Fréttatíminn - 21.09.2012, Blaðsíða 48

48 garðar í samvinnu við GarðyrkjufélaG íslands Helgin 21.-23. september 2012
 Garðar Vilhjálmur lúðVíksson, formaður GarðyrkjufélaGs íslands Garðar líkjörar úr íslenskum berjum
Heimalagaðir líkjörar
Eftir gott berjasumar eiga margir ber í frysti sem t.d. má nýta í
berjasnafs eða líkjör. Það getur verið skemmtilegt að bjóða upp
á lítið staup af heimatilbúnum líkjör á köldu vetrarkvöldi. Hér
koma þrjár uppskriftir sem hægt er að prófa sig áfram með.
Berjarpressur koma að
góðum notum þegar
kemur að því að búa til
saft og líkjör.
Vilhjálmur Lúðvíksson fer yfir haust-
verkin sín. Hann hlakkar til að setja
niður ávaxtatrén sín nú í haust og svo á
hann töluvert af ungum sáðrósum sem
fara niður núna á næstunni.
f yrsta stóra haustlægðin kom á dög-unum. Reyndar hafa nokkrir stórrign-ingardagar dunið á okkur að undan-
förnu. Þá minnumst við eins sólríkasta og
þurrasta sumars sem flest okkar hafa lifað.
Nánast samfelldir þurrkar voru frá byrjun
maí og fram í ágúst. Nú er komið að haust-
rigningum og rétt að huga að haustplöntun
– og haustdagskrá Garðyrkjufélagsins.
Framan af sumri var nóg að gera að vökva
og halda lífi í því sem nýlega hafði verið
plantað út. Reyndar dró mjög úr sölu hjá
garðplöntustöðvum á þeim tíma hugsanlega
vegna þess að fólk kaus að hinkra meðan
þurrkarnir stóðu. Nú er rétti tíminn til að
planta og kíkja í garðplöntustöðvarnar. Vís-
ast er að þær eigi töluvert úrval af áhuga-
verðum trjáplöntum, runnum og fjölærum
garðplöntum til sölu. Ræturnar hafa nægan
tíma til að koma sér fyrir í haust ef jörð ekki
frýs fyrr en eftir nýár eins og verið hefur hin
síðari ár.
Litríkt vor
Haustlaukatíminn er kominn og töluvert
úrval á góðu verði sýnist mér hjá stóru garð-
plöntusölunum. Munið 20% afslátt af haust-
laukum til félagsmana GÍ í Blómavali og
Garðheimum. Fátt er skemmtilegra en gera
áætlanir um litríkt vor. Það má einnig kaupa
sér haustlyng og beitilyng og koma fyrir
á skjólríkum stöðum í garðinum. Með því
að skera upp í og opna þéttan rótarhnaus-
inn sem mest, troða jarðvegi inn í hann við
gróðursetninguna og bleyta svo vel í nást
góð tengsl við jarðveginn umhverfis. Þá
geta plönturnar slegið nýjum rótum og lifað
áfram. Þá fær maður fjölært haustlyng sem
blómstrar ár eftir ár og þarf ekki að horfa
upp á það þorna upp rétt eftir áramótin.
Þetta hef ég sannreynt.
Ávaxtagarðurinn
Ég hef beðið með að setja niður hluta af
ávaxtatrjánum sem ég keypti í fyrra. Þau
stóðu inni í vetur en ég setti þau út um mitt
sumar og þar standa þau enn og hafa flest
vaxið afar vel. Ég hlakka til að setja þau
niður á næstunni í „ávaxtagarðinn“ sem ég
er að undirbúa. Ég á líka töluvert af ungum
sáðrósum í pottum sem ég ætla að setja
í raðir á milli þeirra til að sjá hvort ekki
koma upp ný áhugaverðir einstaklingar. Það
verður þó líklega ekki fyrr en eftir 3-4 ár að
blómin láta sjá sig á þeim líkt og á ávaxta-
trjánum. Á meðan bíð ég spenntur. Reyndar
á ég þegar nokkrar rósir sem ég sáði fyrir 10
árum og blómstruðu fagurlega í ár – líklega
einar 10 plöntur af um 260 sem ég plantaði
út. Ekki slæm útkoma. Hinum hef ég fargað.
Þessa dagana blómstrar reyndar hjá mér
Helenurós sem líklega er ný fyrir heiminn
því hvergi hef ég séð hennar líka. Læt mynd
af henni fylgja. Ég er strax farinn að hlakka
til vorsins!
Vilhjálmur Lúðvíksson,
formaður Garðyrkjufélags Íslands
Haustið í garðinum
Ávaxtatrén bíða gróðursetningar.
Haustlyng frá
í fyrra hefur
búið um sig.
Haust-
lauka-
tíminn er
kominn
og tölu-
vert úrval
á góðu
verði sýn-
ist mér
hjá stóru
garð-
plöntusöl-
unum.
Hálftímalíkjör
750 ml vodka
1 lítri af frosnum
berjum, mjög gott
að blanda saman
nokkrum tegundum,
s.s. bláberjum, sól-
berjum og hindberjum
2-4 stk mentolbrjóst-
sykur eða eftir smekk
Agavesíróp eftir
smekk
Þíðið berin og síið
allan vökva frá, leysið
upp brjóstsykurinn.
Blandið saman berja-
safanum, uppleystum
brjóstsykrinum, vodka
og agavesírópi, kælið
og drekkið!
Ávaxta og
kryddlíkjör
750ml sterkt vín, má nota
vodka, gin, romm eða eftir
smekk
150-200 gr þurrkaðar
apríkósur
Ysta lagið af berki einnar
mandarínu
4 örþunnar sneiðar af
ferskum engifer
4-5 greinar af tímian eða
tsk. af þurrkuðum
Agavesíróp eftir smekk
Öllu blandað saman og
síað eftir 2-3 vikur. Borið
fram kalt.
Munið! Alls ekki henda aprí-
kósunum. Góðar (nokkuð
áfengar) t.d. í eftirrétti.
Stikilsberjalíkjör
1 kg hökkuð ber
1 kanilstöng
4 stk stjörnuanís
1 vanillustöng
500gr pálmasykur
1 lítri af vodka.
Pressið allan vökva úr
berjunum og blandið
saman við kryddið,
pálmasykurinn og
vodkann.
Geymið í tvo mánuði
í flösku og hristið við
og við. Berist fram
kalt.
Sáðrós með fylltum ilmandi blómum.
www.forlagid.i s – alvör u bókaverslun á net inu
Að þora að
lifa og elska
bbbb
„… merkileg viðbót við kvennalitteratúr okkar daga …“
P á l l B a l d v i n B a l d v i n s s o n / F r é t t a t í m i n n
„Vel skrifuð og skemmtileg saga um eina skemmti-
legustu kvenpersónu sem sést hefur á prenti langa lengi.“
F r i ð r i k a B e n ó n ý s d ó t t i r / F r é t t a B l a ð i ð
nÝ
kilja!