Fréttatíminn - 21.09.2012, Blaðsíða 40

Ekki kátt í höllinni
T
Talsvert er lagt á heiðurshjónin Elísa­
betu og Filippus í Buckinghamhöll þessa
dagana, einkum vegna stripls náinna
fjölskyldumeðlima. Þau hafa nokkurn
ama af berum fjölskyldumeðlimum hér
og þar enda eru fáir siðprúðari en þessi
aldurhnignu hjón. Sérkennilegt er því að
það unga fólk sem út af þeim er komið,
eða mægist þeim, geti ekki haft hemil á
sér. Afi og amma í höllinni eru orðin svo
gömul og lúin að það er tillitsleysi gagn­
vart þeim að láta svona.
Harry prins, sonur Karls ríkisarfa og
Díönu heitinnar, virðist af fréttum og
myndum að dæma skemmtilegur strákur,
hæfilega kærulaus og til í tuskið. Hann
er því eins og hver annar ungur maður
og gæti þess vegna verið ættaður úr
Tungunum, svo dæmi sé tekið. Vandi
hans er aðeins einn, að vera kominn út af
ofurfrægu fólki. Enginn myndi kippa sér
upp við það þótt strákar úr Tungunum
slepptu aðeins fram af sér beislinu, dyttu
í það, færu jafnvel í fatapóker og spiluðu
ballskák á sprellanum. Færi svo að partí
að loknum Tungnaréttum þróaðist í þessa
veru eru engar líkur á því að héraðsblað­
ið Sunnlenska hefði áhuga á því að kaupa
og birta strípimyndir af Tungnadrengj­
unum, hvað þá blöð á landsvísu. Öllum
stæði nákvæmlega á sama.
Hið sama á hins vegar ekki við um
aumingja Harry. Hann gleymdi sér í
stuðinu, eins og verða vill, og tíndi af sér
spjarirnar í partíi í Las Vegas í liðnum
mánuði. Það var ekki að sökum að spyrja.
Las Vegas er kunnara pláss en Arat­
unga og Harry frægari en smalastákar
á Biskupstungnaafrétti. Því fór sem fór.
Myndir af Harry allsberum í partíinu
fóru sem eldur í sinu um heimsbyggðina,
hvort heldur var í blöðum eða netmiðlum.
Hann mátti þó eiga það að hann hélt um
það allra heilagasta, krúnudjásnin, eins
og það var orðað í bresku pressunni.
Ömmu og afa í höllinni var ekki
skemmt. Beri prinsinn gerði þó ekki at­
hugasemdir enda þekkti hann sjálfan
sig á myndunum. Líklegt er að hann
hafi fengið móral þegar af honum rann,
en hann lét fárið yfir sig ganga og sætti
sig við að tugir milljóna manna skoð­
uðu myndirnar. Hann mátti vita að allir
partígestirnir væru með myndavélasíma,
að minnsta kosti þeir sem enn voru full­
klæddir. Það er verra að finna vasa ef
maður er orðinn ber. Þar er enginn mun­
ur á partíum í Las Vegas eða Tungunum.
Hugsanlegt er að athugasemdir við
myndirnar hafi komið verr við hinn unga
mann en myndbirtingin sjálf, enda eru
menn á þessum aldri viðkvæmir fyrir
útliti sínu. Sumir sneru nafni hans upp á
fræga persónu í túlkun Clint Eastwood
og kölluðu prinsinn Dirty Harry. Við það
gat hann unað. Verra var þegar beinar
athugasemdir voru gerðar við kroppinn.
Sumum þótti hann nefnilega heldur mjó­
sleginn og renglulegur og mætti því bæta
aðeins á sig. Staða hans er samt betri en
stóra bróður, Vilhjálms, sem í fyrra gekk
að eiga konuna Kate Middleton sem um
leið öðlaðist heimsfrægð. Eiginkonan og
bróðirinn Harry hafa nefnilega gert nett
grín að Vilhjálmi, framtíðarkóngi Bret­
lands. Hann hafi verið full gráðugur í
skyndimat og því safnað svokölluðum ást­
arhöldum, spiki ofan við mjaðmirnar. Þau
hafa því kallað hann hamborgarakóng­
inn, sem kannski á betur við á tungumáli
spaugfuglanna, „Burger King“.
En slúðurpressan hafði engan áhuga
á ástarhöldum Vilhjálms. Brjóstahöld
eiginkonu hans, Kate, stóðu henni nær.
Þessi framtíðar konungshjón Bretlands
brugðu sér í frí í sumarhús í Suður­
Frakklandi á dögunum. Þar er veðurfar
blítt, eins og þeir þekkja sem þangað
hafa komið. Erfðaprinsinn og prinsessan
Kate, sem bera þá virðulega titla her­
toginn og hertogaynjan af Cambridge,
sóluðu sig í sundfötum í garði sumar­
hússins. Það gera flestir við aðstæður
sem þessar. Svo hitnaði meir suður þar
svo prinsessan svipti af sér brjóstahöld­
unum. Það gerir fjöldi kvenna við svip­
aðar aðstæður, og þykir ekki tíðindum
sæta, nema ef um framtíðardrottningu
Breta er að ræða.
Það hefði Kate mátt vita og Vilhjálmur
líka. Móðir hans og Harrys var engin
önnur en Díana prinsessa sem hundelt
var af papparössum alla sína fullorðins
tíð, eftir þau Karl, frumburður Elíasabet­
ar og Filippusar, rugluðu saman reytum.
Það er nefnilega ekkert grín að giftast
inn í þessa fjölskyldu. Þá verður and­
skotinn laus. Vitaskuld var papparass í
grenndinni og myndaði brjóst prinsess­
unnar og seldi þær myndir, væntanlega
dýrum dómum. Bresk blöð, sem kalla
ekki allt ömmu sína í þessum efnum, létu
þó ekki freistast en það gerði franskt blað
og síðar ítalskt. Bæði eru þau í eigu Sil­
vios Berlusconi, fyrrum forsætisráðherra
Ítalíu. Hann er þekktur fyrir ýmislegt
annað en pólitík, meðal annars partí þar
sem eitthvað bar á beru kvenmannsholdi
í nálægð við karlinn. Hertogahjónin hafa
kært ritstjóra franska blaðsins fyrir árás
á einkalíf og væntanlega fær sá ítalski
sömu trakteringar. Það er ekki víst að sá
þjónn Berlusconi kippi sér upp við það
enda er ritstjórinn fremur að velta því
fyrir sér hvort brjóst hertogaynjunnar
séu ekta.
Það er því ekki kátt í höllinni. Þar
fer um gömlu hjónin, Elísabetu ömmu
og Filippus afa, sem sífellt eiga von á
nýjum skandal. Við verðum bara að
vona, þeirra vegna og annarra,
að Karl ríkisarfi og eigin­
kona hans, Camilla
Parker­Bowles,
eigi ekki erindi til
Suður­Frakklands
á næstunni.
Það er eiginlega
alveg nóg að hafa
fengið að sjá hnén á
Kalla í skotapilsinu!
Jónas
Haraldsson
jonas@
frettatiminn.is
HELGARPISTILL
Te
ik
ni
ng
/H
ar
i
Allur ágóði af sölunni
rennur til
Krabbameinsfélags Íslands
www.faerid.com
Sölustaðir:
N1, Pósturinn, Skeljungur, Nettó, Olís og Bónus.
40 viðhorf Helgin 21.-23. september 2012