Fréttatíminn - 07.10.2011, Side 34

Samruni Vodafone
og Tals ógiltur
Samkeppniseftirlitið ógilti samruna
símafyrirtækjanna Vodafone og Tals að
fenginni þeirri niðurstöðu að samruni
þeirra myndi leiða til mikillar samþjöpp-
unar á fákeppnismarkaði og tvíkeppni á
ýmsum undirmörkuðum í fjarskiptum.
Veturinn fór seint
og kom snemma
Vetur konungur bankaði upp á
fyrir norðan með fyrra fallinu og kom
Akureyringum í opna skjöldu. Eitthvað
var um minniháttar umferðaróhöpp í
snjónum sem kyngdi niður í bænum.
Þá þurfti að hreinsa snjó af helstu fjall-
vegum fyrir norðan þar sem víða var
vetrarfærð. Slydda og rigning tók síðan
við en veturinn, sem var lengi að koma
sér burt í sumar, er greinilega til alls vís.
Katla minnir á sig
Katla lét á sér kræla þegar skjálftahrina
hófst í öskjunni aðfaranótt miðvikudags.
Hrinan er sú snarpasta frá árinu 2002.
Skjáftarnir voru margir og nokkrir fóru
yfir þrjú stig. Enginn órói fylgdi skjálft-
unum og ekki voru vísbendingar um að
meiri virkni fylgdi í kjölfarið. Veður-
stofan vaktar Mýrdalsjökul þó vandlega
enda Katla til alls líkleg.
Egg lagði þingmann
Mótmælendur létu eggjum, salerins-
pappír og ýmsu öðru matarkyns rigna
yfir alþingismenn þegar þeir gengu
frá guðsþjónustu í Dómkirkjunni yfir í
Alþingishúsið þar sem þingið var sett á
laugardagsmorgun. Göngufólkinu, sem
átti fótum fjör að launa, var illa brugðið
þegar egg hæfði þingmanninn Árna Þór
Sigurðsson í gagnaugað þannig að hann
féll í götuna. Félagar Árna komu honum
til hjálpar og studdu hann í öruggt
skjól. Árni vankaðist en gerði lítið úr
atvikinu eftir að hann náði áttum; fann
að vísu fyrir ónotum en taldi málið ekki
alvarlegt. Hann sagði jafnframt að það
væri slæmt ef mótmælin snerust um að
skemma og meiða.
Hæstiréttur skrópaði
Hæstaréttardómarar tóku allt annan
pól í hæðina en Dorrit og skrópuðu allir
sem einn og gengu þar þvert á gamla
hefð. Engin fordæmi eru fyrir því að
hæstaréttardómarar láti sig vanta við
þingsetningu og ekki hefur fengist
skýring á því hvað varð til þess að allir
dómararnir tólf forfölluðust eða fundu
gildar ástæður fyrir skrópinu. Jónas
Kristjánsson vandar dómurum ekki
kveðjurnar á bloggi sínu og veltir upp
nokkrum möguleikum fyrir fjarvist-
unum: „Auðvitað er ljóst, að þeir vildu
alls ekki mæta. Kannski af ótta við að
fá á sig egg. Kannski af fyrirlitningu
á þessu sérstaka Alþingi. Kannski af
fyrirlitningu á þingræði sem slíku. Mikil-
vægt er að þjóðin fái skýringu á hegðun
dómaranna. Nógu mörgu er haldið
leyndu, þótt áður virðulegur Hæstiréttur
sé ekki í skrípó.“
Slæm vika
fyrir Siv Friðleifsdóttur þingkonu
Góð vika
fyrir Þorvald Örlygsson, þjálfara Fram
2.846
Fjöldi gesta sem heimsótti
Hörpu að meðaltali á dag
fyrstu fimm mánuðina sem
húsið var opið.
3.157.000.000
Upphæð arðgreiðslna sem
íslenska ríkið gerir ráð fyrir
að fá frá fyrirtækjum í sinni
eigu samkvæmt fjárlaga-
frumvarpinu 2012.
