Fréttatíminn - 07.10.2011, Blaðsíða 68

 Plötuhorn Dr. Gunna
My head Is an animal

Of Monsters And Men
Hey!
Hér er spilað dúllulegt
varðeldarokk a la
Arcade Fire og allt á
ensku. Lagið Little Talks
hefur notið gríðarlegra
vinsælda, enda fínt lag
þótt það sé fulllíkt Home
með Edward Sharpe
& the Magnetic Zeros.
Vonandi er „næsta lag í
spilun“ ekki opnunarlag
plötunnar, Dirty
Paws. Það er enn eitt
eftir sömu uppskrift með
þessu hálfkæfða stuðópi
– Hey! – sem verður pirr-
andi gimmikk til lengdar.
Skrímsli og menn eiga
sem betur fer fleiri
tromp á hendi. Bandið
er vel spilandi og fram-
línan, Nanna og Ragnar,
mjög flott og vinaleg.
Þetta eru ungir krakkar
og gríðarlega efnilegir.
Markmiðið hlýtur samt
að vera að losa sig
við áhrifavaldana og
taka flugið á frumlegri
forsendum. Þá mætti
minnka dúlluskapinn mín
vegna og vera aðeins
meira töff.
living room Music

Two Step Horror
Svöl sósa
Þórður Grímsson og
Anna Margrét Björnsson
eru Two Step Horror
og tóku plötuna upp
heima hjá sér. Þau eru
hluti af Vebeth-hópnum,
en þar eru líka aðrar
ofursvalar sveitir eins
og The Dead Skeletons
og Singapore Sling. Þeir
sem kannast við hinn
listræna svala sem þessi
hópur stendur fyrir vita
við hverju er að búast og
Two Step Horror fer ekki
út af sporinu. Dulúð,
draumkennt andrúms-
loft, fingrasmellataktar
og Julee Cruise-legur
söngur kalla vitanlega
fram tengsl við blóma-
skeið Davids Lynch, en
groddi og fössgítar vísa
í Suicide og fiftís og
sixtísrokk. Öllu þessu
og meira til blanda þau
glæsilega saman í átta
lög, sem eru ágeng en
ljúf og síga inn eins og
heit súkkulaðisósa á
ísinn í boxi hlustandans.
Virkilega fín plata.
Strengur

