Fréttablaðið - 17.01.2013, Blaðsíða 32

KYNNING − AUGLÝSINGNýir bílar FIMMTUDAGUR 17. JANÚAR 20134
Í byrjun sjötta áratugarins bar nokkuð á vinsældum opinna sportbíla sem fram-leiddir voru í Bretlandi. Sem banda-
rískt andsvar við þessum vinsældum
ákvað General Motors að framleiða nýjan
sportbíl fyrir Bandaríkjamenn og til varð
Chevrolet Corvette. Corvettan var hugar-
fóstur Harley Earl, yfirhönnuðar General
Motors, en hún var fyrst kynnt til leiks sem
hugmyndabíll á GM Motorama árið 1953.
Nafnið, Corvette, er komið frá Myron Scott
sem nefndi bílinn eftir sérstakri gerð af
herskipi sem ber sama nafn. Þó að fyrsta
Corvettan hafi ekki þótt mikilfengleg hvað
tæknina varðaði þótti útlit hennar einkar
fallegt enda ólíkt öllu því sem áður hafði
verið framleitt í Detroit. Um hönnun bíls-
ins sem fór í framleiðslu sá Robert McLean
sem vann undir Earl.
C2 (1963–1967)
Önnur kynslóð Corvettunnar, sem oft
hefur verið nefnd Stingray, var minni
en sú fyrsta. Sjávardýr á borð við sting-
skötu (stingray) varð hönnuðinum Larry
Shinoda að yrkisefni en hann var heillað-
ur af samhverfu stingskötunnar. Þannig
fékk hin nýja Corvetta flatan framenda og
skarplega afmörkuð bretti.
C3 (1968–1982)
Shinoda var áfram heillaður af sjávar-
líffræði við gerð þriðju kynslóðar Corvette.
Í þetta sinn byggði hann hönnun sína á
Mako Shark II hugmyndabílnum og skýrði
hana Manta Ray.
C4 (1983–1996)
Fyrir fjórðu kynslóð Corvettunnar var bíll-
inn endurhannaður algerlega í fyrsta sinn
frá árinu 1963. Framleiðsla bílsins tafð-
ist vegna gæðavandamála og því fór svo
að aðeins 43 frumgerðir af 1983 árgerðinni
voru framleiddar og voru þeir bílar aldrei
seldir.
C5 (1997–2004)
Chevrolet notaði bíla á borð við Nissan
300ZX og Mazda RX-7 sem viðmið við
hönnun á fimmtu kynslóð Corvettunnar.
C4 hafði enda ekki komið sérlega vel út
hjá gagnrýnendum í samanburði þeirra á
Corvettunni og japönskum keppinautum.
C5 þótti í alla staði taka fyrri gerðum fram
bæði að gæðum og útliti.
C6 (2005–2013)
Í sjöttu kynslóð Corvette var vélin áfram
fram í og gírkassinn aftur í líkt og í C5,
en að öðru leyti var bíllinn algerlega
nýr. Framljósin voru sjáanleg í fyrsta
sinn frá 1962, farþegarými var stækkað,
Í bílnum var nú 6,0 l vél og nýtt fjöðrun-
arkerfi.
C7 (2014- )
Sjöunda og nýjasta kynslóð Corvettunn-
ar hefur nú litið dagsins ljós en ætlunin er
að bíllinn fari í framleiðslu síðla þessa árs.
Bíllinn er nú til sýnis á alþjóðlegu bíla-
sýningunni í Detroit og stendur þar við
hlið hinnar upprunalegu Corvettu frá
árinu 1953. Ólíkt öðrum týpum dregur C7
að nokkru leyti dám af Corvette Stingray
frá 1963.
Corvettan fyllir sex tugi
Bílaframleiðandinn Chevrolet fagnar því að í ár eru liðin sextíu ár frá því fyrsti Corvette-sportbíllinn leit dagsins ljós. Á alþjóðlegu
bílasýningunni í Detroit sem nú stendur yfir eru sýndar saman fyrsta og nýjasta kynslóðin af þessum goðumlíka ofurbíl.
