Fréttatíminn - 11.11.2011, Blaðsíða 86
Hermt eftir Jakobi Frímanni
Í næstu viku kemur út bókin Með sumt á hreinu þar sem
Jakob Frímann Magnússon lítur um öxl. Haldið verður
heljarinnar teiti í Bókabúð Máls og menningar á föstu-
daginn eftir viku til að fagna útgáfunni. Blásið verður til
eftirhermukeppni til heiðurs kappanum og verður ekki
leitað langt yfir skammt við að sækja einn keppanda en
verslunarstjóri búðarinnar, Kristján Freyr Halldórsson,
er þekktur fyrir að ná Kobba Magg ansi vel. Væntanlegir
keppendur, þeir sem ætla sér sigur, munu sjálfsagt biðja
fyrir því að Freyr Eyjólfsson útvarpsmaður mæti ekki til
leiks því hann er óhugnanlega líkur Jakobi þegar hann
tekur sig til. Að sjálfsögðu verður dómnefnd á staðnum
og verðlaun veitt auk þess sem von er á fleiri fjörugum
skemmtiatriðum frá vinum og vandamönnum Stuð-
mannsins.
Söguslóðir Málverksins
Málverkið, bók Ólafs Jóhanns Ólafsson-
ar, kom út í vikunni. Bókin gerist í miðri
síðari heimsstyrjöldinni og er sögusviðið
búgarður í Toscana héraði á Ítalíu. Þangað
hrekst ung íslensk stúlka og fær skjól hjá
hefðarkonu af engilsaxneskum ættum.
Persóna þeirra síðarnefndu er byggð
á konu af holdi og blóði: Iris Origo, og
búgarðurinn er einnig til í raun og veru.
Hann heitir La Foce og er þar rekið
gistiheimili. Áhugasamir lesendur geta
sem sagt lagt land undir fót og heimsótt
blóðugt sögusvið bókarinnar nema hvað
nú er þar rekin blómleg ferðaþjónusta.
Vá, þeir bjóða í glas!
Þeir víkingar og valkyrjur sem við útrás
eru kennd áttu löngum sitt varnarþing
í skemmtanalífinu á 101-hóteli og þar
var Jón Ásgeir Jóhannesson og hirð
hans jafnan frek til fjörsins. Nú virðast
ákveðnar mannabreytingar hafa orðið í
fremstu víglínu þar en um síðustu helgi
bar mest á þeim Skúla Mogensen og
Matthíasi Imsland sem fljúga hátt þessa
dagana með mikil áform um landvinn-
inga flugfélagsins WOW sem gæti orðið
Iceland Express, félagi Pálma Haralds-
sonar viðskiptafélaga Jóns Ásgeirs,
skeinuhætt. Tvímenningarnir létu hressi-
lega að sér kveða og buðu dömum á 101
óspart í glas og létu oft upphrópunina;
„Vááááá!“ fylgja með. Greinilega vísun
í nafn nýja flugfélagsins. Jón Ásgeir og
eiginkona hans, Ingibjörg Pálmadóttir,
voru einnig á staðnum en létu lítið fyrir
sér fara undir vígreifum hrópum flug- É g leik þrítugan kínverskan strák og fer-tuga fyllibyttu,“ segir Dóra Jóhanns-dóttir sem bregður sér í tvö ólík karl-
mannshlutverk í sýningunni. „Við stökkvum
bara á milli aldurs og kynja eins og fingri
sé smellt. Það eru engin búningaskipti eða
neitt sem hjálpa okkur þannig að þetta verður
bara svolítið að gerast í hausnum á áhorfand-
anum. Og það er nú ótrúlega mikill galdur
sem getur gerst þar. Halldór Gylfason leikur
eiginkonuna mína sem heldur fram hjá mér
og upp úr því sprettur voða drama þannig að
persónan mín leiðist út í drykkju,“ segir Dóra.
