Kjarninn - 22.08.2013, Side 19

þessa vanda. Niðurstaða sjóðsins er sú að á bilinu 600 til
2.900 milljarðar króna af eignum íslenskra aðila muni fara
burt ef höftum verður aflétt. AGS tekur reyndar fram að sjóð­
urinn eigi von á því að niðurstaðan verði nær neðri mörkum
þessa mats. Hvernig sem fer er um gríðarlegar upphæðir að
ræða. Í grein um valin málefni (e. selected issues) sem AGS
birti samhliða umræðuskjalinu er lagt til að hraðahindranir
(e. speed limits) verði sett á útflæði fjármagns Íslendinga
samhliða afnámi hafta. Sjóðurinn dregur þá ályktun að ef
útflæðið yrði takmarkað við sjö til átta prósent af landsfram­
leiðslu á ári (hún var 1.708 milljarðar króna árið 2012) í átta ár
myndi gjaldeyrisvaraforði þjóðarinnar ná að haldast meiri en
skammtímaskuldir hennar.
En þriðji hópurinn er sá sem skapar mestu aðkallandi
áhættuna. Hann er samansettur af kröfuhöfum föllnu bank­
anna. Eigenda þrotabúa Kaupþings og Glitnis. AGS telur
að við uppgjör þeirra muni 700 til 850 milljarðar króna af
innlendum eignum lenda í höndunum á erlendum aðilum.
Þarna er til dæmis átt við eignarhluti þrotabúanna í Íslands­
banka og Arion banka auk reiðufjár. Augljóst er að Ísland
ræður ekki við að skipta öllum þessum krónum í gjaldeyri á
því falska gengi sem krónan er skráð á hjá Seðlabankanum.
Það þurfa að fara fram viðræður við kröfuhafa bankanna um
á hvaða gengi krónum fáist skipt og hvaða aðrar aðgerðir
þurfi svo að þeim verði hleypt út úr íslenska hagkerfinu með
fjárfestingu sína.
Þær viðræður eru líklegast, ásamt neyðarlagasetningunni
í október 2008, mikilvægasta efnahagslega aðgerð sem
íslenskt samfélag samtímans hefur staðið frammi fyrir. Í
þeim munu hagsmunir kröfuhafa annars vegar og íslensks
almennings hins vegar takast á. Ljóst er að margir kröfu­
hafanna hafa grætt gríðarlega á kaupum á kröfum á íslensku
bankana. Sumir hafa leyst út þann hagnað með því að selja
kröfur á hærra verði en þeir keyptu þær á en aðrir ætla að
sitja á þeim í von um að nauðasamningar bankanna verði
þeim hagstæðir.
Semja þarf um hvernig á að skipta þeim ágóða sem orðið
3/11 kjarninn EFnAHAGSmáL
Smelltu til að lesa um
áhrif niðurfellinga á
lánshæfi
sKuldaniður­
Fellingar HaFa
áHriF á lánsHæFi
Í lok júlí 2013 breytti
matsfyrirtækið Standard
& Poor‘s horfum á láns-
hæfiseinkunn ríkissjóðs
úr stöðugum í neikvæðar.
Samsvarandi breytingar
á einkunn Landsvirkjunar
fylgdu í kjölfarið. Í mati sínu
varar Standard & Poor‘s við
því að lánshæfismat Íslands
verði sett í ruslflokk ef
loforð ríkisstjórnarinnar um
skuldaniðurfellingar verða
að veruleika. Fyrirtækið
telur slíka aðgerð geta haft
mjög neikvæð efnahagsleg
áhrif fyrir Ísland. Seðla-
banki Íslands telur að
niðurfellingarnar muni
að mestu leyti lenda hjá
litlum hópi fólks með háar
tekjur sem glímir ekki við
greiðsluvanda.
Smelltu til að loka