Fréttablaðið - 06.02.2013, Blaðsíða 43

MIÐVIKUDAGUR 6. febrúar 2013 | SPORT | 23
FÓTBOLTI Eins og Fréttablaðið
greindi frá í gær hefur evrópska
lögreglan, Europol, komið upp
um gríðarlega spillingu í knatt-
spyrnuheiminum. Átján mánaða
rannsókn þeirra leiddi í ljós að
úrslitum hefði verið hagrætt í
680 leikjum um allan heim. Ekki
tókst það alltaf en leikmönnum
eða dómurum var þó mútað.
Rannsóknin teygði anga sína til
30 landa og Fréttablaðið spurði
Þóri Hákonarson, framkvæmda-
stjóra KSÍ, að því hvort rann-
sóknin hefði teygt anga sína til
Íslands.
„Við heyrðum aldrei neitt frá
Europol. Ég myndi telja líklegt
að við hefðum verið með í ráðum
ef þeir vildu rannsaka Ísland,“
segir Þórir sem var þá nýbúinn
að sjá fréttirnar. „Þetta er alveg
ótrúlegt. Að sama skapi er þetta
eitthvað sem menn hafa óttast í
langan tíma.“
Þó svo að Ísland hafi ekki verið
með í þessari rannsókn hafa
komið upp slík mál á Íslandi.
„Það hefur ekki komið upp mál
þar sem er hægt að segja hreint
að það hafi verið keypt þrjú stig.
Það er ekkert staðfest tilvik. Það
eru samt vísbendingar um að
slíkt hafi verið reynt á Íslandi,“
segir Þórir en KSÍ kom í veg
fyrir að Letti stofnaði 3. deildar
lið á Íslandi í fyrra með eigin
leikmönnum. Sami aðili hafði líka
lýst yfir áhuga á því að taka yfir
Grindavík.
„Hver er fjárhagslegur ávinn-
ingur af því að stofna félag á
Íslandi? Hvað er þar í gangi? Það
blasti alveg við. Svo kom upp mál
árið 2008 en leikmaður HK leit-
aði þá til leikmanns Grindavík-
ur um að hafa áhrif á gang mála.
Við erum of grandalausir
Mál tengd veðmálasvindli og hagræðingu úrslita leikja hafa komið upp hér á Íslandi síðustu ár. Framkvæmdastjóri KSÍ, Þórir Hákonar-
son, hefur miklar áhyggjur af þessari þróun. „Félögin halda að þetta eigi ekkert við á Íslandi,“ segir Þórir í viðtali við Fréttablaðið.
ÁHYGGJUFULLUR Þórir Hákonarson, framkvæmdastjóri KSÍ, hefur áhyggjur af
þróun mála. FRÉTTABLAÐIÐ/VILHELM
Það vakti mikla athygli í maí á síðasta ári þegar Lettinn Krisjanis Klavins
varð formaður FFR í 3. deildinni.
Í kjölfarið var félaginu vísað úr Íslandsmótinu á þeim forsendum að
erlendir aðilar kæmu að liðinu, atvinnumennska væri ekki leyfð í neðri
deildum Íslandsmótsins, að veðmálasvindl kynni að vera í uppsiglingu og
að félagið ætti ekki aðild að ÍSÍ.
Þá voru komnir lettneskir leikmenn til landsins sem ætluðu sér að spila
með félaginu.
Klavins var afar ósáttur við að FFR hefði verið vísað úr Íslandsmótinu
og í yfirlýsingu frá honum á þeim tíma kemur fram að hann ætli að leita
réttar síns í málinu. Af því varð aldrei og Klavins hvarf af sjónarsviðinu.
