Fréttatíminn - 11.11.2011, Blaðsíða 6
A ukin gagnrýni beinist að því hve lengi fyrirtæki sem yfirtekin voru af bönkum eru í höndum þeirra.
Forráðamenn fyrirtækja sem við þau keppa
tala um óheilbrigða og erfiða samkeppni.
Bent hefur verið á fyrirtæki á bygginga-
vörumarkaði og húsgagnasölu en þetta á
ekki síst við í bílagreininni. Stærstu fyrir-
tækin þar komust í hendur banka sem síðan
hafa haldið þeim gangandi. Milljarðar
króna hafa verið afskrifaðir.
Gríðarlegur samdráttur hefur verið í sölu
nýrra bíla frá því í upphafi árs 2008 og sér
ekki fyrir enda þess. Forráðamenn þeirra
fyrirtækja í bílagreininni sem staðið hafa af
sér brimskaflana sætta sig illa við skekkt-
an samkeppnismarkað, þeir segja sam-
keppnisyfirvöld ekki sýna málinu áhuga og
forráðamenn banka ekki hafa áhyggjur af
ráðdeildarsömum fyrirtækjum greinarinn-
ar sem búi við mismunun.
„Þetta kemur niður á fyrirtækjum sem
hafa verið vel rekin,“ segir Úlfar Hinriks-
son, framkvæmdastjóri Suzuki-bíla, en
hann segir einkum þrjú bílaumboð hafa
þurft að glíma við samkeppnisfyritæki
sem verið hafa í höndum bankanna. Auk
Suzuki-bíla á hann við Bernhard efh., um-
boðsaðila Honda, og Bílabúð Benna. Gylfi
Gunnarsson, framkvæmdastjóri Bernhard,
tekur undir þetta. „Við erum mjög ósátt,
eins og fyrirtæki í öðrum greinum, að þurfa
að keppa við bankana. Þetta er gríðarlega
óheilbrigð samkeppni,“ segir hann. „Við vit-
um að búið er að afskrifa milljarða hjá fyrir-
tækjum eins og Toyota, Heklu og Ingvari
Helgasyni en bankarnir halda þeim gang-
andi. Nýjasta dæmið er síðan Brimborg þar
sem afskrifaðir voru fjórir milljarðar króna
gegn því að menn kæmu með 200 milljónir
króna inn í það. Hvaða reiknimeistarar sáu
um þetta?“ spyr Gylfi.
„Maður veit ekki hvernig fjármögnun
þessara fyrirtækja hefur verið,“ segir Úlfar.
„Þau virðast hafa ótrúlega mikla peninga á
milli handanna miðað við að þetta eru eigin-
lega gjaldþrota fyrirtæki. Þau hafa staðið í
mikilli samkeppni við aðra í auglýsingum
og verðlagningu á ýmsum sviðum. Okkur
hefur fundist skrítið að þau fyrirtæki geti
staðið í dýrum auglýsingaherferðum en
skilað um leið milljarðatapi sem velt hefur
verið yfir á herðar almennings. Við höfum
þurft að borga allar okkar auglýsingaher-
ferðir sjálf,“ segir Úlfar.
