Fréttablaðið - 20.10.2012, Blaðsíða 2

20. október 2012 LAUGARDAGUR2
Uppgröftur í Vestmannaeyjum
SAMFÉLAGSMÁL Til eru dæmi um
að fólk sæki um hæli hér á landi
til þess að vinna, en snúi til síns
heima ef það fær ekki undan-
þágu á dvalar- og atvinnuleyfi.
Þetta fólk ætlar að misnota kerf-
ið, segir forstjóri Útlendinga-
stofnunar.
Ákveðið hefur verið að hætta
að veita undanþágur á bráða-
birgðaatvinnu- og dvalarleyfum
til þeirra hælisleitenda sem þegar
hafa sótt um hæli í öðrum ríkjum
sem eiga aðild að Dyflinnarsam-
komulaginu. Hælisleitendur sem
eru í efnismeðferð hjá stofnun-
inni fá hins vegar þetta dvalar-
og atvinnuleyfi.
Hópur hælisleitenda mótmælti
þessum breytingum við innanrík-
isráðuneytið á fimmtudag.
„Við erum að snúa aftur til
þess að fara eftir lögunum,“ segir
Kristín Völundardóttir, forstjóri
Útlendingastofnunar.
Kristín segir lögin heimila
Útlendingastofnun að gefa út
bráðabirgðaleyfi til hælisleitenda
„að því gefnu að ekki liggi fyrir
ástæður sem geta leitt til brott-
vísunar, ekki leiki vafi á hver
umsækjandi er, tekin hafi verið
hælisskýrsla og
viðkomandi sé
ekki í þessum
Dyflinnarfasa,“
segir Kristín.
Á r ið 2 0 0 8
hafi hins vegar
ver ið tek i n
ákvörðun um
að ýta þessum
skilyrðum til
hliðar vegna
fjölgunar hælisleitenda, fjár-
skorts og skorts á vinnuafli. Nú
hefur verið ákveðið að snúa til
baka.
Kristín segir að mál hælisleit-
enda sem falla undir Dyflinnar-
samkomulagið hafi verið sett í
forgang hjá stofnuninni og nú sé
svo komið að afgreiðslutími sé
tveir til þrír mánuðir.
Umræddur hópur komi því
líklega ekki til með að vera hér
á landi í langan tíma og engar
forsendur séu fyrir því að veita
leyfi.
Þá sé það ábyrgðarlaust af
hálfu Útlendingastofnunar að
gefa út atvinnuleyfi á einstak-
linga sem ekki sé vitað hverjir
séu. - þeb
Forstjóri Útlendingastofnunar segir dæmi um að fólk sæki um hæli hér til þess eins að fá atvinnuleyfi:
Segir ábyrgðarlaust að gefa út atvinnuleyfi
KRISTÍN
VÖLUNDARDÓTTIR
METÁR HJÁ FERJUNNI Forsvarsmenn
Herjólfs telja líklegt að farþegafjöldi
muni ná 300 þúsund í ár.
FRÉTTABLAÐIÐ/ÓSKAR P. FRIÐRIKSSON
SAMGÖNGUR Farþegafjöldi Herj-
ólfs hefur aldrei verið meiri. Á
þriðjudag var met síðasta árs
slegið, en þá höfðu alls 267.476
farþegar farið með Vestmanna-
eyjaferjunni það sem af er ári,
en allt árið í fyrra voru farþegar
267.448 talsins.
Í tilkynningu frá Herjólfi segir
að heildarfjöldi farþega muni lík-
lega nálgast 300 þúsund í ár, ef
fram fer sem horfir.
Tvennt kemur helst til sem
skýrir fjölgun farþega; annars
vegar góð siglingaskilyrði í Land-
eyjahöfn og hins vegar hrein
fjölgun fólks sem ferðast til og
frá Eyjum. - sv
Alls 267.476 farþegar siglt:
Nýtt fjöldamet
hjá Herjólfi
BRETLAND, AP Pakistanska stúlkan Malala Yousufzai
er á hægum batavegi á sjúkrahúsi í Bretlandi, en
þangað var hún flutt eftir að hún varð fyrir skotárás
í heimabæ sínum í Pakistan.