84,2%
Sigurhlutfall félaganna
Kiel, Füsche Berlin og Rhein
Neckar Löwen það sem af
er þessu tímabili í þýska
handboltanum. Liðin þrjú
eru undir stjórn íslenskra
þjálfara; Alfreðs Gíslasonar
(Kiel), Dags Sigurðssonar
(Füsche Berlin) og Guð-
mundar Guðmundssonar
(Rhein Neckar Löwen) og
hafa unnið sextán af nítján
leikjum sínum.
24
Fjöldi skipta sem Davíð
Oddsson, fyrrverandi for-
sætisráðherra og seðla-
bankastjóri og núverandi
ritstjóri Morgunblaðsins,
kemur fyrir í bók Jóhanns
Haukssonar, Þræðir valdsins.
Enginn kemst með tærnar
þar sem Davíð hefur hælana
í þeim efnum.
Upprisa ársins
Fyrir örfáum vikum voru allir sem fylgjast með fótbolta búnir að afskrifa
Fram. Liðið hafði verið í fallsæti Pepsi-deildarinnar frá byrjun Íslands-
mótsins og virtist fátt annað eftir en að reka niður kross á gröf þess sem
efstudeildarliðs. Þorvaldur Örlygsson, þjálfari Fram, hélt þó baráttunni áfram
ásamt sínum mönnum. Og öllum að óvörum mokuðu Framarar ofan af sér og
rifu sig upp á grafarbakkann þegar þeir komust í fyrsta skipti upp úr fallsæti
eftir næstsíðustu umferð mótsins. Til þess að forðast fallið urðu þeir þó að
vinna síðasta leik sumarsins á móti Víkingum, sem og þeir gerðu mun öruggar
en markatalan segir til um. Enn bættist svo við tilefni til fagnaðarláta hjá
Þorvaldi og félögum í Safamýrinni þegar bresku leikmennirnir þrír, sem léku
lykilhlutverk í upprisunni, gengu frá langtímasamningum við Fram í vikunni.
Sigmundur setur Siv í skammarkrókinn
Siv Friðleifsdóttir hefur verið upp á kant og á skjön við stefnu flokksformannsins
Sigmundar Davíðs Gunnlaugssonar og enn er þrengt að henni. Í byrjun vikunnar
var kunngjört að flokksforystan hefði ákveðið að binda enda á áralanga setu
Sivjar í forsætisnefnd þingsins. Eyjan hefur heimildir fyrir því að Siv hafi haft
hug á að vera einn varaforseta Alþingis áfram og að hún hafi mótmælt útaf-
skiptingunni harkalega. Flokkssystur Sivjar, Eygló Harðardóttir, hefur verið
tekin úr viðskiptanefnd og því er nokkuð ljóst að Sigmundur Davíð er nú að
launa þeim stöllum lambið gráa fyrir að hafa farið gegn honum í þrasinu um
stjórnarráðsfrumvarpið. Syndaregistur Sivjar er ívið lengra og í raun sætir
furðu að hún skuli ekki hafa séð sér þann kost vænstan að yfirgefa flokkinn
með Guðmundi Steingrímssyni þegar hann fékk nóg.
29
Sænski þjálfarinn Lars Lagerbäck gæti orðið
29. landsliðsþjálfari Íslands ef KSÍ nær að landa
honum. Stjórnartíð Ólafs Jóhannessonar, þess
28., rennur út í dag, föstudag, eftir landsleik
Portúgals og Íslands.
vikan í tölum
varalitsstríðið heldur áfram
Ný orrusta í stríði vaskra kvenna
um hvað konum sé einna
helst hugleikið hófst í byrjun
vikunnar þegar Diljá Ámunda-
dóttir varaborgarfulltrúi svaraði
beiðni Mörtu Maríu á Smartlandi
um að leyfa lesendum sínum að
skyggnast ofan í snyrtibuddu
hennar opinberlega.
Elín Arnar
Mér finnst þetta frekar hroka-
fullt af henni verð ég að segja.
Hún hefði getað sagt bara nei
takk í einkaskilaboðum en
gerir sér þess í stað far um að
upphefja sjálfa sig á kostnað ein-
hvers annars opinberlega.
Lilja Sólveigar Þorkelsdóttir
Góð!