„Já, ég leik þarna tvær kellingar. Flug-
freyju og eina konu sem á rauðan kjól,“ segir
Halldór. „Það er rétt að konan í rauða kjólnum
er að halda framhjá. Hún féll í freistni og ég
held fram hjá Dóru. Ótrúlegt en satt.“ segir
Dóri og bætir við að það hafi verið lítið mál að
bregða sér í kvenhlutverk. „Ég hef gert þetta
margsinnis áður í ævintýrunum í barnatím-
anum. Þetta var fyrir nokkrum árum þá var
ég með innslög þar sem ég lék allar prins-
essurnar, drottningarnar og öskubuskurnar
hugsanlegar. Þannig að ég hef leikið konur
áður.“
Jörundur Ragnarsson, kærasti Dóru, leikur
svo gamlan mann og unga þjónustustúlku
þannig að parið sá nýjar hliðar hvort á öðru
á æfingunum. „Mér fannst það bara fara Jör-
undi mjög vel að vera ung þjónustustúlka,“
segir Dóra enda ýmsu vön þar sem hún og
Jörundur hafa áður prufað kynjaskipti af
þessu tagi. „Við fórum á kynskiptinámskeið
þegar við vorum í Leiklistarskólanum þann-
ig að við höfum gengið í gegnum svona ferli
áður. Þá fékk Jörundur einmitt lánuð fötin
mín til þess að koma sér í karakter vegna
þess að allir strákarnir voru að leika konur
og við stelpurnar að prufa að leika karla. Og
það var eiginlega bara pirrandi hvað fötin
mín litu vel út á honum. Þetta var ofboðs-
lega skemmtilegt. Við erum líka oft í sömu
fötunum,“segir Dóra og hlær. „Við eigum
allavegana eina úlpu sem við samnýtum og
ég er mjög oft í hettupeysunum hans en hann
er eðlilega minna í mínum fötum.“
„Þetta er rosaflott og ógeðslega sniðugt
leikrit; fimm litlar sögur sem fléttast saman,
gerast allar í sama húsinu og tengjast á sér-
stakan hátt,“ segir Dóri um verkið sem er eft-
ir Roland Schimmelpfenning, eitt þekktasta
samtímaleikskáld Þjóðverja og var það valið
besta leikritið í Þýskalandi árið 2010. „Mér
finnst þetta mjög flott skrifað verk og það er
búið að vera ótrúlega gaman að fást við það.
Þetta er mjög fallegt, átakanlegt og á köflum
fyndið verk,“ segir Dóra.
toti@frettatiminn.is
Konan Dóri heldur
fram hjá karlinum Dóru
Borgarleikhúsið frumsýnir á föstudagskvöld leikritið Gyllta drekann þar sem fimm leikarar
bregða sér í sautján hlutverk óháð kyni og aldri. Framsetningunni er ekki síst ætlað að vekja upp
vangaveltur um hvað fólki af ólíku kyni og aldri leyfist og hvað ekki og hvað gerist þegar stað-
alímyndir eru brotnar upp. Dóra Jóhannsdóttir leikur til dæmis fertugan karl sem missir fótanna
þegar eiginkona hans, leikin af Halldóri Gylfasyni, byrjar að halda fram hjá honum.
Halldór og Dóra skipta um kyn í Gyllta drekanum. Dóri leikur konu í rauðum kjól sem heldur framjá eiginmanni sínum
sem Dóra leikur og sá hallar sér þá að flöskunni.
Útrás Vörur tulipop
Tulipop í New York
Í vikunni bættust hinar þekktu Pylones-verslanir í New York í hóp þeirra sem selja vörur ís-
lenska hönnunarfyrirtækisins Tuli-
pop. Fyrirtækið er stofnað utan um
Signýju Kolbeinsdóttur og Helgu
Árnadóttur – höfundana á bak við
ævintýraheim Tulipop. Krúttleg-
ar fígúrur og litríkir heimar eru
sköpunarverk Signýjar, sem Tasc-
hen-forlagið útnefndi nýverið sem
einn áhugaverðasta teiknara heims.
Pylones er þekkt franskt vörumerki
sem hefur náð miklum árangri um
heim allan og er þekkt fyrir fallega
hannaðar, litríkar og skemmtilegar
vörur. Pylones-verslanirnar í New
York, sem eru fjórar talsins, selja
vörur frá Pylones í Frakklandi til
viðbótar við vörur frá völdum hönn-
uðum. Verslanirnar eru mjög vel
staðsettar; ein er í Rockefeller Cen-
ter, önnur í SoHo, sú þriðja á Grand
Central og sú fjórða á Upper West
Side.
Salan til Pylones kemur í fram-
haldi af þátttöku Tulipop í stærstu
gjafavörusýningu Bandaríkjanna,
New York International Gift Fair í
ágúst síðastliðnum. Að sögn Helgu
Árnadóttur, framkvæmdastjóra
Tulipop, er salan til Pylones mikil-
vægt skref í sölu- og markaðssetn-
ingu á vörum Tulipop utan Íslands.
„Pöntun frá þekktri keðju á borð við
Pylones felur í sér mikla viðurkenn-
ingu á hönnun og hugmyndaheimi
Tulipop og þeim vörum sem við
erum að framleiða. Salan gefur vör-
unum okkar ákveðinn gæðastimp-
il og við erum bjartsýnar á að það
muni opna margar dyr að hafa Pylo-
nes í hópi söluaðila,“ segir Helga.
-óhþ
Signý Kolbeinsdóttir er hönnuður
varanna.
Vörur Tulipop eru litríkar.
Gyllti drekinn kynjaruGlinGur Í BorGarleikhÚsinu
Mér
fannst það
bara fara
Jörundi
mjög
vel að
vera ung
þjónustu-
stúlka.
HELGARBLAÐ
Dreifing inni í Fréttatímanum
er leið til að koma bæklingnum
þínum í hendur viðskiptavina.
Hikaðu ekki við að leita tilboða.
Verðið kemur á óvart.
Þarftu að dreifa bæklingi?
auglysingar@frettatiminn.is
Sími 531 3310
86 dægurmál Helgin 11.-13. nóvember 2011