Chevrolet Corvette Stingray 2014 er nú til sýnis á alþjóðlegu bílasýningunni í Detroit.
Chevrolet Corvette 2005
Chevrolet Corvette
árgerð 1968.
Fyrsti Chevrolet Corvette árið 1953.
Chevrolet Corvette Stingray
Coupe frá 1963.
Chevrolet Corvette 1984.
Chevrolet Corvette 1997
Feðgarnir Rúdolf og Kristinn byrjuðu á bílnum árið 2005 og eru enn að betrum-bæta hann. En hvernig smíðar maður bíl
frá grunni?
Upphaf
Í fyrstu þarf að ákveða hvernig bíl á að smíða.
„Við byrjuðum að ná okkur í plastboddý af
Pontiac 65. Síðan smíðuðum við grind sem
boddýið passar á.“ Í kvartmílu skiptir þyngd
bíla miklu máli og því er allt gert til að gera þá
sem léttasta. „Grindin er úr krómolí-stálrörum
sem eru einstaklega þunn en sterkbyggð og um
40% léttari en ef við hefðum notað annað stál,“
segir Rúdolf.
Framhald
Það fer mikill tími og vinna í að byggja bíl frá
grunni og er að mörgu að hyggja. „Við smíðuð-
um í raun allt inn í bílinn úr áli, nema það sem
fer undir ökumanninn, en þar er allt úr stáli.
Það er út af öryggi þar sem meiri styrkur er í
stálinu, en einnig út af brunaöryggi.“
Fullkomnun
Bíllinn er ekki fyrir almennan akstur en vel
búinn fyrir kvartmílukeppni. „Við prófuðum
hann í fyrra og árið á undan en erum ekki búnir
að ná því besta sem við teljum okkur geta náð
út úr honum.“
Í kvartmílukeppni skiptir gríðarmiklu máli
að bíllinn fari beint en rási ekki á veginum. „Ef
einhver skekkja er einhvers staðar í bílnum
getur hann farið að leita til hliðar. Ef það ger-
ist í spyrnu þarf að slá af og þá er sú ferð ónýt.
Þá reyna menn að laga það, mæla út og leita að
skekkjunni. Þetta getur verið mjög tímafrekt.“
Þannig reyna þeir feðgar að fínpússa bílinn sem
enn hefur ekki farið í keppni en næsta sumar
kemur vel til greina.
Kvartmíluklúbburinn
Rúdolf er einn af stofnendum Kvartmíluklúbbs-
ins sem á og rekur kvartmílubrautina í Kapellu-
hrauni í Hafnarfirði. „Klúbburinn er kjörinn
staður fyrir menn að hittast, spjalla saman,
skiptast á ráðum og fleira. Þar er félagsheimili
og auðvitað brautin.“
Góður félagsskapur
Rúdólf hefur eignast marga vini í gegnum bíla-
áhugann og Kvartmíluklúbbinn. „Við erum
saman í þessu feðgarnir. Sonur minn er búinn
að vera hérna með mér síðan hann byrjaði að
skríða. Þetta er fyrst og síðast áhugamál. Spyrn-
urnar og keppnirnar eru minnsti hlutinn því
níutíu prósent tímans erum við á verkstæð-
inu og þar hittast menn og spjalla. Ég á nokkra
gamla vini sem hanga með mér í þessu. Það er
félagsskapurinn sem skiptir máli. Það er ekkert
gaman að vera einn að puða með bíl út í horni.“
Gríðarlega tímafrekt að smíða bíl
Rúdolf Jóhannsson bifvélavirki og sonur hans Kristinn, sem er rennismiður hjá Össuri, hafa dundað sér við smíði á eftirlíkingu af
1965 Pontiac í nokkur ár. Um er að ræða 1100 hestafla tryllitæki sem vonandi verður áberandi í kvartmílunni næsta sumar.
Hér er bíllinn að taka af stað á kvartmílubrautinni í
Kapelluhrauni í Hafnarfirði. MYND/B&B KRISTINSSON
Vélin sem er í bílnum er 1.100 hestafla 517 Pontiac-vél. MYND/GVA