Kjarninn - 22.08.2013, Qupperneq 70

Framsóknar flokksins. Í niðurstöðukafla skýrslunnar
segir: „Árið 2004 ákváðu stjórnvöld að fara vissa vegferð með
Íbúðalánasjóð. Hún fólst í breyttum útlánum og fjármögnun
þeirra. Í fyrsta lagi var húsbréfakerfið lagt niður og íbúða­
bréfakerfið tekið upp með beinum peningalánum. Í öðru
lagi var hámarkslánsfjárhæð hækkuð mikið og veðhlutfall
almennra lána sjóðsins hækkað úr 65 prósent í 90 prósent.
Þessi vegferð endaði illa og varð þjóðinni dýrkeypt.“
Sigmundur Davíð hafnar því að hækkun á veðhlutfalli
upp í 90 prósent hafi haft þau slæmu áhrif á stöðu sjóðsins
sem rannsóknarnefndin vill vera láta. „Þetta snýst mun
frekar um innkomu bankanna á húsnæðislána markaðinn,
sem leiðir til þess að Íbúðalánasjóður situr uppi með mik­
ið fjármagn. Hann reyndi síðan að koma því í einhverja
ávöxtun. En það sem bjó til bólu á fasteignamarkaði var
innkoma bankanna á fasteignamarkaðinn árið 2004. Það fer
ekkert á milli mála.“
landsvirkjun á að starfa með heildaráhrif í huga
Ein þeirra leiða sem margir vona, og aðrir óttast, að verði
farin til að auka hagvöxt á Íslandi er að stóriðja verði auk­
in hérlendis. Meðal þeirra verkefna sem þar eru undir er
álverið í Helguvík, þar sem ekki hefur tekist að semja um
orkusölu þannig að allir geti verið sáttir. Ástæðan er með­
al annars lágt heimsmarkaðsverð á áli, en orkusölusamn­
ingar við álfyrirtæki sem starfa hérlendis hafa iðulega
8/12 kjarninn VIðmæLAnDI VIKunnAR
sigMundur daVíð og stjórnarsaMstarFið
„Það hafa ekki komið upp nein
alvarleg vandamál í samstarfi
flokkanna. Samstarfið við formann
Sjálfstæðisflokksins hefur gengið vel
og almennt er ég bjartsýnn á að þessi
ríkisstjórn muni ná árangri. Hins
vegar sér maður það að við það að
framkvæma það sem menn sögðust
ætla að framkvæma fyrir kosningar
þá veldur það heitri umræðu. Það má
alveg vænta þess að sú verði raunin í
haust vegna þess að verið er að inn-
leiða stefnu sem er um margt mjög
ólík stefnu síðustu ríkisstjórnar. En
innan ríkisstjórnarinnar hafa menn
kortlagt þetta nokkuð vel. ég á ekki
von á átökum innan hennar.“