að allir íslenskir hjúkrunar-
fræðingar gætu fengið starf þar. Öllum
hjúkrunarfræðingum á LSH (og ann-
ars staðar á landinu) bjóðast því betur
launuð störf erlendis. Og allir eru þeir
ómissandi. Heilbrigðiskerfið verður
ekki rekið án hjúkrunarfræðinga.
Félag íslenskra hjúkrunarfræðinga
undirritaði kjarasamning við fjár-
málaráðherra í júní 2011. Í rúmt ár
hefur félagið reynt að klára síðari
hluta samningagerðarinnar við LSH og
aðrar heilbrigðisstofnanir, svokallaða
stofnanasamninga. Ætlar velferðarráð-
herra að ákvarða hjúkrunarfræðingum
rúmlega 20% launahækkun í stofnana-
samningum?
Mér er misboðið
Kjaramál
Elsa B.
Friðfinnsdóttir
formaður
Félags íslenskra
hjúkrunar-
fræðinga
Greiðsluaðlögun og frysting
Framsóknarflokkurinn talar til
kjósenda. Hann vill víðtækar skuld-
breytingar „þannig að afborganabyrði
sé létt og skuld lækkuð eða fryst um
tíma á meðan fólk leitar lausnar á
tímabundnum erfiðleikum“. Þá vill
hann setja lög um greiðsluaðlögun
„sem gefi einstaklingum í langvar-
andi greiðsluerfiðleikum möguleika
á því að ná stjórn á fjár-
málum sínum á ný“. Þetta vill
hann gera þar sem skuldir
íslenskra heimila hafa aukist
um einn milljarð á mánuði
í stjórnartíð núverandi ríkis-
stjórnar. „Þetta er ógnvænleg
þróun og fjölmörg heimili eru komin
í þrot!“ Allt þetta má lesa í kosninga-
auglýsingu flokksins.
Endurtekning sögunnar
Sú auglýsing birtist í dagblöðum
þann 3. apríl 1995. Þá hafði ríkis-
stjórn Sjálfstæðis- og Alþýðuflokks
setið í fjögur ár og allt tal um
hrun og brimskaflana var víðs
fjarri. Flokkurinn gæti
hins vegar endurbirt aug-
lýsingarnar nú og sparað
sér ófáar krónurnar í
endurvinnslu.
Spámaður í föðurlandi
Lofsyrðin að utan hrúgast yfir ríkis-
stjórnina fyrir árangur í efnahags-
málum. Hingað til hefur stjórnarand-
staðan ekki átt í vandræðum með að
skýra hrós Alþjóðagjaldeyrissjóðsins,
matsfyrirtækja og erlendra hagfræð-
inga, svo dæmi séu tekin,
með því að um einhvers
konar áróður ríkisstjórnar-
innar sé að ræða. Nú
hefur Jón Steinsson,
fyrrum efnahagsráðgjafi
Geirs H. Haarde, hrósað
stjórninni. Er það partur af
áróðri vinstriflokkanna?
kolbeinn@frettabladid.isA
lltof lengi hafa mál hins heimsfræga hverasvæðis í
Haukadal verið í ólestri. Átroðningur ferðamanna eykst
þar stöðugt og nú er talið að um hálf milljón manna heim-
sæki svæðið árlega. Ekki hafa verið til peningar til að
bæta aðgang, merkingar og þjónustu við ferðamenn og
þess vegna liggur þessi náttúruperla undir skemmdum eins og svo
margar aðrar víða um land. Skorti á skiltum, merktum stígum og
landvörzlu fylgir aukinheldur slysahætta.
Flókið eignarhald á svæðinu
hefur ekki hjálpað til. Ríkið á þar
rúman þriðjung á móti öðrum
landeigendum. Ríkisstofnanir og
pólitíkusar hafa um árabil staðið
gapandi ráðþrota frammi fyrir
ófremdarástandinu á Geysi, rétt
eins og við Gullfoss, í Dimmu-
borgum eða við Dettifoss, svo
fáein dæmi séu nefnd. Þrátt fyrir einfalda lausn sem er notuð víða
um heim, að rukka gesti þessara staða um aðgangseyri og nota
tekjurnar til að byggja upp þjónustu við þá, hafa okkar ástkæru
stjórnvöld gaufað fram og til baka í málinu án þess að taka nokkurn
tímann af skarið.
Þess vegna er fagnaðarefni að einkaaðilarnir sem eiga Geysi á
móti ríkinu, landeigendur í Haukadal, hafi tekið á sig rögg og stofnað
félag um uppbyggingu svæðisins. „Skipuleg uppbygging getur ekki
beðið lengur,“ segja Geysisbændur og hafa þar alveg rétt fyrir sér.
Þegar gengið var á forsvarsmenn félagsins í Fréttablaðinu í gær
um það hvort til stæði að hefja gjaldtöku á svæðinu svöruðu þeir
ofurvarlega að það yrði verkefni stjórnar félagsins að taka ákvörðun
um það. Garðar Eiríksson, talsmaður félagsins, vísar hins vegar til
kannana sem gerðar hafa verið hjá gestum við Geysi, þar sem fram
kemur að þeir eru ekki fráhverfir gjaldtöku og raunar hissa á að
ekki skuli yfirleitt vera gjaldtaka á ferðamannasvæðum á Íslandi.
Það er ekkert skrýtið, því að í löndunum sem þetta fólk kemur frá
er slík gjaldtaka regla fremur en undantekning.
Segja má að landeigendafélagið byrji á öfugum enda á viðskipta-
áætluninni þegar það áformar miklar fjárfestingar og uppbygg-
ingu á svæðinu án þess að tekjustofnarnir séu ljósir. Það liggur þó í
raun í augum uppi að aðgangseyrir er lausnin á málinu. Ferðamenn
væru jafnvel reiðubúnir að borga fyrir aðgang að Geysissvæðinu
eins og það er í dag. Kannanir hafa sýnt að sé góð þjónusta í boði,
er greiðsluviljinn enn ríkari.
Ríkið vildi ekki vera með í félagi landeigenda, sem er í fullu
samræmi við einbeitt stefnuleysi þess í málinu árum saman. Fyrir
nokkrum dögum lýsti það sig þó reiðubúið til að gera samstarfs-
samning við landeigendafélagið og í Fréttablaðinu í dag stynur tals-
maður fjármálaráðuneytisins upp fallegum orðum um að „sameigin-
legur vettvangur“ til að ræða málin sé nauðsynlegur.
Vonandi stendur ríkisvaldið að minnsta kosti ekki í vegi fyrir
því að heimamenn geri það sem gera þarf til að bjarga þessari nátt-
úruperlu og bæta aðgengið fyrir þann gríðarlega fjölda, sem langar
til að njóta hennar.
Stofnun félags um uppbyggingu við Geysi í
Haukadal er framfaraspor:
Gaufið við
Geysi á enda?
Ólafur Þ.
Stephensen
olafur@frettabladid.is
SKOÐUN