Fréttablaðið - 07.09.2012, Blaðsíða 17

FÖSTUDAGUR 7. september 2012 17
Í fréttum vikunnar var þetta helst: Til eru foreldrar sem
vilja borga mikið fyrir að vera
með barnið hjá dagmömmu. Fyrir
vikið fá sumar dagmömmur mikið
borgað. Hjá Kópavogsbæ er leitað
leiða til tækla þetta vandamál.
Því er stundum fleygt fram
að þeir sem vinni við menntun
og gæslu barna hafi of lág laun.
Auðveldlega má taka undir það að
til eru menn og konur í uppeldis-
geiranum sem eiga skilið að vera
hátekjufólk. En ef einhver á að fá
meira borgað þá þarf einhver að
borga honum meira.
Ólíklegt er að besta leiðin að
þykkara launaumslagi liggi í
gegnum tíðari og lengri verkföll
þar sem hringrás samúðar og
pirrings kjósenda þvingar stjórn-
málamenn til að hækka laun kenn-
ara og dagforeldra meira en laun
annarra. Fljótlegast væri einfald-
lega að þeir kennarar og dagfor-
eldrar sem það gætu innheimtu
sanngjarnt gjald fyrir vinnu sína.
Ræðum „sanngirni“ betur í lokin
en kannski þarf fólk bara að venj-
ast því að eyða meira í menntun og
minna í aðra hluti.
Lágtekjufólk skuluð þið vera
Fjallað var um mál dagforeldra
í Kópavogi í fréttum Stöðvar 2 á
miðvikudag. Sagan er þessi: Kópa-
vogsbær vill hækka greiðslur
sínar til dagforeldra úr 35 þús-
undum í 45 þúsund á mánuði með
hverju barni en um leið setja
hámark á það gjald sem dagfor-
eldrar innheimta af foreldrum.
Foreldrar munu sjálfir því ekki
geta borgað meira en 45 þúsund á
mánuði fyrir dagmömmu. Kópa-
vogur vill sem sagt banna for-
eldrum að borga meira en heilar
263 krónur á tímann fyrir að láta
passa barnið sitt.
Fram kom í fréttinni að í dag
væri algengt gjald foreldranna á
bilinu 45 upp í 65 þúsund krónur.
Þó væru dæmi um að gjaldið væri
90 þúsund krónur (heilar 500 kr.
á tímann), sérstaklega í hverfum
þar sem mörg börn væru en fáir
dagforeldrar. Ef þessar tölur eru
réttar þá þýðir það að tekjur ein-
hvers dagforeldris muni lækka um
meira en 150 þúsund.
Einhverjar líkur eru þá á því
að þessari manneskju þyki slík
tekjulækkun það mikil að hún
hætti bara störfum. Þar með mun
dagforeldrum fækka. Mest verða
áhrifin þar sem tekjurnar voru
hæstar, það er að segja í þeim
hverfum þar sem börnin eru mörg
en dagforeldrarnir fáir. Vandi
þeirra hverfa eykst þá enn frekar
en menn finna örugglega upp á
einhverri „aðgerðaráætlun“ til að
reyna að bregðast við þessu sjálf-
skapaða rugli.
Allir jafnir að ofan
Þótt í tísku sé að tala illa um
frjálsan markað þá gerir hann
marga hluti alveg ágætlega. Hann
er fáum öðrum kerfum betri þegar
kemur að því að hindra skort á
vörum og þjónustu. Ef það vantar
dagmömmur í eitthvert hverfi þá
verður dýrara að vera með barn
hjá dagmömmu í því hverfi. Þá
mun borga sig að gæta barna í því
hverfi. Þar með mun dagmömmum
í því hverfi fjölga. Þá eykst sam-
keppnin og verðið lækkar hugsan-
lega á ný.
Frjáls markaður fær fólk til að
forgangsraða. Menn þurfa kannski
dagmömmu mismikið, sumir
vilja borga meira fyrir að hafa
hana nær, öðrum er alveg sama.
Ef við skyldum alla dagforeldra
til að rukka sama verð þá þarf
aðrar leiðir en verðsamkeppni til
að leysa skort. Fólk mun bíða á
biðlistum. Fólk mun keyra langar
leiðir. Ætla menn að banna fólki
að keyra frá Kópavoginum upp í
Grafarvog til að fara með barnið
í daggæslu? Og ef ekki, af hverju
má þá banna fólki að borga meira
fyrir dagmömmu sem er nær?
Svo er annað. Það er látið eins
og 45 þúsund krónur séu ein-
hver suddalegur peningur, því um
menntun og umönnun barna er að
ræða. Samt hóstar enginn bifvéla-
virki á bílinn manns fyrir minna.
