Kjarninn - 22.08.2013, Síða 109

2/05 kjarninn ExIT
góða. Ef þú trúir því sem hann
segir fagnarðu því sem þú getur
ekki stjórnað og lætur það efla þig
frekar en hið andstæða. Nútímafólk
hræðist óvissu og reynir að koma
lífi sínu haganlega fyrir í öruggum
kassa sem veitir því öryggiskennd.
Taleb vill brjóta upp þennan
hugsunarhátt og kemur því á
framfæri í gegnum alla bókina.
Hann þolir ekki meðalmennsku og
venjulegt líf og gagnrýnir mjög hið
hefðbundna lífsgæðakapphlaup.
Taleb hvetur lesendur til að elta
hamingjuna og njóta óreiðunnar og
óvissunnar allt í kringum sig því
aðeins þannig sé hægt að græða á
henni.
Taleb gagnrýnir allt frá
klæðaburði og lífsstíl en hann lítur
mest niður til menntasamfélagsins og fjármálamanna.
Þessi skoðun sýnir vel hroka hans því bakgrunnur hans
liggur á þessum sviðum eins og hann bendir sjálfur á
í bókinni. Þekking hans liggur fyrst og fremst í því að
greina og reikna óvissu en hann heldur því blákalt fram
að slík vísindi geti aldrei verið sannspá. Hann hrífst af
listamönnum og frjálsum anda og hefur tamið sér að
lesa í yfir 30 klukkutíma á viku, því hann segir mestu
vitneskjuna fást með lestri bóka.
Taleb notar fjöldann allan af stuttum dæmisögum til
að rökstyðja mál sitt og fléttar þar eigin lífsreynslu inn í
sögurnar til að gæða bókina meira lífi. Hann fjallar um
allt frá eigin mataræði og bardagaæfingum til flókinna
stærðfræðiformúlna. Fyrir áhugasama er aukaefni í
Antifragile með formúlum og gröfum til að sanna enn
frekar tilvist þess.
nassim nicholas taleb
Smelltu til að
skoða Twitter-
síðu Talebs
Smelltu til að
skoða Facebook-
síðu Talebs