Kjarninn - 22.08.2013, Page 72

verður af sköpun mörg hundruð starfa þótt þau störf séu
ekki hjá Landsvirkjun.“
pólitísk réttsýni kæfir umræðu
Sigmundur Davíð skrifaði grein í Morgunblaðið í lok júní
sem vakti mikla athygli. Þar gagnrýndi hann það sem hann
kallaði fyrsta mánuð loftárása á nýja ríkisstjórn og sagði
að umfjöllun fjölmiðla um aðgerðir stjórnarinnar hefði
verið öðruvísi ef fyrri stjórnarflokkar hefðu enn haldið um
stjórnar taumana.
Finnst forsætisráðherra að fjölmiðlar fari ósanngjörnum
höndum um sig og ríkisstjórnina, og ef svo er, hvað telur hann að
búi þar að baki?
„Þessi grein hefur verið túlkuð á ýmsan hátt. Sumir hafa
miklar skoðanir á henni án þess að hafa haft fyrir því að lesa
hana. Ég hef til dæmis grun um að fyrrverandi utanríkis­
ráðherra [Össur Skarphéðinsson] sé einn af þeim. Hann taldi
að greinin hefði snúist um að ég væri viðkvæmur fyrir gagn­
rýni. En þessi grein snérist ekkert um mig. Hún snérist um
lýðræðislega umræðu og með hvaða hætti hún fer fram. Hún
fjallar um skort á rökræðu í samfélaginu þó að ég hefði nefnt
í henni nokkur atriði þar sem mér fannst fjölmiðlar ekki hafa
gætt jafnræðis.
Það er að mínu mati mikið áhyggjuefni að frjálslyndi eigi
undir högg að sækja, í þeim skilningi að menn séu opnir fyrir
því að ræða ólíkar skoðanir. Við erum að færast dálítið hratt
í þá átt að sá rammi sem er leyfður í umræðunni er mjög tak­
markaður. Það er eitthvert norm, sem ég kalla pólitíska rétt­
hugsun, sem ætlast er til að menn haldi sig innan. Þeir sem
koma með frumlega sýn á mál sem eru mikið í umræðunni
verða oft fyrir árásum úr öllum áttum. Stokkið er á viðkom­
andi og þessi nýja sýn kæfð. Þetta er mikið áhyggjuefni.
Auðvitað hafa fjölmiðlamenn sínar skoðanir og þær eru
ólíkar. Ég hef farið í viðtöl hjá fólki sem ég veit að er annað­
hvort mjög hægri­ eða vinstrisinnað. En það hefur ekkert endi­
lega þýtt að viðtölin hafi verið skökk. Sumir geta alveg skilið
pólitískar skoðanir sínar frá faginu. Aðrir gera það ekki.“
10/12 kjarninn VIðmæLAnDI VIKunnAR
Smelltu til
að lesa um
makríldeiluna