Kjarninn - 22.08.2013, Side 118

Þ
ótt höfuðborgarbúar hafi sleikt sólskinið
örfáa daga í ágúst hefur sumarið verið blautt
og kalt sunnan­ og vestanlands. Júlí hefur
ekki verið svona votviðrasamur í Reykjavík
í rúman áratug. Á Akureyri var hann hins
vegar nálægt meðaltali og fólk fyrir norðan og austan
hefur notið veðurblíðu mestan hluta sumars, eftir mjög
erfitt vor.
sumar hinna misheppnuðu garðpartía
Einhver kann að spyrja hvað svona veðursagnfræði hafi
að gera með mat. Jú, veðrið hefur auðvitað mikil áhrif
á það hvað fólk borðar og drekkur. Veðrið hefur áhrif á
hvernig við njótum matarins, hvort við gerum það inni
eða úti. Jafnvel þótt mestar líkur séu á sól og blíðu um
hásumar er ekkert tryggt í þeim efnum. Þetta sumar
verður hugsanlega í minnum haft sem sumar hinna
misheppnuðu garðpartía eða útibrúðkaupa. Margir sem
undirbúið hafa slíkar veislur af kostgæfni hafa þurft að
bíta í það súra epli að náttúran á engan húsbónda nema
sig sjálfa.
Minni kjötsala í rigningu
Kjötsala var dræmari framan af sumri en á sama tíma
undanfarin ár, enda minna grillað í rigningu og þoku
en í sól og sumaryl. Kjötsala í júní var áberandi minni
í ár en í sama mánuði í fyrra. Jóhanna Benediktsdóttir,
deildarstjóri markaðssviðs hjá Sláturfélagi Suðurlands,
segir að salan í júlí hafi verið svipuð og í fyrra og menn
vonist til þess að sumarið komi þokkalega út þegar á
heildina er litið. Veðrið í ágúst muni þó skipta sköpum.
Það sé alveg greinilegt að minna selst af grillkjöti þegar
veðrið er leiðinlegt. Aðrir kjötsalar og framleiðendur
sem greinarhöfundur hefur heyrt frá taka undir þetta.
samdráttur í bjórsölu
Veitingamaður nokkur í borginni fullyrti við greinar
2/06 kjarninn ExIT
Smelltu til að horfa á
„Hamborgaraleyndarmálið“
á YouTube