Kjarninn - 22.08.2013, Qupperneq 27

það nema þeir gæfu afslátt á skráðu virði þeirra. Sú hug­
mynd að hluti eigna kröfuhafa yrði eftir á Íslandi þegar þeir
hyrfu héðan hefur því verið lengi til staðar.
Í febrúar og mars 2013 áttu sér stað formlegar viðræður
milli kröfuhafa og Seðlabanka Íslands um tæknilegar út­
færslur þess að klára nauðasamningagerð. Samhliða sendu
fulltrúar kröfuhafa út skýr skilaboð um að þeir væru tilbúnir
í viðræður við hvern sem er, hvenær sem er. Þeir hafa lengi
gert sér grein fyrir því að eignir þeirra myndu rýrna samhliða
því að bú Glitnis og Kaupþings yrðu gerð upp.
Ef samskiptin ættu að vera pólitísk þá þyrfti einfaldlega
að segja það upphátt og forma ferlið. Ef þau ættu að vera við
Seðlabankann þá væri það ekkert vandamál. Þessi afstaða
var kynnt Seðlabankanum með formlegum hætti og ýmsum
stjórnmálamönnum með óformlegum hætti. Þar er átt við
samtöl, símtöl eða sms­sendingar. Auk þess hafa fulltrúar
þrotabúanna, að eigin frumkvæði, fundað með æðstu ráða­
mönnum í nýju ríkisstjórninni í sumar án þess að þeir fundir
hafi skýrt framvinduna nokkuð nánar.
ekkert gerst eftir kosningar
Eftir kosningar hefur lítið gerst. Engar formlegar viðræður
hafa átt sér stað á milli kröfuhafa og íslenskra aðila. Stjórn­
völd hafa ekki myndað neinn hóp til að standa að slíkum
viðræðum. Innan Seðlabankans ríkir óvissa um hvort bank­
inn hafi umboð til að standa að umræðum við kröfuhafanna.
Þar býr tvennt að baki. Annars vegar hafa stjórnmálin seilst
með skýrum hætti til áhrifa í málinu. Því liggur fyrir að
viðræðurnar verða aldrei kláraðar nema með aðkomu, eða að
minnsta kosti blessun, stjórnvalda.
Hins vegar hefur skapast óvissa vegna þess að skipunartími
Más Guðmundssonar seðlabankastjóra rennur út á næsta ári.
Már hefur aldrei verið sérlega vinsæll hjá hægrimönnum og inn­
an Seðlabankans er óttast að ný ríkisstjórn muni nota tækifærið
og losa sig við hann á næsta ári. Þar til að fyrir liggur hvort
skipanatími Más verður endurnýjaður ríkir því óvissa um hvort
hann hafi stefnumótandi umboð í viðræðunum við kröfuhafa.
11/11 kjarninn EFnAHAGSmáL