„Auðvitað eiga fyrirtæki í þessari stöðu
bara að fara á hausinn,“ bætir hann við,
„fara í gjaldþrot og svo eignast nýir eig-
endur þau. Það er miklu hreinlegra. Það
verður haldið áfram að selja bíla – eða bygg-
ingarvörur – á Íslandi og fólkið sem vann
hjá fyrirtækjunum fær vinnu hjá nýjum
aðilum.“
Gylfi segir gerð hafi verið athugasemd
við Samkeppniseftirlitið vegna sölu tiltekins
bíls hjá Ingvari Helgasyni í fyrra sem talinn
var seldur langt undir raunvirði. „Það kom
aldrei neitt út úr því. Það gengur illa að
fá rétta umfjöllun um þetta ástand,“ segir
hann. Fram kom hjá Úlfari að þau bílaum-
boð sem héldu velli eftir hrunið 2008 hafi
mátt þola „brunaútsölur“ stóru bílasölufyr-
irtækjanna sem bankarnir yfirtóku. Hann
segir Suzuki-bíla hafa staðið vel fyrir hrun
hvað eigið fé varðar og félagið hafi ekki
staðið í fjárfestingum og haldið eignum inni
í rekstrinum, „en maður er ósáttur að þurfa
að keppa við þetta.“
Gylfi talar á svipuðum nótum, Bernhard
ehf. hafi hvorki verið í útrás né í fjárfest-
ingum, „en við erum með okkar skuldir líka
en fáum enga leiðréttingu. Þetta er fimmtíu
ára gamalt fjölskyldufyrirtæki sem veitir 40
manns vinnu en eins og ástandið hefur ver-
ið á bílamarkaði er þetta engin afkoma, það
er verið að éta upp eigið fé. En við glímum
við ægivald bankanna. Allt of stórum mark-
aðshluta er haldið gangandi af þeim.“
Saga baráttunnar gegn
uppblæstri á ensku
Svandís Svavarsdóttir umhverfisráðherra fékk í
gær fyrsta eintak bókar á ensku um aldarlangt
landgræðslustarf á
Íslandi. Bókin heitir
Healing the land og er
gefin út til að mæta
þörf fyrir upplýsingar
um sigra sem unnist
hafa við varðveislu
landkosta og endur-
reisn vistkerfa hér
á landi. Höfundur
bókarinnar er Roger
Crofts. Við vinnslu
bókarinnar var stuðst við þýðingu Róberts Mellk á
Sáðmenn sandanna sem Friðrik Olgeirsson skráði.
Skyndifriðun Skálholts
Húsafriðunarnefnd ákvað á fundi sínum
á þriðjudag að grípa til skyndifrið-
unar Skálholtsskóla, Skálholtskirkju og
nánasta umhverfis, að því er fram kemur
í bréfi nefndarinnar til Katrínar Jakobs-
dóttur, mennta- og menningarmálaráð-
herra. Ástæðan er bygging Þorláksbúðar
rétt við kirkjuvegg Skálholtskirkju. Verði
af endurbyggingu búðarinnar telur
nefndin að hið fína samspil tveggja af
vönduðustu byggingum 20. aldar, það
er Skálholtskirkju og Skálholtsskóla,
raskist. Húsafriðunarnefnd gerir ekki
athugasemd við það að Þorláksbúð verði
reist í Skálholti en telur að henni þurfi
að finna annan stað þar sem áhrifin á
núverandi ásýnd Skálholtsstaðar verði
hóflegri. - jh
Málshættir í fókus
Ljósmyndasýningin Málshættir
í fókus opnar í Menningarmið-
stöðinni Gerðubergi á morgun,
laugardag. Það eru félagsmenn í
Fókus- félagi áhugaljósmyndara
sem sýna verk sín en félagið stendur
reglulega fyrir ljósmyndasýningum.
Að þessu sinni er þemað málshættir,
en myndirnar á sýningunni eiga það
sammerkt að túlka íslenska máls-
hætti. Sýnendur eru tuttugu og níu
en sýningin stendur til 8. janúar. Hún
er opin virka daga frá klukkan 11 til
17 og frá klukkan 13 til 16 um helgar.
Félagið var stofnað árið 1999 en það
er opið öllum áhugamönnum um
ljósmyndun, jafnt byrjendum sem
lengra komnum. - jh
BílAumBoð GlímA við æGivAld BAnkAnnA
„Gríðarlega óheil-
brigð samkeppni“
Forráðamenn bílaumboða þeirra sem stóðu af sér hrunið gagnrýna meðferð banka á yfirteknum
stórfyrirtækjum í greininni og niðurfellingu milljarða skulda þar. Eðlilegra hefði verið að fyrir-
tækin hefðu farið í gjaldþrot og nýir eigendur komið að sölu viðkomandi bílategunda.
Forráðamenn bílaumboða sem stóðu af sér brimskafla hrunsins segja samkeppnisstöðu á bílasölumarkaði óheilbrigða. Bankar
haldi stórum umboðsfyrirtækjum gangandi í samkeppni við önnur þar sem stjórnendur sýndu ráðdeild. Ljósmynd Hari
Þetta
kemur
niður
á fyrir-
tækjum
sem hafa
verið vel
rekin.
Jónas
Haraldsson
jonas@
frettatiminn.is
Þín ánægja er
okkar markmið
vodafone.is
1414
APP
Notaðu nýja 1414 Appið
í snjallsímanum eða spjaldtölvunni
Nuddinudd!
1414 App fyrir
iPhone og Android
6 fréttir Helgin 11.-13. nóvember 2011