„Hún virðist skilja hluti, hún hefur stjórn á hreyf-
ingum sínum, hún getur skrifað,“ segir Dave Rosser,
yfirlæknir á sjúkrahúsinu í Birmingham. „Allt bend-
ir til þess að hún átti sig á því af hverju hún er hér.“
Yousufzai er fimmtán ára gömul. Hún hefur árum
saman barist fyrir skólagöngu stúlkna og opinber-
lega gagnrýnt talibana sem um skeið fóru með völd-
in í Swat-dalnum í Pakistan þar sem hún býr.
Almenningur jafnt sem stjórnvöld í Pakistan
hefur harðlega fordæmt skotárásina á hana. Hún
fékk skot í höfuðið og læknar segja enn mikla óvissu
ríkja um það hvort hún kemst til fullrar heilsu á ný.
Að baki árásinni stóðu pakistönsk samtök sem
kenna sig við talibana og hafa starfað bæði með
afgönsku talibanahreyfingunni og samtökunum Al
Kaída.
Útilokað þykir að þessi samtök hafi notið stuðn-
ings eða velvilja leyniþjónustu eða hers Pakistans,
þar sem þau líta á stjórnvöld og her Pakistans sem
sinn erkióvin. - gb
Læknar segja að Malala Yousufzai sé á hægum batavegi eftir skotárásina:
Heilastarfsemin virðist eðlileg
MALALA YOUSUFZAI Læknar í Bretlandi segja enn mikla óvissu
um það hvort hún kemst til fullrar heilsu á ný. FRÉTTABLAÐIÐ/AP
NORÐURÁ Bjarni Júlíusson, formaður
SVFR, veiddi fyrsta laxinn í Norðurá
síðastliðið sumar. FRÉTTABLAÐIÐ / GVA
VEIÐI Veiðifélag Norðurár hefur
hafnað ósk Stangaveiðifélags
Reykjavíkur (SVFR) um lækkun á
leiguverði.
SVFR hefur verið með ána á
leigu í 66 ár. Síðastliðið vor var
tveggja ára samningur undir-
ritaður en samkvæmt honum átti
leigan að hækka um 20 prósent um
áramótin.
Eftir aflabrest í sumar vildi
SVFR semja upp á nýtt en samn-
ingar tókust ekki. Ákveðið var að
stytta nýgerðan samning um ár
og rennur hann því út eftir eitt ár.
Ekki er ólíklegt að áin verði þá
boðin út og fari svo segir Bjarni
Júlíusson, formaður SVFR, öruggt
að félagið muni skila inn tilboði.
- th
Norðurá líklega boðin út:
Ósk SVFR um
lækkun hafnað
Handtekinn hjá Eimskip
Hælisleitandi var handtekinn
snemma í gærmorgun á svæði Eim-
skips í Sundahöfn. Talið er að mað-
urinn hafi ætlað að reyna að komast
um borð í flutningaskip sem fór til
Bandaríkjanna í gær.
Ránstilraun um miðjan dag
Lögregla handtók um miðjan dag í
gær mann í miðborginni sem sakaður
var um að hafa reynt að ræna vegfar-
anda í Hafnarstræti. Hann fór síðan
inn í ólæstan bíl og gramsaði í tösku.
Maðurinn, sem mun hafa verið mjög
ölvaður, var færður í fangageymslu.
LÖGREGLUFRÉTTIR
María, skilja Danir ekki baun?
„Jú, þeir skilja baun en eru bara
aðeins að misskilja íslenska stúd-
entsprófið.“
María Ósk Bender er flutt til Danmerkur
en fær ekki að hefja meistaranám vegna
þess að hún lauk ekki átján einingum
í dönsku í framhaldsskóla hér heima.
Menntamálaráðuneytið hér heima
kannar nú hvort Danir eru að mismuna
Maríu.
Ráðin kosningastjóri
Andrea Ólafsdóttir, sem í ár bauð
sig fram til embættis forseta Íslands,
hefur verið ráðin kosningastjóri
Dögunar. Þá kemur fram í tilkynn-
ingu frá framboðinu að Friðrik Þór
Guðmundsson blaðamaður hafi verið
ráðinn ritstjóri hjá Dögun.
