Fréttatíminn - 03.05.2013, Blaðsíða 70

Við ætlum
okkur að
búa fram-
vegis í
þessu
fallega
landi.
„Ég hef alltaf verið smá músíknörd þannig
ég held að ég hafi ómeðvitað verið að undir-
búa þetta síðan ég var í fjölbrautaskóla,“ segir
Gunnlaugur Jónsson knattspyrnuþjálfari.
Gunnlaugur er umsjónarmaður nýrrar þátta-
raðar sem hefur göngu sína á Rás 2 á morgun,
laugardag. Þættirnir kallast Árið er... Íslensk
dægurlagasaga í tali og tónum. Í þáttunum er
fjallað um íslenska tónlist frá 1983 og fram til
dagsins í dag og er eitt ár tekið fyrir í hverjum
þætti. Í þáttunum er meðal annars dustað rykið
af gömlum upptökum Rásar 2 sem hafa ekki
heyrst frá því að þær voru frumfluttar.
„Upphaflega var pælingin að tímabilið
yrði frá Hljómum og til dagsins í dag en svo
þótti við hæfi að byrja niðurtalninguna 1983,
á árinu sem Rás 2 fór í loftið,“ segir Gunn-
laugur.
Gunnlaugur gerði eftirminnilega þætti um
hljómsveitina Ný dönsk árið 2008 og í kjölfarið
þróaði hann hugmyndina um Árið er... „Síðasta
haust fóru hlutirnir að gerast og ég hef verið að
vinna að þessu síðan í desember,“ segir Gunn-
laugur sem kveðst eiga velgerðarmenn á Rás 2,
þá Ólaf Pál Gunnarsson og Ásgeir Eyþórsson,
sem eigi miklar þakkir skildar fyrir að koma
þáttunum á koppinn.
Þeir tveir eru sveitungar þínir af Akranesi.
Er þetta bara einhver klíkuskapur?
„Nei, nei. Það finnst kannski einhverjum
Skagaklíkan vera orðin aðeins of umfangsmikil
þarna á Rás 2 en það skiptir ekki máli hvaðan
góðar hugmyndir koma,“ segir
Gunnlaugur léttur í bragði.
Gunnlaugur kveðst ekki
vera einn þeirra tónlistar-
nörda sem eigi þús-
undir platna. „Þetta
snýr meira að upp-
lýsingasöfnun hjá
mér. Ég á til dæmis
úrklippubækur frá
1991.“
Við gerð
þáttanna hefur
Gunnlaugur
notið aðstoðar Ás-
geirs Eyþórssonar,
Jónatans Garðarssonar og Sigríðar Thorlacius.
„Skothelt teymi,“ segir hann.
Hvað er svo besta árið í tónlistarsögu þessa
tíma?
„Við erum núna að vinna að þættinum um
1994. Ég myndi segja að 92 sé þéttasta
árið til þessa, það var ansi mikið sem
gerðist þá. Þá fór Bubbi til Kúbu, Sód-
óma var frumsýnd, KK kom sterkur
inn, Sykurmolar hættu, Jet Black Joe
mætti á svæðið, Kolrassa vann Músík-
tilraunir og árið var mjög stormasamt
hjá Sálinni. Það er skemmtilegasta
árið hingað til.“
Höskuldur Daði Magnússon
hdm@frettatiminn.is
 fjölmiðlar GunnlauGur jónsson Gerir útvarpsþætti um íslenska tónlist
Á úrklippubækur frá 1991
Gunnlaugur Jónsson hefur legið yfir íslenskri tónlist
undanfarið og fjallar um hana í þáttunum Árið er...
sem hefja göngu sína á Rás 2 klukkan 16 á laugardag.
ó hætt er að segja að hjónin Massimo og Katia séu samhent. Þau reka veit-ingahúsið Massimo og Katia á Laug-
arásvegi þar sem þau framreiða ítalskan
heimilismat fljótt og una sér vel saman við
hlóðirnar.
„Við höfum alltaf unnið á veitingahúsum
eða á börum,“ segir Katia. „Og við rekum
þennan stað af ástríðu og viljum að hér geti
viðskiptavinir stigið inn í ítalska stemningu
og þeir eiga alla okkar athygli.“
Katia segir þau hjónin elda allan mat
saman enda líki þeim það best. Þau tala litla
ensku og íslensku en börnin þeirra þrjú sem
eru tíu, sjö og fimm ára, Gabriel, Aurora
og Ginevra, eru mömmu og pabba innan
handar enda búin að fóta sig vel í samfélagi
íslenskra krakka.
