Fréttatíminn - 17.05.2013, Qupperneq 73

íslenskt grænmeti
Sölufélag garðyrkjumanna VOr 2013
Það er eins og að stíga inn í annan heim að koma í Hveratún í Laugarási. Þar er hátt til lofts og vítt til veggja og
litadýrðin mikil. Það er greinilegt að vel er
hlúð að þeim þúsundum plantna sem þar eru
ræktaðar.
Fjölmargar tegundir af salati eru ræktaðar í
Hveratúni, en þar ráða ríkjum hjónin Magnús
Skúlason og Sigurlaug Sigurmundsdóttir.
Magnús ólst upp í Hveratúni en foreldrar hans,
Skúli Magnússon og Guðný Pálsdóttir, hófu
ræktun þar árið 1945. Hann segir það hafi
legið beinast við að hann tæki við af foreldrum
sínum, yngstur í systkinahópnum. Þau Sigurlaug
urðu meðeigendur í garðyrkjustöðinni árið
1983 og tóku svo alveg við árið 2004. Jarðhiti
er á svæðinu og eru gróðurhúsin hituð upp
með hveravatni. Notaðar eru lífrænar varnir . Þá
eru náttúrulegir óvinir þeirra óværa, sem geta
látið á sér kræla, notaðir til að útrýma þeim.
„Hér ræktum við um tíu tegundir af salati.
Það eru nokkur ár síðan við fórum að einbeita
okkur að þeirri ræktun. Það er ekki hægt að
vera góður í öllu“, segir Magnús Skúlason.
Hann segir að hér áður fyrr hafi verið ræktaðir
tómatar, gúrkur, paprikur og fleira, jafnvel hafa
vínber verið ræktuð í Hveratúni.
Garðyrkjubændurnir í Hveratúni senda á
markaðinn fjórar gerðir af pokasalati, sem í
eru mismunandi salatblöndur. Þær hafa fengið
þjóðleg nöfn úr sveitarfélaginu eins og Gullfoss,
Geysir, Þingvellir og Skálholt. „Það er ekki
vandalaust að raða þessu saman í pokann, þar
verður að huga bæði að bragði og lit á salatinu“,
segir Magnús. Hann ræktar einnig Klettasalat
og Grandsalat.
Garðyrkjubændur hafa tekið tæknina
í þjónustu sína undanfarin ár. Nú eru
gróðurhúsin tölvustýrð. Hægt er að stýra hita,
raka, lýsingu, loftun, vökvun og áburðargjöf
með tölvunni eða með farsímanum.
Grænmetisræktunin krefst mikillar nákvæmni
til þess að grænmetið verði sem best. Nú kemur
mannshöndin varla við sögu þegar uppskerunni
er pakkað, hún viktuð og gengið frá henni á
markaðinn. Salatið er alltaf nýtt og ferskt, þar
sem það líða aðeins nokkrar klukkustundir frá
pökkun þar til það er komið til neytenda.
tölvustýrð litadýrð í
Hveratúni í laugarási
-Gullfoss, Geysir, Þingvellir og Skálholt eru nöfnin á salatblöndunum frá Hveratúni
Jarðarber
Sæt og safarík
Grill
Grænmeti á grillið
Grænt og gott
Bráðholl blaðgræna
Þeytingar
Hvers vegna eigum
við að drekka
grænmeti?
Listakokkar
Matgæðingarnir og
listakokkarnir nanna
rögnvaldsdóttir og
Helga mogensen eru
höfundar uppskrifta í
blaðinu, sem henta við
flest tækifæri.
h
a
ri
El
sa
B
jö
rg
M
a
g
n
ú
sd
ó
tt
ir
geymið blaðið
Magnús skúlason og sigurlaug sigurmundsdóttir.