KSÍ svaraði hótunum Klavins af fullum krafti og í þeirra yfirlýsingu stóð
meðal annars: „Því miður hafa öfl svika og blekkinga skotið upp kollinum
í íþróttaheiminum síðastliðin ár og nauðsynlegt fyrir yfirvöld íþróttamála
að halda vöku sinni og standa vörð um heiðarlegan leik. Það mun KSÍ
leitast við að gera nú sem endranær. KSÍ mun standa fyrir ákvörðunum
sínum á hvaða vettvangi sem þurfa þykir og gera FIFA og UEFA viðvart um
málið.“
Lettinn sem kom til Íslands í fyrra
Grindvíkingurinn tilkynnti sínu
félagi um málið og þeir fóru með
það í okkur. Það mál var því stöðv-
að,“ segir Þórir, en báðir leikmenn
eru af erlendu bergi brotnir.
„Það var svindlari að spila á
Íslandi síðasta sumar. Það er
svo einfalt. Hann hefur játað það
fyrir rétti,“ segir Þórir, en hann
vísar þar til Erdzan Beciri, leik-
manns Víkings Ólafsvíkur.
Hann viðurkenndi að hafa
þegið tæpar 2 milljónir króna
fyrir að hafa áhrif á gang mála í
Slóveníu. Aðeins þremur dögum
síðar var hann orðinn leikmaður
Víkings.
Hvorki félagið né KSÍ vissu af
þessum dómi Beciri, sem lék 11
leiki með Víkingi í fyrra. Hann
var einnig leikmaður HK er það
mál komst upp 2008. Ekki er þó
vitað hvort hann sé HK-ingurinn
sem var tilkynntur til KSÍ vegna
þess máls.
Beciri þessi hefur viðurkennt
að hafa hagrætt úrslitum leikja í
Króatíu og hann er grunaður um
sömu iðju í fleiri löndum að því
er fram kemur í frétt fótbolti.net
á dögunum.
„Það er óhætt að segja að við
höfum áhyggjur af þróun mála
enda hafa svona hlutir verið að
gerast allt í kringum okkur. Fullt
af málum í Finnlandi og frestað-
ir leikir í Noregi vegna gruns um
svindl. Því miður er þetta úti um
alla Evrópu,“ segir Þórir ákveð-
inn og bætir við:
„Mesta hættan er sú að menn
eru allt of grandalausir. Félögin
og samfélagið halda að þetta eigi
ekkert við á Íslandi. Það er mesta
hættan. Við megum hafa áhyggj-
ur af þessu og vonandi verða
þessar nýjustu fréttir til þess að
vekja félögin og almenning til
umhugsunar um meinið.“
henry@frettabladid.is
* Ford Ka Trend Plus 3 dyra 1,2i bensín, 69 hö, beinskiptur. Eldsneytisnotkun í blönduðum akstri 4,9 l/100 km. Losun koltvísýrings CO2 115 g/km. Miðað er við grænan óverð-
tryggðan bílasamning til 7 ára og uppítökubíl / útborgun að verðmæti 950.000 kr. Tökum allar tegundir bíla upp í nýja. Hlutfallstala kostnaðar 10,78%. Brimborg og Ford
áskilja sér rétt til að breyta verði og búnaði án fyrirvara. Útbúnaður og gerð getur verið frábrugðin mynd í auglýsingu.

Brimborg Reykjavík
Bíldshöfða 6
Sími 515 7000
ford.is
Nýr FORD KA á frábæru verði frá 1.890.000 kr.
Skiptu í ferskan, fiman, ferlega skynsaman Ford Ka á
frábæru verði. Veldu sparneytinn borgarbíl og lækkaðu
rekstrarkostnaðinn. Ford Ka er líka þekktur fyrir afburða
aksturseiginleika, gott notagildi og litríkan persónuleika.
Komdu bara og prófaðu!
FRÁ
FORD KA
15.866
Brimborg Akureyri
Tryggvabraut 5
Sími 515 7050
Nýir og notaðir bílar: Söludeildir eru opnar alla virka daga kl. 9-17 og laugardaga kl. 12-16
Aukin þjónusta Bíldshöfða 6: Varahlutaverslun og verkstæðismóttaka er einnig opin laugardaga kl. 12-16
kr./mán.*