Fréttablaðið - 07.12.2012, Blaðsíða 8

7. desember 2012 FÖSTUDAGUR| FRÉTTIR | 8
Hagtak bauð lægst í stækkun hafnarsvæðisins
2 GRINDAVÍK Hafnar-svæðið í Grindavík
verður stækkað um
sjö þúsund fermetra á
næstunni, en á dögunum
var tilboð Hagtaks um
landfyllingu og stækkun
á svokölluðum Suður-
garði samþykkt. Á vef
Víkur frétta segir að fimm
önnur fyrirtæki hafi
boðið í verkið, en Hagtak
hafi boðið lægst, rúmar sjö milljónir. Kostnaðaráætlun nam tíu
milljónum króna. Með landfyllingunni telja bæjaryfirvöld að hægt
verði að skapa framtíðarmöguleika, meðal annars til aukinna vöru-
flutninga og löndunar stærri fiskiskipa.
Vill byggja tuttugu
smáhýsi í Tungudal
1ÍSAFJÖRÐUR Hugmyndir eru uppi um að byggja
tuttugu smáhýsi í Tungudal í
Ísafjarðarbæ. Bæjarins Besta
á Ísafirði segir Guðmund
Tryggva Ásbergsson hafa sótt
um leyfi fyrir húsunum til
bæjaryfirvalda, en Guðmundur
vonast til þess að fá að reisa
tuttugu smáhýsi sem hvert
um sig er fimmtán til tuttugu
fermetrar að stærð og með
svefnrými fyrir þrjá til fjóra.
Allt að 80 manns ættu því að
geta gist í húsunum.
MYND/LOFTMYNDIR
214 frásögnum
haldið til haga
3SEYÐISFJÖRÐUR Frásagna-safnið á Seyðisfirði geymir
nú 214 frásagnir sem safnað
hefur verið meðal Siglfirðinga
síðustu tvö ár. Frásagnirnar
eru teknar upp á myndband
og eru meðal annars geymdar
á bókasafni bæjarins. Þær
eiga að gefa heildstæða
mynd af samfélaginu. Í frétt
Austurgluggans er haft eftir
aðstandendum verkefnisins að
um einstaka samtímaheimild
sé að ræða sem bregði einnig
upp mynd af gangi tímans og
samspili kynslóðanna.
ÞÚ GETUR GERT KRAFTAVERK Í DAG
Með hreinu vatni g efur þú betri heilsu, menntun og bjarta framtíð.
Þú getur hjálpað núna með því að
greiða valgreiðslu í heimabanka
Einnig:
frjálst framlag á framlag.is
gjafabréf á gjofsemgefur.is
907 2003 styrktarnúmer (2.500 kr.)
söfnunarreikningur:
0334-26-50886, kt. 450670-0499
GEFÐU GJÖF SEM
SKIPTIR MÁLI
PI
PA
R\
TB
W
A
-
SÍ
A
-
12
32
39
DANMÖRK Marianne Jelved tók í gær við embætti
menningarráðherra í Danmörku eftir að Uffe
Elbæk sagði af sér í kjölfar hneykslismáls.
Elbæk er legið á hálsi fyrir að hafa haft óeðli-
leg tengsl við fjöllistaskólann AFUK, þar sem
hann var áður stjórnarmaður og eiginmaður hans
starfaði. Bæði fékk skólinn sex milljónir danskra
króna á fjárlögum í ár til að stofna nýjan skóla
sirkuslista og eins greiddi Elbæk fulltrúum skól-
ans þóknun fyrir að standa fyrir skemmtunum á
vegum ráðuneytisins.
Loks eru sett spurningarmerki við ráðningu á
eiginmanni Elbæks til AFUK, en ekki var auglýst í
stöðuna á sínum tíma. Ríkisendurskoðun mun gera
úttekt á málinu.
Elbæk, sem er þingmaður Einingarlistans,
sagðist ekkert hafa gert rangt, og Helle Thorning-
Schmidt forsætisráðherra segist ekki hafa þrýst á
hann að segja af sér. Elbæk segir allt liggja uppi
á borðum og hann hafi ákveðið að segja af sér til
að verja hagsmuni ríkisstjórnarinnar og vernda
einkalíf fjölskyldu sinnar. - þj
Skipt um menningarráðherra í Danmörku eftir ásakanir um frændhygli:
Sagði af sér eftir sirkushneyksli
HASAR Í HÖLLINNI Uffe Elbæk sagði af sér ráðherraembætti
eftir að hafa verið vændur um frændhygli vegna framlaga til
listaskóla sem hann stofnaði og eiginmaður hans starfar hjá.
