Fréttatíminn - 14.01.2011, Blaðsíða 64

Helgin 14.-16. janúar 2011
Bikiníbomba
kynnir barnaföt
Bikiníbomban brjóstagóða,
Katie Price, sem kallaði
sig eitt sinn Jordan, kynnti á
dögunum nýjar fatalínur sín-
ar. Um er að ræða fatalínurn-
ar KP Baby og KP Equestri-
an. KP Baby er barnafatalína
hinnar lukkulegu ljósku en
KP Equestrian er reiðfatalína
ungfrúarinnar sem hefur
gríðarlega mikinn áhuga á
hestum. Hún á meðal annars
hest sem ber nafnið Klæð-
skiptingur. Eftir því sem næst
verður komist hlaut
fatnaðurinn góðar
undirtektir.
Katie Price gefur
ekkert eftir í stell-
ingunum þegar
ljósmyndarar eru
annars vegar.
Nordic Photos/Getty
V ið gleymum seint 50. sýn-ingunni á Fjölskyldunni,“ segir Hilmir Snær Guðna-
son, leikstjóri sýningarinnar sem
sýnd er í Borgarleikhúsinu. Kona á
miðjum aldri fékk aðsvif við upp-
haf sýningarinnar á föstudaginn
var. Uppi varð fótur og fit og kallað
var á lækni úr salnum. Ung kona
hljóp yfir þó nokkrar sætaraðir í
átt að konunni en fyrstur á staðinn
var Óttar Guðmundsson læknir.
Stöðva varð sýninguna á meðan
konan var flutt úr salnum og eftir
sat fólk í óvissu um hvað gerst hafði
þar til Hilmir Snær steig upp á
svið og lýsti því yfir að konunni liði
betur. Hann bætti svo um betur og
greindi frá batnandi líðan konunnar
í leikhléi.
Óttar Guðmundsson segir að
liðið hafi yfir konuna. „Ég stumraði
yfir henni ásamt öðrum lækni og
við fórum með hana fram og biðum
þar til sjúkrabíll kom á staðinn.
Hún raknaði úr rotinu og jafnaði sig
fljótt,“ segir hann.
Hilmir Snær segir að þetta hafi
farið betur en á horfðist í upp-
hafi en einnig að þetta væri ekki í
fyrsta sinn sem slíkt henti. „Nei,
alls ekki. Svona atvik hafa oft gerst
á ferlinum – hann er jú að lengjast.
Ég man eftir þremur tilvikum. Til-
finningin er afar sérstök og sjokk-
erandi fyrir alla, jafnt leikarana
sem fólkið í salnum. Okkur er kippt
út úr leiklistinni inn í veruleikann,“
segir hann, en þegar vel fari skaði
slíkt ekki sýningarnar. „Yfirleitt er
það þannig að leikararnir fá meiri
samkennd úr salnum og stemn-
ingin verður mjög sérstök. Það
hjálpast allir að við að gera gott úr
þessu. Í þetta skiptið vissum við að
konan var komin til sjálfrar sín og
ástandið ekki grafalvarlegt. gag@
frettatiminn.is
 leikhús AðsVif á 50. sýningu fjölskyldunnAr
„Er læknir í salnum,“ var hróp-
að upp, sýningin stöðvaðist og
tveir stukku til bjargar
„Ég stumraði yfir henni ásamt öðrum lækni og við fórum
með hana fram og biðum þar til sjúkrabíll kom á staðinn. Hún
raknaði úr rotinu og jafnaði sig fljótt.“
Úr sýningunni Fjölskyldan þar sem Sigrún Edda Björnsdóttir og Margrét Helga
Jóhannsdóttir fara á kostum. Ljósmynd/Borgarleikhúsið
Hilmir Snær,
leikstjóri
sýningarinnar,
og Óttar Guð-
mundsson
læknir.
PRÓTÍNBOMBUR!
Samkvæmt skýrslu Matís er
harðfiskur hollari en áður var talið.
Langhollasti þorramaturinn.
Fæst í Bónus
H R E I N Í S L E N S K F Æ Ð U B Ó T
Tilvalið fyrir fundinn
eða starfsmannapartýið!