Fréttatíminn - 07.10.2011, Side 52

48 matur og vín Helgin 7.-9. október 2011
 Ítölsk rauðvín
Ástríðufull vínþjóð
Á Ítalíu er rauðvín ómissandi hluti af matarmenningunni og því eru flest ítölsk rauðvín framleidd til að
passa vel með mat, ítölskum mat. Og það fer ekkert á milli mála að ítölsk rauðvín eru frábær matarvín.
í talía er annar stærsti vínframleiðandi heims á eftir Frakklandi. Þar hafa menn verið að böggl-ast við vínframleiðslu í yfir þrjú þúsund ár og vínviðurinn vex þar eins og illgresi, úti um allt.
Ítalía nýtur þess að búa yfir öllum tegundum af
jarðvegi og loftslagi, allt frá Ölpum í norðri til sólbak-
aðra Miðjarðarhafsstranda í suðri og þar á milli teygir
fjöllótt landslagið sig suður eftir stígvélinu og leyfir
vínviðinum að vaxa í veðurmildum fjallshlíðunum.
Ítalir eru þekktir fyrir að vera ástríðufullir og til-
finningaríkir og þau einkenni koma svo sannarlega í
ljós í víngerð þeirra. Hefðbundnar ítalskar rauðvíns-
þrúgur eru frábrugðnar þrúgum annarra landa. Mest
er plantað af Sangiovese-þrúgunni og næstmest af
Barbera-þrúgunni auk fjölda annarra skemmtilega
öðruvísi þrúgna eins og Nebbiolo. Þessi mikla fjöl-
breytni þýðir auðvitað að Ítalir framleiða allar tegund-
ir rauðvína, allt frá ómerkilegu borðvíni upp í einhver
flóknustu og bestu vín í heimi.
Þrjú helstu vínsvæði á Ítalíu eru Piemonte í norð-
vestri, Toscana norður af Mið-Ítalíu og Veneto í norð-
austri.
Róm
toscana er
heimkynni
margra frábærra
rauðvína. Þar ber
helst að nefna Chianti
sem er stórt hérað og í
því eru framleidd mörg vín
sem öll bera nafnið Chianti. Þau
eru þó ekki öll frábær. Bestu vínin koma úr
miðjunni, sem nefnist Chianti Classico, en að
auki eru ágætis vín frá svæði sem nefnist Chianti
Rufina. Flest Chianti-vínin eru úr sangiovese-þrúgunni
en einhver eru blönduð. Vínið er yfirleitt, eins og betri ítölsk
rauðvín, mjög þurrt en ólíkt Piedmont-vínunum er meiri
ávöxtur í þeim og ekki eins mikil fylling en eins og flest ítölsk
rauðvín nýtur Chianti sín best með mat. Suður af Chianti-
svæðinu leynist frábært lítið svæði sem kennir sín vín við
smábæinn Montalcino. Þar ber helst að nefna Brunello Di
Montalcino sem er mikið vín og verður að fá að eldast til að
njóta sín sem best, jafnvel í tíu til tuttugu ár. Bestu kaupin
frá þessu svæði eru þó oft í Rosso di Montalcino sem er litli
bróðir Brunello og er vín sem má drekka strax.
Að lokum er ekki hægt að skilja við Toscana án þess að
nefna Vino Nobile di Montepulciano. Það eru vín sem fram-
leidd eru suðaustan við Chianti-svæðið og geta á góðum degi
jafnvel skákað bestu Chianti-vínunum. Þetta eru þó dýr vín og
eins og með Montalcino er um þessar mundir hægt að gera
frábær kaup á Rosso di Montepulciano-vínum.
Í Venoto á Norðaustur-Ítalíu eru nokkur af vinsælustu
rauðvínum landsins framleidd. Þau eru ólík stóru
þungu vínunum eins og Barolo, Barbaresco og Bru-
nello di Montalcino að því leyti að þau eru léttari
og auðveldari til drykkju og þurfa ekki að þroskast
jafn mikið og því yfirleitt tilbúin til drykkjar strax.
Vín eins og Valpolicella og Bardolino og Soave
frá svæðinu í kringum Gardavatnið og borgina
Verona, frá framleiðendum eins og Masi og Tommasi,
eru góð dæmi um vín frá þessu héraði. Sérstaklega geta
verið góð kaup í Valpolicella-vínum framleiddum með
Ripasso-aðferðinni frá þessu svæði. Það er yfirleitt tekið
áberandi fram ef vínið er framleitt með þessari aðferð. Eitt
er þó það vín frá þessu svæði sem slær öðrum við og það
er Amarone.
