Kjarninn - 22.08.2013, Page 30

u
m tuttugu prósent allra íbúa jarðar búa í Kína,
eða 1,4 milljarðar af ríflega sjö milljarða heildar­
íbúafjölda á jörðinni. Þetta fjölmennasta ríki
heims hefur fært út kvíarnar á síðustu 15 árum
með fordæmalausum hraða, samhliða mesta
hagvaxtarskeiði sem nokkurt ríki hefur gengið í gegnum í
mannkynssögunni. Á hverju ári hefur kínverska hagkerfið
vaxið um 8 til 11 prósent, þrettán ár í röð. Samhliða hefur sam­
félagsgerðin í Kína tekið gríðarlegum breytingum. Millistétt,
sem varla var áður til, er ört vaxandi með tilheyrandi áhrifum
á einkaneyslu og raunhagkerfi heimsins. Stærðirnar eru slíkar
að allur heimurinn er undir þegar Kína þenst út. Ef hlutir kom­
ast í tísku í Kína fá tugþúsundir vinnu annars staðar í heimin­
um. Tölur um hversu hratt millistéttin í Kína stækkar á ári eru
misjafnar eftir því hvar línan er dregin, þ.e. hvenær fólk telst
tilheyra millistétt. Oft er nefnt að sá hópur sem stendur undir
aukinni einkaneyslu stækki um þrjátíu til fjörutíu milljónir
manna árlega. Þetta er fjöldi sem jafngildir samanlögðum íbúa­
fjölda Norðurlanda og Eystrasaltsríkjanna þriggja, Eistlands,
Lettlands og Litháens.
Kína þenst út
Samhliða fordæmalausu hagvaxtarskeiði og miklum innri
samfélagsbreytingum hefur Kína fært út kvíarnar. Fjár­
festingar Kínverja utan kínverska hagkerfisins hafa verið
gríðarlegar að umfangi undanfarin ár. Samkvæmt upplýs­
ingum frá OECD námu beinar fjárfestingar (Direct Foreign
Investment Outflows) Kínverja utan Kína 62,4 milljörðum
Bandaríkjadala (1 dalur = 120 krónur) á árinu 2012. Þær hafa
farið ört vaxandi frá árinu 2008 þegar flestir eigna markaðir
tóku mikla dýfu niður á við eftir miklar þrengingar og
hremmingar á fjármálamörkuðum. Á árinu 2008 námu er­
lendar fjárfestingar Kínverja ríflega 53,5 milljörðum Banda­
ríkjadala. Þvert ofan í erfiðleika á alþjóðamörkuðum hafa
Kínverjar aukið mjög umsvif sín erlendis, en fjárfestingarnar
drógust lítið eitt saman árið 2009, þegar eignaverð hrapaði í
kjölfar hamfara á fjármálamörkuðum.
2/10 kjarninn EFnAHAGSmáL
Deildu með
umheiminum
EfnahagsMál
Magnús Halldórsson
magnush@kjarninn.is