DÓMSMÁL Vitnaleiðslum í Vafn-
ingsmáli sérstaks saksóknara lauk
um hádegisbil í gær. Alls komu 33
vitni fyrir dóminn, auk sakborn-
inga, á þeim þremur dögum sem
réttarhöldin stóðu í vikunni.
Í málinu eru Lárus Welding,
fyrrverandi forstjóri Glitnis, og
Guðmundur Hjaltason, fyrrverandi
framkvæmdastjóri fyrirtækjasviðs
bankans, ákærðir fyrir umboðs-
svik með því að hafa ákveðið að
lána Milestone tíu milljarða í
febrúar 2008.
Karl Wernersson, fyrrverandi
aðaleigandi og stjórnarformað-
ur Milestone, kom fyrstur fyrir
dóminn í gærmorgun. Hann átti
upphaflega að mæta á þriðjudaginn
en lét ekki sjá sig sem varð til þess
að dómari gaf út formlega vitna-
kvaðningu á hendur honum.
Við upphaf þinghaldsins í gær
krafði Símon Sigvaldason héraðs-
dómari Karl um skýringu á fjar-
verunni á þriðjudag. Karl svaraði
því til að hann hefði einfaldlega
verið upptekinn þann dag. Símon
minnti hann á að vitnaskylda gengi
framar öðrum hversdagslegum
skyldum.
Í kjölfarið var Karl spurður út í
aðkomu sína að Vafningsmálinu en
gat litlu sem engu bætt við það sem
þegar hafði komið fram í málinu.
Ýmist fólst vitnisburður hans í að
staðfesta hin og þessi skjöl eða þá
að bera við að hann myndi ekki
eftir því sem spurt var um.
Næst komu fyrir dóminn fjórir
starfsmenn sérstaks saksóknara
sem verjendur þráspurðu um rann-
sókn málsins, augljóslega til að
reyna að draga fram það sem þeir
töldu vankanta á henni.
Jafnframt voru þeir spurðir
um athugun sem þeir gerðu á því
hvort það hefði spillt rannsókninni
að tveir aðalrannsakendur málsins
hefðu samhliða starfað fyrir þrota-
bú Milestone. Niðurstaða þeirra
var að svo væri ekki.
Einnig kom fyrir dóminn starfs-
maður skilanefndar Glitnis, sem
upplýsti að Vafningslánið stæði nú í
um sextán milljörðum og ekki væri
útlit fyrir að nema um einn millj-
arður af því mundi innheimtast.
Síðasta vitnið var Guðmundur
Haukur Gunnarsson, annar þeirra
sem kallaðir hafa verið aðalrann-
sakendur málsins. Hann sætir nú
rannsókn, ásamt Jóni Óttari Ólafs-
syni, fyrir að hafa selt þrotabúi
Milestone trúnaðarupplýsingar
sem aflað var við rannsókn saka-
málsins.
Guðmundur gerði reyndar mjög
lítið úr sínum þætti í rannsókninni.
Hann kvaðst aðallega hafa verið í
öðrum málum, en „á hliðar línunni
í Vafningsmálinu“, sem hefði fyrst
og fremst verið á könnu Jóns
Óttars. Sjá mátti Hólmstein Gauta
Sigurðsson, saksóknara í málinu,
flissa og hrista hausinn undir þess-
um vitnisburði.
Guðmundur Haukur vildi ekki,
frekar en Jón Óttar á þriðjudag, tjá
sig nokkuð um málið sem til rann-
sóknar er á hendur þeim.
Á mánudag munu saksóknari
og verjendur flytja mál sitt. Gert
er ráð fyrir að það taki um sex
klukkustundir.
stigur@frettabladid.is
Þráspurt um
hæfi rann-
sakendanna
Verjendur í Vafningsmálinu spurðu ítrekað um at-
hugun sem gerð var á því hvort rannsókn málsins
hefði spillst þegar rannsakendurnir fóru að vinna
fyrir þrotabú Milestone. Vitnaleiðslum lauk í gær.
MÆTTUR Karl Wernersson skrópaði á þriðjudag en mætti í gær. Hann hafði ekki frá
miklu að segja. FRÉTTABLAÐIÐ/GVA
LANDIÐ
1
2
3