STJÓRNMÁL
Afhending að ári
Búseti hefur samið við verktakafyrir-
tækið GG-Verk um byggingu 18 íbúða
í Austurkór í Kópavogi. Íbúðirnar
verða í þremur litlum fjölbýlishúsum.
Í gær var skrifað var undir samning
og fyrsta skóflustungan tekin að
húsunum, en stefnt er að afhendingu
fyrstu íbúðanna næsta haust.
FRAMKVÆMDIR
SPURNING DAGSINS
AÐEINS Í DAG!
LIVING COLORS LAMPI
VERÐ ÁÐUR 22.900,- NÚ 9.900,-
kíktu inn á www.pfaff.is
Pfaff // Grensásvegi 13 // Sími 414 0400
Opið í dag, laugardag kl. 11-16.
57%
MENNINGARMÁL „Þetta hvílir á
mér,“ segir Gerður G. Sigurðar-
dóttir úr Vestmannaeyjum. Verið
er að grafa upp íbúðarhús Gerðar
sem hvarf undir fimmtán metra
lag af vikri í Vestmannaeyjagos-
inu aðfaranótt 23. janúar 1973.
Byggja á skála yfir hús Gerð-
ar sem vera á miðpunktur í gos-
minjasafninu Eldheimum. Allt á að
vera tilbúið fyrir fjörutíu ára gos-
lokahátíð á næsta ári.
Gerður segir eiginmann sinn,
Guðna Ólafsson heitinn, hafa lagt
mikla áherslu á að hús þeirra á
Gerðisbraut 10 yrði vel byggt og
ekkert til þess sparað. Um einu og
hálfu ári fyrir gos hafi húsið verið
komið í toppstand. Örlaganóttina
miklu voru synir þeirra, sjö og
fimm ára og sá þriðji í vöggu,
sofnaðir þegar hún sá mikla birtu
í austurglugga.
„Þegar ég dró frá var komin
þessi feikna eldsúla. Ég kallaði
í manninn minn og það voru for-
réttindi hjá okkur að fá að sjá jörð-
ina opnast eins og rennilás aðeins
fjögur hundruð metra frá okkur
og steina og torf flygsast og þjóta
upp í loftið,“ lýsir Gerður því sem
blasti við þeim hjónum.
„Vá, er komið aftur gamlárs-
kvöld,“ lagði fimm ára sonur
þeirra til málanna þegar flótti
var undirbúinn í skyndingu. „Við
vorum bara búin að búa í húsinu
tipp-topp í eitt ár og hálft ár. Þó ég
hafi verið ofsalega hrædd þá hafði
reiðin vinninginn,“ segir Gerður
um það tilfinningaflóð sem fór um
hana er fjölskyldan neyddist til að
flýja heimilið.
„Þegar ég opnaði útidyrnar og
sá eldinn og súlurnar upp í loftið
Grafa goshús upp og
byggja hvolfþak yfir
Gerður G. Sigurðardóttir varð öskuill þegar eldgos gleypti nýja húsið hennar
í Vestmannaeyjum fyrir 39 árum. Nú er verið að grafa húsið upp. Það verður
miðpunktur gosminjasafns. Forréttindi að sjá jörðina opnast, segir Gerður.
Gerðisbraut 10
Kraftur er nú í uppgreftri
húss Gerðar G. Sigurðar-
dóttur og Guðna Ólafs-
sonar heitins. Til þess
er tekið hversu heilleg
málningin er á húsinu.
þá hugsaði ég með mér; „Nú hljót-
um við að deyja þarna á tröppun-
um.“ Það er kraftaverk að enginn
skyldi farast,“ segir Gerður.
Uppgröfturinn hefur nú stað-
ið með hléum í nokkur ár. Sum-
arið 2010 stakk Gerður sér inn
um þvottahúsgluggann á húsinu
með einum sona sinna og dótt-
ur. „Manni varð um að sjá heim-
ili sitt yfirgefið eftir allan þenn-
an tíma. Ég saknaði þess að hafa
ekki manninn með. Það vantaði
hann,“ segir hún en kveðst sátt
við að hafa leyft uppgröftinn. „Nú
er ég mjög ánægð vegna þess að
ég hafði rétt fyrir mér; húsið mitt
stendur.“ gar@frettabladid.is
MYND/ÓSKAR P. FRIÐRIKSSON