Sigþrúður Þorfinnsdóttir
Fyndist ekkert sérstaklega
gaman að senda bréf og fá
svarið í opnu bréfi á vefnum. Tja
nema þeim sem svarar þyki gott
að reyna að upphefja sjálfan sig
á kostnað sendanda. Eða ekki ...
markaðstorg guðanna
Netheimar fóru á hvolf þegar
fréttist að framsóknarmaðurinn
og guðfræðingurinn Páll
Magnússon hefði verið ráðinn
forstjóri Bankasýslu ríkisins.
Eva Hauksdottir
Pólitískar ráðningar, frænd-
semisráðningar, endalaus
klíkuskapur og ógeð. Vandamál
fjármálakerfisins og stjórnkerfis-
ins verða ekki leyst með því að
skipta út fólki. Hvað þarf að
gerast til að fólk átti sig á því?
Thorfinnur Omarsson
undrast tuð fólks og jafnvel
fjölmiðlafólks yfir ráðningu
á innmúruðum framsóknar-
manni í stöðu forstöðumanns
Bankasýslunnar. Spyrjið Stein-
grím J. – hann réð þessu!
Teitur Atlason
Nýráðinn forstjóri bankasýslu
ríkisins var aðstoðarmaður
Valgerðar Sverrisdóttur við
einkavæðingu ríkisbankanna.
Hann veit allt um hvernig
staðið var að sölunni. Nú verður
hann yfir öllu saman. Þetta er
skandall og við eigum ekki að
umbera þetta.
kexruglað lið
Annar þátturinn í hinni meintu
gamanþáttaröð Kexvexmiðjan
féll jafnvel í grýttari jarðveg á
Facebook en sá fyrsti og fólk dró
hvergi af sér í grimmri gagnrýni.
Gisli Asgeirsson
bíður spenntur eftir Kexvex-
miðjunni.
Óskar Páll Elfarsson
Cause of death: Kexvexmiðjan.
Gunnar Larus Hjalmarsson
Vá. Enn verri þáttur en Tríó í
sjónvarpinu núna!
Senuþjófi vefst tunga um góm
Framsóknarþingkonan Vigdís
Hauksdóttir á það til að missa
svo magnaðar ambögur út úr
sér að stundum mætti einna
helst halda að Bibba á Brávalla-
götunni væri ræðuskrifari
hennar. Með snjöllu útspili sínu
úr ræðustól Alþingis, þar sem
hún talaði um grjótkast úr stein-
húsi, náði hún að stela kvöldinu.
Illugi Jökulsson
Vigdís Hauksdóttir var að segja
að ríkisstjórnin stjórnaði í anda
anarkisma. Ég held svei mér þá
að þetta sé það allra vitlausasta
sem ég hef lengi heyrt!
Ingibjörg Stefánsdóttir
Vigdís Hauksdóttir er kona
kvöldsins ef marka má
Facebook.
Sigurður G. Tómasson
Þvílíkur snilldar hugsuður, þessi
Vigdís Hauksdóttir. Það fer
líklega ekki að koma að því að
hún setjist í helgan sand?
Sigurður Hólm Gunnarsson
Er að hugsa um að stinga höfð-
inu í steininn, kasta nokkrum
grjótum úr steinhúsum og fara
svo að sofa ...
Guðrún Ögmundsdóttir
Að standa á eigin spýtum, kasta
grjóti úr steinhúsi, setjast í
helgan sand, brytja uppá nýj-
ungum, bretta uppá hendurnar,
snúa höndum saman, tala fyrir
tómum eyrum ... þeir eru kýr-
skýrir þingmenn dagsins í dag
Stígur Helgason
ooooog þarna kom snilldin
sem ég er búinn að bíða eftir í
klukkutíma. Steinar úr steinhúsi.
Takk Vigdís.
HeituStu kolin á
Sindri Freysson fékk í vikunni bókmenntaverð-
laun Tómasar Guðmundssonar fyrir handrit að
ljóðabókinni Í klóm dalalæðurnnar. Hann sést
hér ásamt Einar Erni Benediktssyni og Jóni
Gnarr Í baksýn glittir í Davíð Stefánsson.
34 fréttir vikunnar Helgin 7.-9. október 2011