Tómas R. Einarsson
Áar og vatn
Um miðbik ævinnar
fá flestir áhuga á áum
sínum. Öllu þessu fólki
sem maður er kominn af,
en man varla nöfnin á.
Maður sér þau á svart-
hvítum myndum og
getur bara ímyndað sér
hvernig hafi verið að vera
þau á allt öðru Íslandi.
Strengur Tómasar R. er
mjög óvenjulegt verk þar
sem ættfræðiáhuginn
er gerður að listaverki.
Tómas og Matthías MD
Hemstock plokka og
berja latínskotin stef sem
eru fyllt út með vatns-
hljóðum frá ættarslóðum
Tómasar, í öllum veðrum
og með fiðruðum leyni-
gestum. Þótt tónlistin sé
naumt skömmtuð er hún
merkilega áhrifarík við
réttar kringumstæður.
Þetta er metnaðarfull
útgáfa. Með fylgir dvd-
diskur þar sem verkin
hafa verið myndskreytt.
Í diskabókinni er svo
ættarsaga Tómasar rakin
með ljósmyndum. Sniðug
og skiljanleg útgáfa.
Thomas
lofar því að
þetta verði
líka líkam-
leg upplifun.
Valin besta
frumraunin
af Samtökum breskra
glæpasagnahöfunda
Eitursnjöll
og öðruvísi
„Sterk söguf lé t ta ...
dil landi skemmtileg.“
T h e G u a r d i a n
Laugardagskvöldið verður ansi líf-
legt og Pétur Jónasson, listrænn
stjórnandi músíkdaganna, lofar
sérstöku kvöldi í Reykjavík en þá
veður meðal annars nýtt tónverk
eftir Ragnhildi Gísladóttur, Hafdísi
Bjarnadóttur og Sólrúnu Sumar-
liðadóttur frumflutt í Eldborg og
á NASA troða sænskir hljóðlistar-
menn upp með miklum tilþrifum en
þeir stjórna meðal annars hljóðum
með líkamshreyfingum og Wii-
tölvuleikjabúnaði.
„Á NASA verða þessir þrír hljóð-
og vídeólistamenn,“ segir Pétur.
„Thomas Bjelkeborn var fenginn
til að koma á hátíðina og fljótlega
upp úr því lagði hann til að hann
tæki þessa tvo félaga sína, Viktor
Eriksson og Michael Larsson, með
sér. Þeir mynda saman hópinn Club
L'amour, mjög öflugt gengi hljóð- og
vídeómyndlistarmanna.“
Pétur segir þá félaga ferðast með
sýningu sína á hátíðir úti um allan
heim og að þeir hafi verið í París
um síðustu helgi. „Thomas byrjar
kvöldið á miðnætti með hljóðgjörn-
ingi sem hann kallar „extreme
noise act“. Hann stjórnar hljóðinu
með handahreyfingum og sam-
hliða þessu er vídeósýning. Þetta
er víst ævintýralega flottur hávaði
og Thomas lofar því að þetta verði
líka líkamleg upplifun; að það verði
þarna ákveðið nudd á bassasviðinu.
Hinir tveir bætast svo við eftir því
sem líður á kvöldið og þetta þróast
smám saman út í meiri danstónlist
og þá er bara nóttin fram undan hjá
þeim.“
Pétur bendir á að sú tónlist sem
þeir félagar bjóði upp á sé ekki
dæmigerð danstónlist með til-
heyrandi endurhljóðblöndunum á
popplögum. „Þeir byggja á nútíma-
tónlist og blanda henni saman við
raftónlist og við vildum endilega fá
þá hingað vegna þess að þeir koma
að tónlistinni úr annarri átt og það
er það sem gerir þetta svona sér-
stakt.“
Á laugardaginn verður maraþon-
dagskrá í Hörpu þar sem einvala-
lið íslenskra tónlistarmanna kemur
fram. Caput-hópurinn flytur meðal
annars fimm verk eftir nokkur af
fremstu tónskáldum Norðurlanda,
þar á meðal Hauk Tómasson, en
sjálfur Víkingur Heiðar er einleikari
í píanókonsert hans sem ber heit-
ið Allt hefur breyst. Ekkert hefur
breyst.
 norrænIr MúSíkDaGar 160 lIStaMenn Skrúfa frá tónaflóðI
Ævintýralega
flottur hávaði
Norrænir músíkdagar á vegum Tónskáldafélags Íslands hófust
í Hörpu á fimmtudagskvöld með tónleikum Sinfóníuhljóms-
veitar Íslands og finnskra einleikara á harmóníku og fiðlu.
Músíkdagarnir standa alla helgina og 160 listamenn munu flytja
rúmlega 60 tónverk eftir fleiri en 50 norræn tónskáld.
Thomas Bjelkeborn í ham á sviði þar sem hann stjórnar hljóðum með hreyfingum.
Þrjár konur sameina krafta sína
Ragnhildur Gísladóttir, Hafdís Bjarna-
dóttir, tónskáld og djassgítarleikari, og
Sólrún Sumarliðadóttir, tónskáld og
sellóleikari úr hljómsveitinni Aaminu,
koma saman í fyrsta sinn og heimsfrum-
flytja tónverkið Hybrid Composition
Project sem þær sömdu sérstaklega
fyrir hátíðina.
„Við leiddum þær saman, eins og það
er kallað, og báðum þær að sameina
krafta sína,“ segir Pétur. „Þær eru hver
með sinn hluta og svo verður úr þessu
einn gjörningur.“ Dagskránni í Eldborg
lýkur með tónverki kvennanna og hún
rennur svo saman við raftónlistar-
gjörninginn á NASA.
Föt Ryans
fjöldaframleidd
l eikarinn Ryan Gosling hefur gert kvenþjóðina alveg
kolvitlausa með leik sínum
í kvikmyndinni Drive sem
enn er sýnd í Sambíóunum.
Bandaríska fatafyrirtækið
Steady Clothing var ekki
lengi að uppgötva vinsældir
kappans og hefur hafið
framleiðslu á fötum sem
leikarinn klæddist í kvikmyndinni.
Silfurlitur jakki sem
Ryan klæddist í mynd-
inni hefur vakið mestu
athyglina og mun fyrir-
tækið framleiða hann í
mörg þúsund eintökum.
Hann mun koma í versl-
anir Steady Clothing í
Bandaríkjunum og á vef-
verslun þeirra um miðjan
nóvember og kosta rúm-
lega tuttugu þúsund krónur.
Lína Kanye West
slær ekki í gegn
Rapparinn og nú hönnuðurinn Kanye West frumsýndi sína
fyrstu fatalínu á tískuvikunni í París á laugadaginn var. Áhuga-
samir um tískuna höfðu beðið spenntir í marga mánuði eftir
línunni en nú segjast margir þeirra hafa orðið fyrir miklum von-
briðgum. Tískusíðan Style.com gagnrýndi kappann og sagði
það vera á við lestarslys að sjá fyrirsæturnar syndandi í alltof
stórum fatnaði. „Hver sem er getur haft áhuga á tísku en það
þýðir ekki að sá sami geti hannað hátískuklæðnað,“ segir þar.
Línan er kynþokkafull og djörf,
með nýstárlegum fatnaði, og hafa
stór nöfn á borð við Anna Wintour,
Jeremy Scott og Lindsay Lohan, sem öll
sátu á fremsta bekk á sýningunni, lýst yfir ánægju sinni með
hana. „Þetta er fyrsta fatalínan sem Kanye hannar og ég gef
honum svo sannarlega kredit fyrir hana,“ lét Anna Wintour hafa
eftir sér í viðtali við Vogue.
64 tónlist Helgin 7.-9. október 2011