Sú forgangsröðun er pirrandi.
Í frétt um dagmæðurnar í
Kópavogi kom fram að bærinn
vildi leita leiða til að verðið fyrir
daggæslu yrði „sanngjarnt fyrir
báða“. Það verð sem er „sann-
gjarnt fyrir báða“ er auðvitað
það verð sem annar er tilbúinn að
borga og hinn tilbúinn að rukka.
En ekki það eina verð sem einhver
stjórnmálamaður hefur reiknað út
að henti öllum best.
Gráðuga dagmamman
Pawel Bartoszek
Stærðfræðingur
Í DAG
Kópavogur vill sem sagt banna foreldrum
að borga meira en heilar 263 krónur á
tímann fyrir að láta passa barnið sitt.
Skrípó í héraði
Skrípaleikur Gunnlaugs Sigmundssonar í Kögun er kominn
í gang í Héraðsdómi Reykjavíkur. Hápunkturinn kom strax
í upphafi, þegar Gunnlaugur lýsti yfir, að hann sjálfur væri
heiðarlegur og góður rekstrarmaður. Ég hef aldrei heyrt
neinn halda því fram. Aðkoma Gunnlaugs að Kögun var
fréttaefni á sínum tíma, meðal annars í Mogganum. Teitur
Atlason hefur ekki gert annað en að rifja upp þá umræðu.
Málaferli Gunnlaugs gegn honum eru alvarlegasta atlagan
gegn upplýsingafrelsi stjórnarskrárinnar, sem ég hef séð
um dagana. Dómaranum ber umsvifalaust að kasta skrípa-
málinu út um dyr. Framsóknarpabbinn er hneyksli.
http://jonas.is/
Jónas Kristjánsson
Kosningavetur
Nú í september verður Alþingi sett á nýjan leik. Þingmenn
munu þramma til kirkju og ef til vill fá egg eða tómat í
hausinn frá reiðum kjósendum. Vonandi komast allir stór-
slysalaust frá því.
Ég verð að viðurkenna að ég er með hnút í maganum
vegna komandi þingveturs. Ég hef ekki mikla reynslu
í þessum efnum en kosningavetur ku vera sérstakur;
baráttan enn harðari þótt menn brosi allan hringinn og
reyni að telja kjósendum trú um eigið ágæti. Þó er erfitt
að ímynda sér að baráttan geti enn harðnað. Er hreinlega
svigrúm til þess án þess að það brjótist hreinlega út hóp-
slagsmál?
http://blog.pressan.is
Margrét Tryggvadóttir
Nei við þjóðkirkjuákvæði
Í þjóðaratkvæðagreiðslunni 20. október segi ég já við
öllum spurningum nema einni – ég segi NEI aðspurður
hvort eigi að vera ákvæði um evangelíska-lútherska trú-
félagið Þjóðkirkjuna í stjórnarskránni nýju. Það er enginn
vafi í mínum huga um hvað er spurt og hvað nei-ið þýðir;
það þýðir að eitt trúfélag eigi ekki að njóta verndar, styrk-
ingar og forgangs umfram önnur trúfélög og lífsskoðanir.
Jafnvel þótt nokkuð stórt trúfélag sé.
Ríkjandi forréttindi umrædds trúfélags eru einfaldlega
gegn grundvallarhugsuninni um trúfrelsi. Það er ekki
hlutverk ríkisins að lýsa því yfir að eitt trúfélag, ein trúar-
skoðun, sé betri og réttari en önnur.
http://blog.pressan.is
Friðrik Þór Guðmundsson
AF NETINU
F
í
t
o
n
/
S
Í
A

Á Íslandi þurfa nokkur börn að takast á við ólæknandi
sjúkdóma og erfiðleika sem mörgum hinna fullorðinna
væri um megn. Öll fjölskyldan berst og þjáist með og
enginn veit hvar illvíga sjúkdóma ber næst niður. En við
getum hjálpað þessum ungu hetjum í baráttunni og
með því að kaupa Á allra vörum gloss frá Dior leggur
þú þitt lóð á vogarskálarnar!
Eftirtaldir staðir selja Á allra vörum gloss
Fríhöfnin, Flugstöð Leifs Eiríkssonar
Snyrtivöruverslanir Hagkaups um land allt
Lyf og heilsa um land allt
Lyfja um land allt
Hygea, Kringlunni og Smáralind // Sigurboginn //
Snyrtivöruverslunin Glæsibæ // Ólöf snyrtistofa,
Selfossi // Jara, Akureyri
Einnig er hægt að kaupa gloss á www.aallravorum.is
Eitt, tvö, þrjú
og það varst þú...
www.aallravorum.is