Fréttablaðið - 29.12.2011, Blaðsíða 58

34
FRÉTTABLAÐIÐ
29. desember 2011 FIMMTUDAGUR
CHARLOTTE CAINSBOURC THE WEEKND
> f SPILARANUM
The Weeknd - Echoes of Silence
Gang Related - Stunts & Rituals
Guided by Voices - Let's Go Eat the Factory
Low Roar - Low Roar
Charlotte Gainsbourg - Stage Whisper
tónlist
tonlist@frettabladid.is
—
Nýtt efni frá The xx
The xx hefur sent frá sér prufuupptöku af
laginu Open Eyes sem aðdáendur þessarar
ensku sveitar geta nálgast á bloggsíðu henn-
ar. Lagið verður á annarri plötu The xx sem
er væntanleg á næsta ári. „Við erum byrjuð
að taka upp næstu plötu. Við erum líka
byrjuð með þetta blogg þar sem við munum
segja frá því sem veitir okkur innblástur,
sýna ykkur ljósmyndir og spila uppáhalds-
lögin okkar,“ sögðu þau á dögunum.
Hljómsveitin átti eina af plötum ársins
í fyrra. Hún varð ofarlega á mörgum árs-
listum og fékk hin virtu Mercury-verðlaun
í Bretlandi. Fyrr á árinu gaf einn meðlimur
The xx, Jamie Smith, út sína sólóplötu. Um
var að ræða hans útgáfu af plötu hins sáluga
Gil Scott-Heron, I'm New Here, og kallaði
hann útgáfuna We're New Here.
NÝTT LAC The xx hefur sent frá sér prufuupptöku af
laginu Open Eyes.
> PLATA VIKUNNAR
Ben Frost og Daníel Bjarnason -
Solaris
★★★★
„Ben Frost og Daníel Bjarnason
rugla saman reytum í áhrifaríku
verki." - tj
Einsleitir árslistar?
Við poppnördarnir höfum gaman af því að skoða árslista tónlistarmiðl-
anna. Fyrir daga netsins beið maður spenntur eftir tvöföldu jólaútgáfunni
af NME sem birti lista yfir 50 bestu plöturnar og 50 bestu smáskífulög-
in. Það var hátíðleg stund að grandskoða þessa lista, bæði til að sjá hvort
maður væri sammála þeim og til þess að komast að því hvort maður hefði
misst af einhverju merkilegu. í dag eru birtir fjölmargir svona listar
og það má nálgast þá flesta á netinu. Það var
mikill munur á þessum listum eftir löndum
hér á árum áður, en hann hefur minnkað, sem
er eðlilegt þar sem allur heimurinn hefur nú
aðgang að sömu tónlistinni í gegnum netið.
Fyrstu árslistarnir birtast snemma í nóvem-
ber og það er nánast eins og línan sé lögð strax
þá. Bresku blöðin Mojo og Uncut völdu til
dæmis bæði plötuna Let England Shake með
PJ Harvey sem plötu ársins og síðan hefur
hún verið að toppa fjölmarga lista, til dæmis
listann sem birtist rétt fyrir jól hér í Frétta-
blaðinu.
Þegar betur er að gáð er samt, sem betur fer,
ennþá mikill munur á þessum listum. Það má
alveg gleyma sér yfir þeim og uppgötva nýja hluti. Rolling Stone í Banda-
ríkjunum valdi til að mynda plötu Adele, 21, í fyrsta sætið, Watch the
Throne með Kanye West og Jay-Z númer tvö og So Beautiful or So What
með Paul Simon í þriðja sætið. Franska blaðið Les Inrockuptibles setti E1
Camino með The Black Keys númer eitt, The English Riviera með Metro-
nomy númer tvö og Go Tell Fire to the Mountain með Manchester-bandinu
WU LYF númer þrjú og hjá Pitchfork var Bon Iver í fyrsta, Kaputt með
kanadísku sveitinni Destroyer í öðru og Hurry Up, We‘re Dreaming með
M83 í því þriðja. Þegar neðar er komið á listana fjölgar svo plötunum sem
maður hefur ekki heyrt.
En hver er svo versta platan? Vefsíðan Popmatters valdi 20 verstu plötur
ársins. Lulu er þar á toppnum (nema hvað), en á listanum eru líka plötur
Chris Brown, Lady Gaga, Red Hot Chili Peppers og Limp Bizkit...
GÆÐI Platan Kaputt með
Destroyer skoraði hátt hjá
Pitchfork.
AFSLAPPAÐ OG ÁHUGAVERT
ÁTÓNLEIKUM Hinn hæfileikarlki Kurt Vile á tónleikum að kynna plötuna Smoke Ring
for My Halo. nordicphotos/cetty
Bandaríski tónlistarmaður-
inn Kurt Vile hefur vakið
mikla athygli fyrir sína
fjórðu plötu. Afslöppuð
kassagítarstemning svífur
þar yfir vötnum.
Sárafáir höfðu heyrt minnst á
bandaríska tónlistarmanninn
Kurt Vile í byrjun ársins en núna
er hann á allra vörum. Hans fjórða
plata, Smoke Ring for My Halo
þykir mikil meistarasmíð og var
samkvæmt flestum virtustu tón-
listartímaritunum ein sú besta á
árinu sem er að líða.
Kurt Vile er 31 árs og kemur frá
Fíladelfíu í Bandaríkjunum, einn
af tíu systkinum. Pabbi hans var
duglegur að spila tónlist á heim-
ilinu og var sérlegur áhugamaður
um bluegrass-sveitatónlist. Þegar
Vile var fjórtán ára keypti pabbi
hans banjó handa honum og spil-
aði hann á hljóðfærið eins og um
venjulegan gítar væri að ræða.
Vile fór að semja og taka upp
hugguleg kassagítarlög í svefn-
herberginu sínu og ákvað upp frá
því að verða tónlistarmaður þegar
hann yxi úr grasi.
Beck og Pavement voru í miklu
uppáhaldi hjá honum til að byrja
með, auk eldri hljómsveita á borð
við Credence Clearwater Revival.
Undanfarið hefur honum reyndar
verið líkt við hina ýmsa tónlistar-
menn, þar á meðal Bruce Springs-
teen, Tom Petty, Nick Drake, Leon-
ard Cohen, John Fahey, Bob Dylan
og Bob Seger.
Eftir að hafa gefið út plöturn-
ar Constant Hitmaker og God Is
Saying This to You, samdi Vile
við bandaríska útgáfufyrirtækið
Matador Records, sem hefur ein-
mitt Pavement á sínum snærum
auk Sonic Youth, Yo La Tengo,
Interpol og Belle and Sebasti-
an. Fyrsta platan hans á vegum
Matador, Childish Prodigy, kom
út 2009 og fékk góðar viðtökur
víðast hvar. Ekki þó jafngóðar og
Smoke Ring For My Halo hefur
fengið. Afslöppuð stemningin á
plötunni og vandaðar lagasmíð-
arnar þar sem kassagítarinn fær
að njóta sín hafa hitt í mark því
tímaritin Q, Mojo, Uncut og Roll-
ing Stone gefa henni öll fjórar
stjörnur, NME 8 af 10 í einkunn
og Pitchfork 8,4 af 10.
Viðhafnarútgáfa plötunnar kom
út í nóvember þar sem EP-platan
So Outta Reach fylgir með. Hún
hefur einnig fengið fína dóma
en hún var tekin upp á svipuðum
tíma og Smoke Ring for My Halo.
freyr@frettabladid.is