Eftir að hjónin höfðu kynnt sér Ísland á
netinu fór Massimo til landsins, leist vel
á sig og fjölskyldan fylgdi í kjölfarið. „Við
völdum Ísland vegna þess að fólkið hér er af-
slappað og umhverfið einfalt og náttúrulegt.
Við ætlum okkur að búa framvegis í þessu
fallega landi en förum reglulega til Ítalíu að
heimsækja ættingja okkar þar.“
Eðli málsins samkvæmt er ítölsk matar-
gerð sérgrein hjónanna og þau eru sérstak-
lega stolt af handgerða orechiette pastanu
sínu sem á rætur að rekja til Suður-Ítalíu.
Massimo og Katia leggja áherslu á fljót-
lega eldamennsku enda segir Katia flesta
viðskiptavini kjósa að taka matinn með sér
þannig að í raun er um skyndibita að ræða
þótt þau slái ekki af kröfunum í eldhúsinu.
Katia segir að í grunninn séu viðskipta-
vinir veitingahúsa alls staðar eins en vill þó
meina að þeir íslensku séu dálítið kröfuharð-
ari en hún kynntist heima á Ítalíu.
„Þeir Íslendingar sem við höfum kynnst
eru mjög almennilegir og hjálpsamir og í
gegnum skóla barnanna okkar höfum við
kynnst mjög svo hjálplegri fjölskyldu,“ segir
Katia sem vill hafa veitingastaðinn þeirra
sem fjölskylduvænstan enda skondrast
börnin þeirra þar um af og til og Gabriel litli
tekur að sér að túlka þegar svo ber undir.
Fjölskylda Massimo og Kötiu stendur
því undir hugmyndum okkar um samhenta
ítalska fjölskyldu sem sameinast ekki síst
yfir matargerð.
Þórarinn Þórarinsson
toti@frettatiminn.is
 massimo oG katia fundu öryGGi á íslandi
Pastagerð samlyndra hjóna
Ítölsku hjónin Massimo og Katia enduðu á Íslandi eftir að þau ákváðu að yfirgefa heimalandið.
Þau fundu Ísland á netinu og létu slag standa. Þau reka veitingastað sem ber nöfn þeirra við hlið
hins fornfræga Lauga-Áss og una hag sínum vel og hafa þegar skotið rótum á Íslandi.
Massimo og Katia fundu Ísland á internetinu og ákváðu að setjast hér að til frambúðar og lifa á ítalskri matargerð. Ljósmynd/Hari
Fréttakonan Lára Ómarsdóttir
ætlar að taka sér leyfi frá störfum
á fréttastofu RÚV í sumar og taka
upp átta ferðaþætti og kynna land-
anum áhugaverða staði á Íslandi.
Karl faðir hennar, Ómar Ragnars-
son, verður með í för og eys úr
viskubrunni sínum.
„Vinnutitillinn er Ferðastiklur
en þetta verða samt allt öðruvísi
þættir en Stiklur,“ segir Lára og
hlær og vísar til vinsælla þátta
Ómars sem nutu mikilla vinsælda
á árum áður.
„Við ætlum að fara á skemmti-
lega staði á landinu sem eru ekki
allir í alfaraleið eins og til dæmis
Gullfoss og Geysir. Held-
ur staði sem gleymast
oft á ferðum fólks
um landið.“
Lára fékk hugmyndina að þátt-
unum fyrir tveimur árum eða svo.
„Ég hef farið í svona ferðir með
börnin mín sem við höfum kallað
mömmuferðir og þá vinkla ég inn
sögunni af stöðunum, þjóðsögum.
Tröllum, álfum og Íslendingasög-
um.“
Lára segist full tilhlökkunnar
eftir því að vinna með föður
sínum en hún hefur aldrei gert
það áður. „Hann ætlar stundum
að koma fljúgandi eða vera með
mér í bílnum allt eftir því hvað
hentar honum hverju sinni. Hann
hefur samt ekki komið á suma
staðina sem við förum á og ég hef
ekki komið á aðra þannig
að sumstaðar verð ég að
segja honum sögur og
hann mér á öðrum.
Og svo ætlum við
að hitta alls konar
skemmtilegt
fólk.“ -þþ
 lára ómarsdóttir á faraldsfæti
Stiklar um landið
með pabba
Ferðaþættir Láru Óm-
arsdóttir verða sýndir í
Sjónvarpinu í vetur
en sumrinu
ætlar hún að
eyða í upp-
tökur.
... þannig að
sumstaðar
verð ég að
segja hon-
um sögur og
hann mér á
öðrum
70 dægurmál Helgin 3.-5. maí 2013