Fréttatíminn - 03.05.2013, Síða 35

Þér er boðið á
tónleika í Hörpu!
Ungsinfónía Evrópusambandsins (e. European Union
Youth Orchestra) sameinar hæfileikaríkasta unga
tónlistarfólk Evrópu undir stjórn heimsþekktra
hljómsveitarstjóra og hefur getið sér gott orð um allan
heim. Vladimir Ashkenazy er tónlistarstjóri
hljómsveitarinnar. Ungsinfónían er fjármögnuð með
styrk frá Menningaráætlun ESB og ríkisstjórnum hinna
27 aðildarríkja ESB.
Evrópska óperumiðstöðin (e. European Opera Centre) var
stofnuð til að brúa bilið milli náms og atvinnumennsku fyrir
ungt, evrópskt afburðafólk á óperusviðinu. Hún er
fjármögnuð af framkvæmdastjórn ESB og Royal
Bank of Scotland.
Evrópusambandið fjármagnar
starfsemi Evrópustofu.
Í tilefni af Evrópudeginum 2013 stendur
Evrópustofa fyrir tónleikum í Eldborgarsal Hörpu,
laugardaginn 11. maí kl. 20.00.
Þar flytur Ungsinfónía Evrópusambandsins tónlist með írsku stefi
ásamt söngvurum Evrópsku óperumiðstöðvarinnar.
Hljómsveitarstjóri er Laurent Pillot.
(c
) C
la
ud
ia
P
rie
le
r
Aðgangur á tónleikana er ókeypis
og hægt er að tryggja sér miða á www.harpa.is
Afríka er samt mjög öruggt land.
Landið er fjölmennt og fátæktin
mikil þannig að það er meira
um ofbeldisglæpi en í Evrópu,
Skandinavíu og Íslandi en ég er
55 ára gamall og ég hef aldrei
orðið vitni að glæp. Ég og konan
mín spókum okkur einu sinni til
tvisvar í viku um Höfðaborg að
næturlagi og teljum okkur full-
komlega örugg.
Flestir glæpir í Suður-Afríku
eru framdir þar sem fátæktin er
mest og þetta gerist aðallega inni
á heimilunum þar sem fólk sem
býr saman eða þekkist vel á í hlut.
Þá er mjög algengt að áfengi eða
önnur fíkniefni komi við sögu.
Fátæktin í Suður-Afríku er miklu
meiri en annars staðar í heimin-
um og ég veit að fólk hefur þá sýn
á landið að það sé ofbeldisfullur
og hættulegur staður en það er
einfaldlega ekki rétt.“
Heimilisofbeldi er bara
sorglegt
Deon segist í raun ekki sækja
innblástur mikið í umhverfi sitt
enda séu glæpirnir í landinu svo
ömurlegir að þeir séu ekki góður
efniviður í glæpasögur. „Þetta
er eins og ég segi, 83% glæpa í
Suður-Afríku eru framin á þeim
svæðum þar sem fátæktin er mest
og þá er mest um áfengistengt
heimilisofbeldi að ræða. Maður
getur ekkert skrifað glæpasögur
um slíkt. Þetta er bara hræðilegt
og sorglegt og ekkert drama eða
ráðgátur í kringum þetta. Þetta er
ekki aðlaðandi söguefni þannig
að ég bý bara sögurnar mínar til.“
Kynferðisofbeldi og þá sérstak-
lega gegn börnum er í brenni-
depli Djöflatinds en sá viðbjóður
leitaði sterkt á Deon þegar þessir
glæpir runnu undan þagnarhjúpi
aðskilnaðarstefnunnar. „Á meðan
aðskilnaðarstefnan var við lýði
fjallaði enginn um kynferðisof-
beldi. Sérstaklega ekki misnotk-
un á börnum. Aðskilnaðarstefnan
leyfði enga útgáfu á efni um slíkt
vegna þess að þeir vildu ekki að
heimurinn vissi að svona nokkuð
viðgengist í Suður-Afríku.
Þegar við losnuðum við aðskiln-
aðarstefnuna vorum við allt í einu
komin með frjálsa fjölmiðlun og
fjölmiðlar fóru að fjalla um þetta
og fólk að tala um þessa glæpi.
