Fréttablaðið - 20.10.2012, Blaðsíða 105

LAUGARDAGUR 20. október 2012 73
FÓTBOLTI Tottenham tekur á móti
toppliði Chelsea á White Hart
Lane í hádeginu í stórleik helgar-
innar í ensku úrvalsdeildinni en
bæði lið hafa verið á miklu skriði
að undanförnu. Tottenham hefur
unnið fjóra síðustu deildarleiki
sína og Chelsea er með fjögurra
stiga forskot á toppnum eftir að
hafa náð í 19 af 21 mögulegu stigi
í fyrstu sjö umferðunum.
Gylfi Þór Sigurðsson hefur ekki
verið í byrjunarliðinu hjá Tot-
tenham í undanförnum tveimur
deildarleikjum á móti Manchester
United og Aston Villa en Andre
Villas-Boas veðjaði frekar á að
stilla Clint Dempsey upp í holunni
á bak við fremsta mann í þessum
tveimur leikjum. Dempsey átti
þátt í marki í báðum leikjum.
Gylfi var síðast í byrjunarlið-
inu í deildinni á móti Queens Park
Rangers en var þó tekinn út af í
hálfleik í stöðunni 0-1 fyrir QPR.
Tottenham vann leikinn 2-1 og
Gylfi hefur síðan aðeins fengið
samtals rúman hálftíma í undan-
förnum tveimur leikjum. Gylfi
hefur komið inn á fyrir Dempsey
í báðum leikjum og valið virðist nú
standa á milli þeirra.
Villas-Boas, stjóri Tottenham,
er þarna að mæta félaginu sem
rak hann fyrir aðeins níu mánuð-
um og eykur það aðeins á drama-
tíkina í kringum leikinn til viðbót-
ar við að vera Lundúnaslagur og
leikur milli tveggja liða á miklu
skriði.
Þetta er annars viðburðaríkur
laugardagur því öll „stóru“ liðin
eru að spila í dag enda Evrópu-
leikir fram undan í næstu viku.
- óój
Tvö heitustu lið ensku úrvalsdeildarinnar mætast á White Hart Lane í hádeginu:
Fær Gylfi aftur tækifæri í dag?
TVEIR GÓÐIR Gylfi Þór Sigurðsson í baráttu við Wayne Rooney. NORDICPHOTOS/GETTY
Enski boltinn um helgina
Laugardagur
Tottenham-Chelsea 11.45 S2 Sport2
Fulham-Aston Villa 14.00
Liverpool-Reading 14.00 S2 Sport2
Man Utd- Stoke 14.00 S2 Sport3
Swansea-Wigan 14.00 S2 Sport6
West Brom-Man City 14.00 S2 Sport4
West Ham-Southampt. 14.00 S2 Sport5
Norwich-Arsenal 16.30 S2 Sport2
Sunnudagur
Sunderland-Newcastle 12.30 S2 Sport2
QPR-Everton 15.00 S2 Sport2
Leikir Barcelona og Real Madrid
verða einnig í beinni í dag. Real mætir
Celta klukkan 16.00 og Deportivo La
Coruna tekur á móti Barca klukkan 20.
KÖRFUBOLTI Keflvíkingar hafa
aldrei byrjað verr í úrvalsdeild
karla en liðið er enn án stiga eftir
þrjá fyrstu leikina í Domino‘s-
deildinni eftir naumt tap á móti
KR í fyrrakvöld. Keflavíkurlið-
ið hefur reyndar tapað fjórum í
röð því liðið lá einnig í fyrsta leik
sínum í Lengjubikarnum.
Ein af skýringunum á þessu er
örugglega „fjarvera“ stórskytt-
unnar Magnúsar Þórs Gunnars-
sonar. Hann hefur aðeins skorað
18 stig á 93 mínútum í fyrstu
þremur deildarleikjunum og
hefur jafnframt klikkað á 25 af
28 þriggja stiga skotum sínum,
sem þýðir 11 prósenta nýting.
Magnús var sérstaklega slakur
á móti KR þar sem hann klikkaði
á öllum 7 skotum sínum og var
hvorki með stig né stoðsendingu
á 31 mínútu. Ef einhver kann á
takkana á Magga þá er það þjálf-
arinn Sigurður Ingimundarson
og nú er að sjá hvort gamli Maggi
Gunn kemur í leitirnar fyrir
næsta leik sem er á móti KFÍ á
Ísafirði. - óój
Skelfileg byrjun Keflvíkinga:
Hvað er að hjá
Magga Gunn?
MAGNÚS ÞÓR GUNNARSSON Hefur
aðeins skorað sex körfur í fyrstu þremur
leikjunum. FRÉTTABLAÐIÐ/STEFÁN
Verstu byrjanir Keflavíkur
í úrvalsdeild karla
(Fæstir sigrar í fyrstu 3 leikjunum)
0 sigrar - 3 töp 2012-13
1 sigur - 2 töp 1983-84
1 sigur - 2 töp 1986-87
1 sigur - 2 töp 1997-98
1 sigur - 2 töp 2006-07
1 sigur - 2 töp 2010-11
facebook.com/noisirius