Kjarninn - 22.08.2013, Síða 13

Þá benti skoðun PwC á fullnustueignum til þess að jafn­
ræðis hefði ekki verið gætt við meðhöndlun á skuldum við­
skiptamanna, þar sem sérsamningar voru gerðir við ákveðna
viðskiptamenn um yfirtöku eigna og niðurfærslu skulda
þeirra á sama tíma og sams konar óskum annarra viðskipta­
manna var hafnað.
óvenjuleg launakjör lykilstarfsmanna
Samkvæmt skýrslu PwC voru engar verklagsreglur til staðar
varðandi innkaupa­ og risnuheimildir starfsmanna og þar af
leiðandi ekkert eftirlit með innkaupum og risnu. Það er mat
skýrsluhöfunda að eftirlit þáverandi stjórnarformanns sjóðs­
ins, Þorsteins Erlingssonar, hafi algjörlega brugðist. Þess má
geta að Þorsteinn er fyrrverandi bæjarfulltrúi í Reykjanesbæ.
Við yfirferð starfsmanna sjóðsins á risnureikningum Geir­
mundar við starfslok kom í ljós talsverður fjöldi einkaúttekta
af greiðslukorti og risnureikningi sparisjóðsstjórans. Í kjöl­
farið var hann krafinn um endurgreiðslu á tæpum tveimur
milljónum króna vegna úttekta í hans eigin þágu. Yfirferð
starfsmanna náði þó eingöngu til úttekta á risnureikningum
vegna ársins 2009.
PwC gerir athugasemdir við óvenjulegar greiðslur Spari­
sjóðsins í Keflavík í lífeyrissjóð nokkurra starfsmanna, sem
voru umfram ákvæði kjarasamninga. Við athugun PwC voru
ráðningarsamningar lykilstarfsmanna skoðaðir.
Sparisjóðsstjórarnir Geirmundur Kristinsson og Angantýr
V. Jónasson, sem tók við af Geirmundi, Helgi Bogason, útibús­
stjóri í Grindavík, Jensína U. Kristjánsdóttir, útibússtjóri á
Patreksfirði, Jón Axelsson, innri endurskoðandi sjóðsins, og
Steinn Ingi Kjartansson, útibússtjóri á Ísafirði, fengu sjö pró­
senta viðbótarframlag í séreignarsjóð sinn. Ásdís Ýr Jakobs­
dóttir, forstöðumaður einstaklingssviðs, fékk tíu prósenta
viðbótarframlag í sinn séreignarlífeyrissjóð, viðbótarframlag
vegna Þrastar Leóssonar forstöðumanns hagdeildar og fjár­
stýringar nam tólf prósentum og Árni Björgvinsson forstöðu­
maður reikningshalds og miðvinnslu fékk fimmtán prósenta
viðbótarframlag í séreignarlífeyrissjóð sinn en þar að auki
9/12 kjarninn FJáRmáL