LAGALISTINN
Vikuna 15.-21. desember 2011

TONLISTINN
Vikuna 15. - 21. desember 2011
Sæti Flytjandi Lag Sæti
▲ 7 Gotye / Kimbra ..Somebody 1 Used to Know ► i
▼ 2 Mugison Kletturinn ► 2
▲ 3 Dikta .. What Are You Waiting For? ▲ 3
▼ 4 Of Monsters And Men. King And Lionheart ▲ 4
▲ 5 Amy Winehouse ► 5
► 6 Grafík T 6
▼ 7 Coldplay ▲ 7
T 8 Lana Del Ray ▲ 8
▲ 9 Adele ▲ 9
* 10 Jason Derulo ▼ 10
Skýringar:
Flytjandi Plata
Mugison.........................!.........Haglél
Páll Óskar & Sinfó..............Páll Óskar & Sinfó
Of Monsters and Men......My Head Is an Animal
Sigurður Guðm. og SigríðurThorlacius..../(somf Sinfó
Helgi Björnsson....fslenskar dægurperlur í Hörpu
KK & Ellen................................Jólin
Cortes feðgar.............................Island
Ingimar Eydal........................Allt fyrir alla
Haukur Mortens.......................Hátíð í bæ
Stebbi & Eyfi............Fleiri notalegar ábreiður
CUdfR'T
►...Stendur l stað síðan í sfðustu yiku V Fellur um sæti slðan I slðustu viku ▲Hækkar á lista slðan I slðustu viku
listarnir eru teknir saman fyrir Félag hljómplötuframleiðenda. Listarnir eru birtir I heild sinni á Vlsir.is.
★ Nýtt á lista
visir
Laugavegið2 - tel: 551-4100
Þátttakendur í Lagalistanum: Bylgjan, FM957, Xið 977, Rás 2, Kaninn, tonlistis. Verslanir í Tónlistanum: Sklfan, Hagkaup, Penninn/Eymunds-
son, 12 tónar, Harpa, Smekkleysa plötubúð, Elkó, tonlistis