Fréttablaðið - 07.12.2012, Blaðsíða 74

7. desember 2012 FÖSTUDAGUR| SPORT | 54
KÖRFUBOLTI Kobe Bryant náði merkum áfanga í NBA-deildinni í
fyrrakvöld þegar hann skoraði sitt 30.000 stig í deildinni frá upp-
hafi. Bryant, sem er 34 ára gamall, er sá yngsti sem
kemst yfir 30.000 stig í sterkustu körfuboltadeild
heims.
Kareem Abdul-Jabbar er stigahæsti leikmaður
allra tíma, en hann skoraði alls 38.387 stig á 20 ára
ferli í deildinni.
Karl Malone kemur þar næstur með 36.928 stig,
en hann lék í 19 ár í deildinni. Michael Jordan er
þriðji í röðinni með 32.292 stig. Wilt Chamberlain
skoraði 31.419 stig á 14 ára ferli.
Bryant er sá yngsti sem kemst yfir
30.000 stigin. Chamberlain var 35
ára, Abdul-Jabbar og Malone voru
báðir 36 ára og Jordan var 38 ára.
Þrír leikmenn sem eru á lista yfir
20 stigahæstu leikmenn allra tíma
í NBA-deildinni eru enn að skora
stig; Bryant, Kevin Garnett og
Dirk Nowitzki.
„Satt best að segja veit ég ekki
af hverju ég legg enn hart að mér
eftir 17 ár í deildinni. Ég hef enn
gaman af því sem ég er að gera,
og ég er stoltur yfir að geta sagt
að ég legg mig alltaf fram við
það sem ég geri,“ sagði Bryant,
sem hefur leikið með Los Ange-
les Lakers frá því að hann kom
inn í NBA-deildina árið 1996.
Bryant hefur skorað tæp-
lega 28 stig að meðaltali í leik í
vetur en á ferlinum hefur hann
skorað 25,4 stig að meðaltali
í leik. Hann er rétt rúmlega
8.000 stigum frá metinu sem er
í eigu Kareem Abdul-Jabbar,
sem skoraði 38.387 stig á 20 ára
ferli sínum.
Ef Kobe Bryant heldur meðal-
tali sínu næstu fjögur árin á
hann möguleika á að verða stiga-
hæsti leikmaður allra tíma í NBA-
deildinni.
Kobe Bryant í metabækurnar
Lakers-maðurinn þarf fjögur góð tímabil til þess að ná stigameti Kareem Abdul-Jabbar.
1. Kareem Abdul-jabbar
38,387 stig (20 tímabil)
Milwaukee Bucks
(1969/70– 1974/75)
Los Angeles Lakers
(1975/76– 1988/89)
2. Karl Malone
36,928 stig (19 tímabil)
Utah Jazz
(1985/86– 2002/03)
Los Angeles Lakers
(2003/04)
3. Michael Jordan
32,292 stig (15 tímabil)
Chicago Bulls
(1984/85– 1992/93)
Chicago Bulls
(1994/95– 1997/98)
Washington Wizards
(2001/02– 2002/03)
4. Wilt Chamberlain
31,419 stig (14 tímabil)
Philadelphia Warriors
(1959/60– 1961/62)
San Francisco Warriors
(1962/63– 1964/65)
Philadelphia 76ers
(1964/65– 1967/68)
Los Angeles Lakers
(1968/69– 1972/73)
5. Kobe Bryant
30,016 stig (17 tímabil)
Los Angeles Lakers
(1996/97– )
➜ Stigahæstu leik-
menn allra tíma í
NBA-deildinni
Hjónin Arnar Bjarnason og Rakel Halldórsdóttir hafa verið saman í 21 ár,
eiga fimm börn og reka verslunina Frú Laugu saman. Á námsárunum á
Ítalíu kynntust þau bændamörkuðum og fyrir þremur árum létu þau þann
draum rætast að ráðast í rekstur slíks markaðar í Reykjavík. Í desember
færa þau út kvíarnar og opna útibú á Óðinsgötu.
Álitsgjafar Fréttablaðsins spá í spilin.
Bestu og verstu
plötuumslögin 2012
Ást, heiðarleiki og sanngirni
Björgunarskip eru til taks hringinn í
kringum landið – en verða þau í lagi á
ögurstundu?
250 milljóna klössun
Frábær og gómsætur jólamatur - og
einstakur í afganga.
Hægelduð svínasíða
Það er slegist um kvikmyndarétt á
íslenskum bókum en oftar en ekki
verður myndin ekki að veruleika.
Kvikmyndaréttur gengur
kaupum og sölum
Helgarblað
Fréttablaðsins
Meðal efnis núna um helgina
Helgarblað Fréttablaðsins, ómissandi hluti af góðri helgi
HANDBOLTI „Við erum að reyna að
hreinsa hugann og ætlum að koma
brjálaðar í leikinn á morgun. Við
þurfum að gleyma því sem er
búið, koma ferskar til leiks og með
hausinn hundrað prósent í lagi. Ég
hef aðeins verið að svekkja mig
á því hvernig er búið að ganga
þannig að ég held að maður þurfi
bara að byrja upp á nýtt,“ sagði
Stella Sigurðardóttir um leikinn
mikilvæga á móti Rússum á EM
kvenna í handbolta í kvöld.
Íslenska liðið tryggir sér sæti í
milliriðlum með sigri sem yrði þá
sannarlega sögulegur því íslenska
liðið hefur aldrei unnið leik á EM
og enn fremur aldrei unnið Rússa.
„Það var mjög mikil bæting á
okkar leik á móti Rúmeníu frá
því í fyrsta leiknum og nú þurfum
við bara að taka næsta skref. Við
þurfum allar að eiga toppleik til
þess að vinna Rússana. Þetta gæti
orðið fyrsti sigurinn á EM og með
honum gætum við komist í milli-
riðla. Það væri glæsilegur árangur
ef það myndi takast. Við ætlum
okkur það og höfum trúna í þetta
verkefni. Við þurfum að gefa allt í
þetta á morgun,“ sagði Stella.
Íslenska liðið tapaði stórt fyrir
Rússlandi í sextán liða úrslitunum
á HM í Brasilíu fyrir ári.
„Við eigum harma að hefna og
við hræðumst þær ekkert. Okkur
gekk ágætlega á móti þeim og ef
það er möguleiki á því að vinna
Rússana þá er það núna. Þær eru
ekkert búnar að vera að spila neitt
frábærlega á þessu móti,“ sagði
Stella og bætir við: „Það er ekki á
hverjum degi sem maður fær tæki-
færi til að slá Rússa út úr EM og
það væri glæsilegur árangur ef
það myndi takast,“ sagði Stella.
Geta slegið Rússa úr leik
Ísland kemst í milliriðil á EM með sigri í kvöld
BRJÁLUÐ Stella hefur ekki fundið sig á EM til þessa en kemur beitt til leiks í kvöld.
FRÉTTABLAÐIÐ/STEFÁN
Óskar Ó. Jónsson
ooj@frettabladid.is
Stefán Karlsson
stefank@365.is
Frá EM í Serbíu