Kjarninn - 22.08.2013, Qupperneq 64

n
ý ríkisstjórn undir forsæti Sigmundar Davíðs
Gunnlaugssonar var kynnt fyrir tæpum
þremur mánuðum á Laugarvatni. Formlegir
hveitibrauðsdagar hennar, sem miðast við
100 daga, eru því senn á enda. Þeir hafa ekki
verið viðburðalausir. Hart var sótt að nýju ríkisstjórninni á
sumarþinginu, meðal annars vegna breytinga á lögum um
veiðigjöld. Auk þess vilja margir meina að sitjandi ríkisstjórn
hafi skapað meiri væntingar en nokkur önnur í sögunni
með risavöxnum kosningaloforðum um almennar skulda­
niðurfellingar og skattalækkanir. Þegar hvorugt varð að
veruleika í sumar olli það hluta kjósenda stjórnarflokkanna
miklum vonbrigðum og andstæðingar þeirra sökuðu þá
um að hafa stundað lýðskrum til atkvæðaveiða og að ríkis­
stjórnin hefði þegar orðið uppvís að því að svíkja eigin loforð.
Kannanir gefa til kynna að fylgi við ríkisstjórnina dali hratt
og virðist það helst vera á kostnað Framsóknarflokksins,
en fjórðungur af fylgi hans hefur horfið samkvæmt nýjasta
þjóðarpúlsi Capacent Gallup.
ætlar að standa við stóru orðin
Sigmundur Davíð er rólegur yfir þessum hræringum.
Hann segir að staðið verði við þau loforð sem gefin voru í
stefnuyfirlýsingu ríkisstjórnarinnar. Nú standi yfir vinna
við að útfæra hvernig það verði gert. Varðandi skuldamálin
segir Sigmundur Davíð það hafa verið misskilning að til hafi
staðið að senda þeim sem ættu að fá skuldaniðurfellingar
ávísun í pósti strax í sumar. „Ég reyndi að eyða þeim
misskilningi í kosningabaráttunni. Það hefur alltaf legið ljóst
fyrir að það tæki tíma til að skapa aðstæður þar sem þetta
væri framkvæmanlegt. Vinna við það er samkvæmt áætlun.“
Samkvæmt þingsályktunartillögu sem lögð var fram í
sumar á sérfræðihópur, sem á að útfæra skulda niðurfærslur,
að skila tillögum í nóvember næstkomandi. Aðspurður um
hvort sú tímasetning muni standast segir Sigmundur Davíð
það fara eftir því hvernig ákveðnar forsendur þróast. Í
stjórnarsáttmálanum hafi verið opnað á hina svoköll
2/12 kjarninn VIðmæLAnDI VIKunnAR
Viðtal
Þórður Snær Júlíusson
thordur@kjarninn.is
Deildu með
umheiminum