Fréttablaðið - 20.10.2012, Blaðsíða 94

20. október 2012 LAUGARDAGUR62
lifsstill@frettabladid.is
Bassaleikarinn Hólmkell
Leó Aðalsteinsson skartar
30 millimetra kefli í eyrna-
sneplunum og viðurkennir
að móðir sín sé ekki hrifin
af uppátækinu.
TÍSKA „Þetta var mjög vont til
að byrja með en svo venst þetta.
Eyrnasneplarnir er svo teygjan-
legir,“ segir Hólmkell Leó Aðal-
steinsson, bassaleikari í hljóm-
sveitinni Endless Dark, sem er
með 30 millimetra kefli í eyrun-
um, eða svokölluð „tunnel“.
Hólmkell hefur vakið athygli
fyrir stærð gatanna í eyrnasneplun-
um enda eru þau óvenju stór. Hann
kveðst oft hafa verið stoppaður úti á
götu og finnur að fólk glápir á sig en
kippir sér ekki mikið upp við það.
Hólmkell hóf stækkunarferlið á
gatinu árið 2010 með því að fá sér
venjulegt gat í eyrað. „Ég byrj-
aði á því að fá mér gat í eyrað og
svo stækkaði ég það jafnt og þétt.
Fyrstu 10 millimetrarnir voru sárs-
aukafyllstir.“
Ekki þykir æskilegt að stækka
gatið nema um 2 millimetra í einu
og verða að líða að minnsta kosti
tvær vikur á milli stækkunar.
„Maður verður að leyfa bólgunni
að hjaðna inn á milli því ef maður
gerir það ekki þá kemur bara blóð
og vesen. Þetta er þolinmæðisverk,“
segir Hólmkell og kveðst ekkert
finna fyrir gatinu núna. „Þetta
verður auðveldara því þyngri sem
lokkarnir verða en nú er ég hætt-
ur að stækka í bili. Það samt kitlar
alltaf að gera gatið aðeins stærra.“
Bassaleikarinn viðurkennir að
fjölskyldan sé ekki alltof hrifin
af uppátækinu og þá sérstaklega
móðir hans. „Ég var með útstæð
eyru sem barn og fór í aðgerð til
að laga það á sínum tíma. Mömmu
finnst synd að ég skuli vera að
eyðileggja á mér eyrun.“
Hólmkell þarf einmitt að fara
í lýtaaðgerð til að laga gatið ef
hann ákveður að fjarlægja keflið
úr eyranu í framtíðinni. „Það fer
náttúrulega eftir því hvað maður
tekur sér fyrir hendur í framtíð-
inni en ég held að ég láti nú laga á
mér eyrum eftir svona tíu ár eða
þegar ég verð pabbi.“
alfrun@frettabladid.is
Maður verður að leyfa
bólgunni að hjaðna
inn á milli því ef maður gerir
það ekki kemur bara blóð og
vesen. Þetta er þolinmæðis-
verk.
HÓLMKELL LEÓ AÐALSTEINSSON
BASSALEIKARI ENDLESS DARK
EYRNASNEPLARNIR TEYGJANLEGIR
EKKI VONT LENGUR Bassaleikarinn Hólmkell Leó Aðalsteinsson er með 30 millimetra kefli, eða „tunnel“ í eyrunum sem hefur vakið athygli vegna stærðarinnar en hann
skartar einnig um tuttugu húðflúrum víðs vegar um líkamann. FRÉTTABLAÐIÐ/STEFÁN
PRÓSENT AF TRÖNUBERJUM eru notuð í matarframleiðslu en
berin þykja oft of römm til að borða ein og sér. Trönuber innihalda mikið af
C-vítamíni og steinefnum og þykja sérstaklega góð gegn blöðrubólgu.
95
TÍSKA Grace Coddington, list-
rænn stjórnandi hjá bandaríska
Vogue, hefur ritað sjálfsævi-
sögu sem bókaforlagið Random
House gefur út þann 20. nóvem-
ber. Í bókinni segir Codding-
ton meðal annars frá árunum
sem hún starfaði sem fyrirsæta.
Móðir hennar var vön að klippa
út myndir sem hún hélt að væru
af dóttur sinni en voru í raun af
öðrum fyrirsætum. „Þegar ég
leiðrétti hana sagði hún aðeins:
„Nú jæja. Þetta er falleg mynd
þrátt fyrir það,“ og svo setti hún
myndina aftur í úrklippubókina.“
Coddington er mikill kattavin-
ur og tileinkaði hún köttum heil-
an kafla í bókinni, þar á meðal
Choupette, kettlingi hönnuðarins
Karls Lagerfeld. Talið er að Ran-
dom House hafi keypt útgáfurétt
bókarinnar á litlar 150 milljónir
króna.
Heill kafli
um ketti
SEGIR FRÁ Grace Coddington skrifar
ævisögu sína. Bókin er væntanleg í
nóvember. NORDICPHOTOS/GETTY
PHEED Samskiptavefurinn hefur laðað að sér margar stjörnur.
TÆKNI Samskiptavefurinn Pheed
hefur laðað að sér margar stjörnur
aðeins einni viku eftir að hann fór
í loftið. Paris Hilton, Miley Cyrus,
Chris Brown og Slash eru á meðal
þeirra sem nota vefinn. Þar geta
meðlimir rukkað fyrir aðganginn
að síðunni sinni, annað hvort með
áskrift eða með því að rukka fyrir
staka viðburði.
Þeir sem nota Pheed geta sett
inn texta, myndir, myndbönd og
tónlist inn á síðuna sína og jafnvel
beinar útsendingar. „Að láta fólk
borga ákveðna upphæð fyrir mynd-
band eða lag er orðið frekar úrelt.
Samskiptamiðlar í dag snúast um
að selja hluta af lífi fólks,“ sagði
einn af stofnendum síðunnar, O.K.
Kobo, í samtali við The Telegraph.
Stjörnur nota Pheed
HREINLÆTI 33% karlmanna og 20% kvenna þvo sér
ekki um hendurnar eftir að hafa lokið sér af á sal-
erninu ef marka má könnun sem pappírsfyrirtæk-
ið SCA framkvæmdi á landsvísu í Bandaríkjunum.
Enn færri karlmenn reyndust þvo sér um hendurnar
eftir að hafa hnerrað, hóstað eða meðhöndlað sorp.
Handþvottur er þó afar nauðsynlegur. Það að
skella sápu á hendurnar og smeygja þeim undir
vatnsbunu í 20 sekúndur minnkar hættu á að
dreifa sjúkdómum á við niðurgang og lungna-
bólgu. Auk þess dregur það úr líkum á sýkingu í
húð og augum og áhættu á innvortis ormum eða
flensu. Rannsóknir hafa meira að segja leitt í
ljós að reglulegur handþvottur hefur haft áhrif á
alnæmissjúklinga og hjálpar þeim að halda betri
heilsu.
Handþvottur nauðsynlegur
1. Settu sápu á
hendurnar og stingdu
þeim undir vatn. Það
má vera hvort heldur
sem er, heitt eða kalt.
2. Nuddaðu höndunum
saman í 20 sekúndur.
Passaðu að nudda
alla hluta handar-
innar, líka á milli
fingranna og handar-
bakið.
3. Skolaðu hendurnar
vel undir vatns-
bununni.
4. Þurrkaðu hendurnar
með hreinu hand-
klæði eða bréfi.
HVERNIG Á AÐ
ÞVO HENDUR
MIKILVÆGT Rann-
sóknir sýna að
alltof margir yfirgefa
salernið án þess
að þvo sér um
hendurnar.