Amarone-vínin eru gerð úr nákvæmlega sömu
þrúgu og Valpolicella-vínin en þó með þeim
mun að aðeins þroskuðustu berin eru notuð í
Amarone-vínin og berin eru þurrkuð mánuðum
saman á strámottum áður en þau eru gerjuð,
sem verður til þess að Amarone-vín eru
mjög áfeng með mikilli fyllingu og löngu
og miklu bragði. Þetta
eru ekta vetrarvín.
Norðvestur-Ítalía eða
Piemonte státar af rauðvíns-
þrúgunni Nebbiolo sem
gefur af sér frábær vín, en
bara á þessu eina svæði.
Annars staðar í heiminum
þrífst þrúgan illa og er ósátt
við að vera ekki heima hjá
sér þar sem hún blómstrar
og verðlaunar vínbændur
með hinum frábæru Barolo
og Barbaresco sem verða
að teljast til betri rauðvína.
Hafa ber þó í huga að bæði
Barolo og Barbaresco teljast
til kröftugra rauðvína og eru
í þyngri kantinum. Þau eru
þurr, með mikla fyllingu og
yfirleitt mjög áfeng. Þau eiga
að fá að eldast í nokkur ár
og þetta eru vín sem þurfa
öndun þegar þau eru opnuð,
helst í nokkra klukkutíma
fyrir drykkju. Önnur ágætis
rauðvín frá þessu héraði
kallast Dolcetto, Barbera og
Nebbiolo. Þetta eru hvers-
dagslegri vín en Barolo og
Barbaresco en standa vel
fyrir sínu og því ákjósanlegur
kostur ef ætlunin er að fá
nasaþef af þessu góða svæði
án þess að tæma budduna.
Piemonte
Venoto
toscana
lamadoro Primitivo
Negroamaro 2010
Verð: 1.550 kr.
12%
Þetta er ágætisdæmi
um ítalskt rauðvín sem
er ávaxtaríkt og létt til
drykkjar. Það kemur
frá héraðinu Puglia
á suðausturhorni
Ítalíu (í hælnum
á stígvélinu) og
er úr þrúgunni
negroamaro sem
er einmitt sérkenni
svæðisins. Það er
létt blómalykt af
því og dökk ber í
ávaxtaríku bragðinu
sem er kröftugt
en stutt. Þetta er
fínasta hversdags-
vín á 1.500 kall til að
drekka með pitsum
og pasta.
Baroncini Rosso
di Montalcino 2009
Verð: 2.298 kr.
14%
Rosso di Montalcino er
litli bróðir Brunello di
Montalcino og oft er
hægt að gera mjög góð
kaup í þessum rosso-
vínum eins og þetta
vín ber vitni um.
Greinileg sýra og
tannín sem þó eru
í fínasta jafnvægi.
Bragð af rauðum
og dökkum berjum
og smá keimur af
lakkrís, meðal-
fylling og mjög
bragðgott. Þetta
vín hittir alveg í
mark.
tommasi Ripasso
Valpolicella 2009
Verð: 3.299 kr.
13%
Fyrir þá sem kannast við
hið frábæra Tommasi
Amarone er þetta litli
bróðir. Ripasso-aðferðin
þýðir að afgangsber úr
framleiðslu Amarone
er bætt út í Valpoli-
cella-vínin sem gefur
aukinn karakter og
gæði. Þetta vín er
auðdrukkið, með
meðalfyllingu og
örlítið ýkt bragð af
dökkum berjum sem
fellur kannski full
fljótt. Það breytir því
þó ekki að þetta er
fallegt og skemmti-
legt vín. Mætti vera
aðeins ódýrara.
Teitur Jónasson og Kristinn Grétarsson
matur@frettatiminn.is
Nú situr Heinz
Á TOPPNUM
www.aman.is • Háteigsvegur 1
Október í Ámunni
Bjórgerðarfest
...bjórgerðarverslunin þín
15% af öllu bjórgerðarefni
35% afsláttur af Canadian bjórgerðarefni
10% afsláttur af bjórgerðarvélum
Bjógerðarefni frá:
• Coopers
• Canadian
• Beermix