Kjarninn - 22.08.2013, Side 73

Meiri harka gagnvart gömlu valdaflokkunum
Þinn gamli vinnustaður RÚV hefur sætt árásum úr ýmsum áttum
undanfarin misseri. Finnst forsætisráðherra að RÚV dragi taum
fyrri stjórnvalda og komi fram af meiri hörku gagnvart nýjum
stjórnarherrum en þeim gömlu?
„Ég held ekki að RÚV sé stýrt á neinn hátt af pólitíkusum
sem segi fréttamönnum hvað þeir eigi að gera. En auðvitað
er ákveðin ritstjórnarstefna eða viðhorf ríkjandi. En ég held
að það sé tekið öðruvísi á síðustu ríkisstjórn en þessari.
Þetta kann að skýrast af því að menn líti á þessa núverandi
stjórnar flokka sem gömlu valdaflokkana og þess vegna sé
eðlilegt að taka harðar á þeim en öðrum.
Ég held að margir séu til dæmis ekkert sérstaklega opnir
fyrir því að breytingar á veiðigjöldum séu til þess ætlaðar
að gera sjávarútveg arðbærari fyrir samfélagið og til að ýta
undir fjárfestingu. Sumir fjölmiðlamenn eru mun opnari fyr­
ir því að það sé eitthvað grunsamlegt við þessar breytingar.
Að það sé verið að verðlauna fyrirtæki sem hafi styrkt gömlu
valdaflokkana eða eitthvað slíkt. Þá telja menn sig ekkert
endilega vera að ganga erinda einhverra stjórnmála flokka
heldur eru þeir að skilgreina sig of þröngt innan ramma um­
ræðunnar. Þeir eru kannski ekki alveg nógu opnir fyrir því
að kannski séum við bara að reyna að gera það besta sem við
getum fyrir samfélagið og þorp úti á landi sem eru háð því að
sjávarútvegs fyrirtækin geti starfað.“
Finnst þér óeðlilegt að þessi tengsl séu dregin upp, þ.e. tengsl á
milli ákveðinna sjávarútvegsfyrirtækja og ákveðinna stjórnmála-
manna eða -flokka?
„Ástæða þess að við höfum verið að breyta lögum um
stjórnmálaflokka er að það hefur verið uppi krafa um að
allt sé uppi á borðum um slík tengsl. Það er auðvitað mjög
mikilvægt. Menn sjá til dæmis dæmi um það í bandarískum
stjórnmálum að stuðningur við flokkana fer mjög eftir hags­
munum þeirra sem eru að styðja þá. Það er hins vegar ljóst að
stjórnmálaflokkar á Íslandi þurfa að fá stuðning frá fyrir­
tækjum og einstaklingum til að geta stundað þá starfsemi
sem þeir reka. Þá er ekkert óeðlilegt við það að menn styðji
11/12 kjarninn VIðmæLAnDI VIKunnAR
Smelltu til að hlusta á Sigmund
Davíð ræða persónulega þætti
þess að vera forsætisráðherra.
Smelltu aftur til að slökkva.
Athugaðu að kveikja á hljóðinu.