Fréttablaðið - 17.01.2013, Blaðsíða 10

17. janúar 2013 FIMMTUDAGUR| FRÉTTIR NEYTENDUR | 10
Neytendur sem ósáttir eru við þjónustu iðnaðar-
manna geta snúið sér til Neytendasamtakanna. Tak-
ist ekki að útkljá deilur er hægt að skjóta málunum
fyrir þrjár mismunandi kæru- og úrskurðarnefndir.
„Sú nefnd sem langmest er leitað til er kæru-
nefnd lausafjár- og þjónustukaupa sem hýst er hjá
Neytenda stofu. Ekki þarf að greiða málskotsgjald
sem er kostur en ákvörðun nefndarinnar er hins
vegar ekki bindandi,“ segir Brynhildur Péturs-
dóttir, starfsmaður Neytendasamtakanna. Sam-
tökin vilja að þau fyrirtæki sem ekki virða úrskurð
nefndarinnar séu nafngreind opinberlega og benda
á að slíkt þekkist annars staðar á Norðurlöndum.
Úrskurðarnefnd Neytendasamtakanna, Samtaka
iðnaðarins, Meistarafélags húsasmiða, Samtaka
atvinnurekenda í raf- og tölvuiðnaði og Húseigend-
afélagsins var sett á fót 1998. Að sögn Brynhildar
hafa afar fá mál farið fyrir þessa nefnd sem hún
segir meðal annars skýrast af því að oft tekst að
leysa ágreininginn. „En erfiðustu málin snúa oft að
iðnaðarmönnum sem ekki eru í meistarafélagi.“
Árið 2010 var sett á fót ný úrskurðarnefnd, að því
er segir í frétt á vef Neytendasamtakanna. Aðild
að henni eiga Meistaradeild byggingagreina innan
Samtaka iðnaðarins, MSI, Neytendasamtökin og
Húseigendafélagið. Nefndin úrskurðar um deilumál
sem upp koma vegna viðskipta neytenda við félags-
menn MSI og varða viðskipti yfir 100.000 krónur.
Málskotsgjald er 15.000 krónur en jafnframt geta
aðilar þurft að greiða málskostnað að hámarki
100.000 krónur tapi þeir máli fyrir nefndinni.
Bent er á að kosturinn við nýju nefndina sé sá að
iðnaðarmenn sem heyra undir eitthvert meistara-
félaganna skuldbinda sig, eða því sem næst, til að
fara eftir niðurstöðu nefndarinnar auk þess sem
kaupanda eru tryggðar þær bætur sem hann á rétt á
í gegnum ábyrgðasjóð MSI.
Stundum er kvartað yfir fúski en algengast er að
kvartað sé vegna reikninga sem neytendur telja of
háa eða ekki í samræmi við það sem um var samið.
„Oft nær maður samkomulagi og iðnaðarmaður-
inn lækkar reikninginn en sumir setja strax í inn-
heimtu,“ segir Ingibjörg Magnúsdóttir, fulltrúi
leiðbeininga- og kvörtunarþjónustu Neytendasam-
takanna.
Hún leggur áherslu á að það sé beggja hagur að
gert sé skriflegt tilboð í upphafi.
ibs@frettabladid.is
Mikilvægt að gert
sé skriflegt tilboð
Neytendasamtökin aðstoða við að útkljá deilur við iðnaðarmenn. Hægt að skjóta
málum til þriggja nefnda. Viðskiptavinir kvarta vegna fúsks og hárra reikninga.
ÞJÓNUSTA Þeir sem ósáttir eru við þjónustu iðnaðarmanna
geta snúið sér til Neytendasamtakanna. FRÉTTABLAÐIÐ/VILHELMTe & kaffi verður fyrsta lífræna kaffibrennslan hér á landi. Fyrirtækið
fékk á dögunum vottun frá vottunarstofunni Túni um framleiðslu á líf-
rænu kaffi, að því er segir í fréttatilkynn-
ingu. Kaffibrennslan hóf nýlega að
framleiða kaffiblöndu úr lífrænum
kaffibaunum fyrir vörulínuna
Himneskt sem fyrirtækið
Aðföng markaðssetur.
Yfir 100 fyrirtæki og
bændur hafa hlotið
vottun til lífrænnar
framleiðslu hér á landi.
Auk þess vottar Tún nú
framleiðslu fyrirtækja
á náttúruvörum og
aðföngum til lífrænnar
framleiðslu.
TE & KAFFI FRAMLEIÐIR LÍFRÆNT KAFFI
Neytendastofa hefur vakið athygli
á innköllun á strumpaljósi/mood-
light. Í frétt á vef Neytendastofu
segir að um sé að ræða 10 cm
háan lampa með strikamerkinu
8717624274039 sem dreift hefur
verið af fyrirtækinu NORSTAR AB
í Danmörku, Svíþjóð, Noregi og
Finnlandi. Auðvelt er fyrir börn
að fjarlægja rafhlöðulokið. Bent
er á að það geti haft alvarlegar
afleiðingar kyngi börn rafhlöð-
unum. Ekki er vitað til þess að
þetta strumpaljós hafi verið selt
hér á landi. Neytendastofa biður
þá sem kunna að eiga lampa af
umræddri gerð að farga honum
á öruggan hátt eða senda hann
aftur til NORSTAR og fá endur-
greitt.
HÆTTULEG STRUMPALJÓS INNKÖLLUÐ
En erfiðustu málin snúa oft að iðnaðar-
mönnum sem ekki eru í meistarafélagi.
Brynhildur Pétursdóttir
starfsmaður neytendasamtakanna
Fæst í verslunum Hagkaups og Bónus · www.lífrænt.is
Láttu hjartað ráða
„Hnetusmjörið mitt inniheldur 99,5% hnetur
og aðeins 0,5% salt og er því í miklu uppáhaldi
hjá mér.“