Fréttatíminn - 11.11.2011, Side 24

E
r nokkuð karlmannlegra en ræktarlegt skegg? Nei,
ég hélt ekki! Alskegg er eitthvað sem á að fylgja
vetrinum eins og rjúkandi kjötsúpa. Ef þú ert
ekki taðskegglingur og með sæmilega rót ætt-
irðu að vera byrjaður á því að láta kjammana
þykkna.
En ekki er sama hvernig að þessu er staðið. Ekki vera
gaurinn sem rakar sig alveg eftir kjálkalínunni svo dæmi
sé nefnt. Finna þarf góða línu milli háls og höku. Yfirleitt
er best að gera snyrtileg skil undir línunni sem myndast
rétt fyrir neðan undirhökuna (já, þú ert með undirhöku,
ekki reyna blekkja sjálfan þig með það). Og það er
líka hinn ávinningurinn af því að safna skeggi; undir-
hakan minnkar og jafnvel hverfur ef þú ferð alla leið í
jólasveininn. Þegar þeirri sídd er náð þarf svo hvorki
að hafa áhyggjur af línunni góðu né undirhökunni.
Loðið
Ekkert má vaxa saman við skeggið. Gott skegg
stendur stakt og stolt. Nema hárið tengist náttúrlega
alskegginu með börtunum. Hér er sem sagt einkum
verið að vísa til lóarinnar, hárræsknanna, sem myndast
á aftanverðum hálsinum en það svæði þarf að snyrta
vikulega. Ekki má heldur að tengja bringubrúskinn
né augnhárin skegginu. Þrátt fyrir þetta skal varast
að gera of skarpar og kassalaga línur. Þetta á að flæða
snyrtilega en – „lúsí gúsí“, svo við tölum mannamál.
Efri vörin
Að vetrarlagi er alskeggið hið klassíska. En,
þegar svo ber undir, og menn hafa rótina í
ævintýrin eiga þeir náttúrlega að sýna mis-
munandi skeggtísku virðingu og ræktar-
semi. Svo margar virðulegar skeggútgáfur
og vel heppnaðaðar eru til að mönnum endist
varla veturinn til að prófa þær allar. Yfirvarar-
skegg er ekki bara fyrir „Mottumars“ ef einhver
skyldi halda það. Sá sem stendur í þeirri meiningu að yfirvararskegg sé
hallærislegt ætti að velta því fyrir sér hvort hann sé í rétta félagsskapunum?
Svölustu menn allra tíma hafa skartað yfirvararskeggi. Nægir þar að nefna
Burt Reynolds, Tom Selleck og Sam „ef þú þekkir hann ekki skaltu bara taka
upp rakhnífinn strax“ Elliot. En, eins og með allt skegg þarf að leggja góðan
grunn. Ekki bara byrja á því safna yfirvararskeggi. Þetta er það sem komið
hefur óorði á efri vörina; menn gangandi um með rytjulegt strýið á efri vör en
nauðrakaðir að öðru leyti og takandi loftbyssur frá mjöðminni. Nei, hér gildir
að byrja á að safna alskeggi. Þegar það er orðið þykkt má bregða hnífnum
á kjamma en skilja hökuna og efri vörina eftir. En það þarf að aðskilja þetta
tvennt. Því annars sitja menn uppi með rútubílstjórakleinuhring. Sem er ekki
flokkur. Í þessu ferli ber að varast eitt alveg sérstaklega
og það er „Foo man chu“-skeggið en það er þegar yfir-
vararskeggið nær of langt niður á hökuna.
Rétt áður en flott yfirvararskegg næst fram,
með hæfilegri og jafnri sídd hára, má svo húrra
sér í það sem ég kalla „Skerfarann“. Þá er að
taka hökuskeggið en skilja eftir yfir efri vörinni
og lítið svæði undir þeirri neðri. Með skerfarann
undir nefinu er fullkomlega óhætt að taka eina og
eina loftbyssu.
Snyrting
Það þarf að halda skegginu við og best er að
halda til rakara einu sinni í viku. Sé þess ekki
kostur er um að gera að fjárfesta í góðum skegg-
snyrti. Til eru margar týpur svo vanda þarf
valið. Við viljum engar rúningsklippur heldur
einfaldan en kraftmikinn snyrti. Mismunandi
áhöld fylgja mismunandi græjum. Sumum týpum
fylgir fjöldi aukahluta til að halda síddinni réttri en
öðrum aðeins einn. Ekki þarf að búast við að eyða
undir tíu þúsund kalli í góðan skeggsnyrti. Nett
skæri eru líka nauðsynleg þegar kemur að því að
snyrta súpusigtið sem og eitt og eitt hár sem eiga
það til að vaxa hraðar hin. Talandi um súpusigtið þá
er mikilvægast að það sé vel snyrt. Ekki láta yfir-
vararskeggið lufsast rytjulega yfir munninn.
Öllu þessu þarf vitaskuld að halda þessu hreinu.
Algengt er að undan skeggi klæi svolítið svona rétt
eins og góðri lopapeysu. Þá þarf bara að skola með
volgu vatni og nudda og raspa vel með fingrunum.
Flestir nota svo sjampóið í skeggið til að halda því
vellyktandi. Þó þola það ekki allir. Þeir hörð-
ustu nota ekki hreinsiefni og skrúbba bara
með vatninu. Millileið væri verið sú að
fá sér gamla góða barnasjampóið.
Ekki
Þær eru nokkar skeggtýpur sem venjulegir menn ættu hreinlega að varast.
Ekki vera með geithafursskegg nema þú sért í rokkhljómsveit og þurfir að
halda uppi ákveðinni tegund af „kúli“ því hárið er farið að þynnast. Sama
gildir um að láta vaxa bara undir neðri vörinni. Áðurnefnt „Foo man chu“ er
líka nokkuð sem flestir bera ekki. Rútubílstjórakleinuhring ættu bara rútubíl-
stjórar og stöku íslenskukennari að leyfa sér. Ekki kantskera of skarpt því
ef skeggið er kassalaga eru menn komnir í vandræði. Það er þó með þessar
reglur eins og aðrar að þeir sem eru nógu miklir spaðar til þess að halda
svalheitunum sama á hverju gengur geta leyft sér nokkurn veginn hvað sem
er. En það á við um fæsta.
Aumur er skegglaus maður
Fátt ef nokkuð er eins karlmannlegt og ræktarlegt skegg. En fráleitt væri að ætla að sama sé hvernig að því er staðið
að koma sér upp slíku. Haraldur Jónasson fer yfir nokkur grundvallaratriði en hann lumar á nokkrum ásum í erminni
þegar leyndardómar og undirstöðuatriði er varða skeggtísku eru annars vegar. Teikningar/Hari
Hökuskegg
Rútubílstjórakleinuhringur
Yfirvaraskegg
Kótelettur
Gamli
Kenny
Foo Man Chu
Össurinn
Skerfarinn
Skeggsnyrtirinn má aldrei
vera langt undan sem
og yfirvaraskeggskærin.
Fyrir þá sem eru með
viðkvæma húð getur verið
gott að grípa í gamla góða
barnasjampóið.
Réttu verkfærin
Lín Design Laugavegi 176 Sími 5332220 www.lindesign.is
Jólavörurnar komnar
15% afsláttur
föstudag & laugardag
Íslensk rúmföt
Jólasveinadúkar
Jólasvuntur
Jólatrésdúkar
24 skegg Helgin 11.-13. nóvember 2011