Þetta hafði mikil áhrif á mig og
ég minnist þess að hafa lesið um
kynferðisbrot gegn börnum og að
hafa orðið mjög reiður og hugsað
með mér að ef einhver myndi
snerta börnin mín þá myndi ég
drepa hann. En ég áttaði mig
síðan á því að slíkt er ekki mögu-
leiki fyrir mig vegna þess að ég
er löghlýðinn borgari sem trúir á
lög og reglu. Djöflatindur spratt
upp úr árekstri þessara andstæðu
tilfinninga.“
Eltingaleikur við böðul
barnaníðinga
Í Djöflatindi verður allt brjálað í
Höfðaborg þegar morðingi sem
lýst hefur stríði á hendur barna-
níðingum fer blóðugum hamför-
um. Rannsóknarlögreglumaður-
inn Benny Grissel reynir að hafa
hendur í hári morðingjans undir
miklum þrýstingi fjölmiðla og
stjórnmálamanna. Hann grípur að
lokum til þess örþrifaráðs að enga
gildru fyrir morðingjann með
hjálp vændiskonu sem sú tilraun á
eftir að draga dilk á eftir sér.
Aðalsögupersónan berst einnig
við sína innri djöfla og er að
berjast við að hætta að drekka á
meðan á þessum hildarleik stend-
ur. Benny átti aldrei að verða mið-
punktur í sögum Deons en vann
sig upp hjá höfundinum.
„Ég er að skrifa tíundu bókina
mína og Benny hefur verið í fjór-
um. Hann byrjaði sem aukapers-
óna í einum af fyrri bókum mín-
um og ég eyddi ekkert of miklum
tíma í að hugsa um hann vegna
þess að hann átti aldrei að verða
aðalpersóna. Síðan líkaði mér svo
vel að vinna með hann að sög-
urnar fóru að hverfast um hann.
Hann er áhugaverður að því leyti
held ég að hann er ósköp venju-
legur maður. Hvorki sérstaklega
fágaður eða menntaður en hann
er mjög góð lögga með stóra galla.
Hann drakk burt þrettán ár ævi
sinnar og sektarkenndin yfir því
liggur þungt á honum.“
Klúðrið í Pistoriusar-málinu
Suður-Afríka var mikið í fréttum
nýlega í kjölfar þess að fótalausi
hlauparinn Oscar Pistorius var
handtekinn eftir að hafa skotið unn-
ustu sína, Reeva Steenkamp, til
bana. Ekki verður hjá því vikist að
spyrja reyfarahöfundinn hvort þarna
hafi verið um dæmigerðan Suður-
Afrískan heimilisglæp að ræða þótt
gerandinn sé síður en svo fastur í
fátæktargildru.
„Það er það sem öll höldum en
munum að hann er saklaus þar til
sekt er sönnuð. En almennt er talið
að þau hafi rifist heiftarlega og hann
hafi skotið hana. Fjöldinn stendur
í þeirri meiningu en ég vil nú segja
sem minnst um þetta. Þetta er mjög
sorglegt mál og ég sá í blöðunum að
hann hafði reynst íslenskri fjölskyldu
mjög vel og þau taka þetta mjög nærri
sér.“
Rannsókn Pistoriusar-málsins fór
ekki vel af stað en Deon vill hvorki
meina að málið sé áfellisdómur
yfir lögreglunni né réttarkerfinu í
landinu.
„Ég held að lögreglan í Suður-
Afríku sé almennt mjög góð en því
miður var rannsóknarlögreglumað-
urinn sem fékk málið í upphafi bara
ekki góður lögreglumaður. Lög-
reglan gerði þau mistök að gera sér
ekki strax grein fyrir hversu stórt og
mikilvægt mál þetta væri. Þeir hefðu
strax átt að setja toppmannskap í mál-
ið. Þeir gerðu það að lokum en þá var
þetta orðið að hneyksli. Réttarkerfið
er fínt hjá okkur og engin vandamál
þar. Dómstólarnir eru skilvirkir og ég
held nú að eftir að Pistorius var hand-
tekinn hafi allt verið gert rétt.“
Þórarinn Þórarinsson
toti@frettatiminn.is
Ég minnist þess að hafa lesið um kynferðisbrot gegn
börnum og að hafa orðið mjög reiður.
viðtal 35 Helgin 3.-5. maí 2013