Kjarninn - 22.08.2013, Page 79

króna á því rúma ári sem Gnúpur náði að starfa. Öll upp­
hæðin sem greidd var út var tekin að láni, þar sem féð
var ekki til í sjóðum Gnúps. Þetta kemur fram í stefnum á
hendur mönnunum sem dagsettar eru í apríl 2013. Samkvæmt
stefnunni vill þrotabú Glitnis, sem tók yfir Gnúp eftir
greiðsluþrot félagsins, nú fá hluta af þessum greiðslum
aftur. Það telur að ákvarðanir um útgreiðslurnar hafi ekki
verið teknar á réttu tímamarki, hluti greiðslnanna hafi ekki
uppfyllt form­ né efnisreglur og að útgreiðsla arðs út úr
félaginu hafi verið ólögmæt.
ótrúleg saga gnúps
Fjárfestingafélagið Gnúpur var ansi áhugavert fyrirbæri.
Aðdragandi stofnunar félagsins voru valdaátök í
hluthafahópi Straums­Burðaráss fjárfestingabanka. Í lok júní
2006 ákvað Björgólfur Thor Björgólfsson, þá stærsti eigandi
bankans og stjórnarformaður hans, að reka forstjórann Þórð
Má Jóhannesson. Tveir stjórnarmenn úr hópi eigenda, þeir
Kristinn Björnsson og Magnús Kristinsson, voru andsnúnir
ákvörðuninni og seldu í kjölfarið hlut sinn í bankanum til
FL Group, sem greiddi fyrir annars vegar með hlutabréfum
í sjálfu sér (35 milljarðar) og hins vegar í Kaupþingi (12
milljarðar króna).
Þeir Kristinn, Magnús og forstjórinn brottrekni, Þórður
Már, stofnuðu síðar Gnúp utan um þessar eignir í október
2006. Með fylgdu skuldir upp á um 24 milljarða króna.
Rúmu ári síðar var félagið komið í greiðsluþrot. Þrátt fyrir
skamman líftíma tókst Gnúpi að verða einn af stærstu
skuldurum íslenska bankakerfisins. Í lok nóvember 2007,
skömmu áður en félagið var tekið yfir af lánardrottnum
sínum, námu heildarskuldir Gnúps og tengdra félaga
rúmlega 80 milljörðum króna, ef tekin voru saman lán og
skuldbindingar vegna framvirkra samninga.
Milljarðar greiddir út úr gnúpi
Í desember 2006 ákvað stjórn Gnúps að kaupa eigin hlutabréf
af hluthöfum sínum fyrir um 3,5 milljarða króna. Í apríl 2007
3/05 kjarninn DÓmSmáL
Smelltu til að kynna
þér 77. grein hluta-
félagalaga
77. grein Hluta­
Félagalaga
Ef sá sem kemur fram
fyrir hönd félags samkvæmt
ákvæðum 74.–75. gr. gerir
löggerning fyrir hönd þess
bindur sá gerningur félagið
nema:
1. hann hafi farið út fyrir þær
takmarkanir á heimild sinni
sem ákveðnar eru í lögum
þessum,
2. hann hafi farið út fyrir
takmarkanir á heimild sinni
á annan hátt enda hafi
viðsemjandi vitað eða mátt
vita um heimildarskortinn
og telja verði ósanngjarnt
að viðsemjandinn haldi fram
rétti sínum.
Birting tilkynningar skv.
1. mgr. 151. gr. um tilgang
félagsins samkvæmt sam-
þykktum þess telst ein og sér
ekki nægileg sönnun þess
að viðsemjandi hafi vitað
eða mátt vita um heimildar-
skortinn skv. 2. tölul. 1. mgr.
greinar þessarar.
Smelltu til að loka